Nokia 2310 User's Guide [sq]

Udhëzuesi i përdorimit për Nokia 2310

9248606

Botimi 2

DEKLARATA E KONFORMITETIT Me këtë, KORPORATA E NOKIAS, deklaron se ky produkt RM-189 është në përputhje me kërkesat themelore dhe dispozitat tjera të përshtatshme të Direktivës 1999/5/EC. Një kopje të Deklaratës së Konformitetit mund ta gjeni në http://www.nokia.com/phones/declaration_of_conformity/.

0434

Simboli i kazanit të mbeturinave i shënuar me kryq, do të thotë se brenda Bashkimit Evropian ky produkt duhet të dërgohet në një qendër të veçantë grumbullimi në fund të jetës së produktit. Kjo vlen jo vetëm për pajisjen tuaj, por edhe për çdo pajisje ndihmëse mbi të cilën është shënuar ky simbol. Mos i hidhni këto produkte ashtu si mbeturinat e përbashkëta të paseleksionuara.

Ndalohet riprodhimi, transferimi, shpërndarja ose ruajtja e një pjese ose e të gjitha përmbajtjeve në këtë dokument në çfarëdolloj forme, pa lejen paraprake me shkrim të Nokia-s.

Nokia dhe Nokia Connecting People janë markat ose markat e regjistruara të Korporatës së Nokia-s. Emrat e tjerë të produkteve dhe të shoqërive të përmendura këtu, mund të jenë marka të pronarëve përkatës të tyre.

Melodia Nokia është një shenjë zanore e Korporatës Nokia.

Nokia përdor një politikë të zhvillimit të vazhdueshëm. Nokia ka të drejtën për të bërë ndryshime dhe përmirësime në çdo produkt të përshkruar në këtë dokument, pa njoftim paraprak.

Nokia në asnjë rast nuk do të jetë përgjegjëse për çdo humbje të të dhënave ose të të ardhurave ose për çdo dëmtim të tërthortë, të veçantë, të rastësishëm ose rrjedhimor, sido që të jetë shkaktuar.

Përmbajtja e këtij dokumenti jepet «pa ndryshime». Me përjashtim të rasteve kur kërkohet nga ligji në fuqi, nuk jepet asnjë lloj garancie, e shprehur apo e nënkuptuar, duke përfshirë, por pa kufizuar, garancitë e nënkuptuara të tregtueshmërisë dhe të përshtatshmërisë për një qëllim të caktuar, në lidhje me saktësinë, besueshmërinë ose me përmbajtjet e këtij dokumenti. Nokia ruan të drejtën për ta rishikuar këtë dokument ose për ta tërhequr atë në çdo kohë, pa njoftim paraprak.

Disponueshmëria e produkteve të veçanta mund të ndryshojë sipas rajoneve. Kontaktoni me shitësin më të afërt të Nokia-s.

Kjo pajisje mund të përmbajë produkte, teknologji ose programe që i nënshtrohen rregullave dhe ligjeve të eksportit në Shtetet e Bashkuara dhe në vendet e tjera. Ndalohen ndryshimet që janë në kundërshtim me ligjet.

9248606/Botimi 2

Përmbajtja

Për sigurinë tuaj................................................................................................................................... 5

Informacioni i përgjithshëm................................................................................................................ 8

Kodet e përdorimit................................................................................................................................................................................. 8

Kujtesa e përbashkët ............................................................................................................................................................................. 8

Ndihmë nga Nokia në Web.................................................................................................................................................................. 8

1.Fillimi................................................................................................................................................. 9

Vendosja e kartës SIM dhe e baterisë............................................................................................................................................... 9

Ngarkimi i baterisë.............................................................................................................................................................................. 10

Hapja dhe mbyllja ............................................................................................................................................................................... 10

Butonat dhe pjesët përbërëse .......................................................................................................................................................... 11

Shkurtesat në gjendjen e gatishmërisë......................................................................................................................................... 12

Bllokimi i tastierës............................................................................................................................................................................... 12

2.Funksionet e thirrjes ...................................................................................................................... 13

Kryerja dhe përgjigjja e një thirrjeje .............................................................................................................................................. 13

Altoparlanti........................................................................................................................................................................................... 13

Mesazhet zanore ................................................................................................................................................................................. 13

3.Shkrimi i tekstit ............................................................................................................................. 14

4.Funksionet e menysë...................................................................................................................... 15

Mesazhet ............................................................................................................................................................................................... 15

Kontaktet ............................................................................................................................................................................................... 17

Regjistri i thirrjeve............................................................................................................................................................................... 18

Cilësimet ................................................................................................................................................................................................ 19

Zilja e orës............................................................................................................................................................................................. 23

Radioja.................................................................................................................................................................................................... 23

Kujtesat.................................................................................................................................................................................................. 24

Lojrat....................................................................................................................................................................................................... 24

Shtesat.................................................................................................................................................................................................... 25

Shërbimet SIM...................................................................................................................................................................................... 26

5.Informacioni për baterinë ............................................................................................................. 27

Ngarkimi dhe shkarkimi..................................................................................................................................................................... 27

Udhëzime rreth origjinalitetit të baterive Nokia........................................................................................................................ 28

6.Pajisjet ndihmëse............................................................................................................................ 30

Kujdesi dhe mirëmbajtja.................................................................................................................... 31

Informacion shtesë për sigurinë ....................................................................................................... 32

Për sigurinë tuaj

Lexoni këto udhëzime të thjeshta. Mosrespektimi i tyre mund të jetë i rrezikshëm ose i paligjshëm. Për informacion të mëtejshëm, lexoni me hollësi udhëzuesin e përdorimit.

HAPENI ME KUJDES

Mos e hapni telefonin, kur përdorimi i telefonit celular është i ndaluar ose kur ai mund të shkaktojë ndërhyrje ose rrezik.

SIGURIA NË RRUGË ËSHTË PARËSORE

Zbatoni të gjitha ligjet vendore. Kur jeni duke ngarë automjetin, mbajini duart gjithmonë të lira për ta komanduar atë. Gjatë ngarjes së automjetit, rëndësi parësore duhet të ketë siguria në rrugë.

NDËRHYRJA

Të gjithë telefonat celularë mund të jenë të ndjeshëm ndaj ndërhyrjes, e cila mund të ndikojë në funksionimin etyre.

MBYLLENI NË SPITALE

Ndiqni të gjitha masat kufizuese. Mbylleni telefonin kur jeni pranë aparaturave mjekësore.

MBYLLENI NË AEROPLAN

Ndiqni të gjitha masat kufizuese. Pajisjet celulare mund të shkaktojnë ndërhyrje në aeroplan.

MBYLLENI KUR JENI DUKE MBUSHUR AUTOMJETIN ME KARBURANT

Mos e përdorni telefonin në një pikë karburanti. Mos e përdorni afër lëndëve djegëse ose kimike.

MBYLLENI AFËR SHPËRTHIMEVE

Ndiqni të gjitha masat kufizuese. Mos e përdorni telefonin kur janë duke u zhvilluar shpërthime.

PËRDORENI ME ARSYE

Përdoreni vetëm në pozicionin normal, ashtu siç shpjegohet në dokumentacionin e produktit. Mos e prekni pa arsye antenën.

SHËRBIMI I KUALIFIKUAR

Këtë produkt mund ta instalojë ose ta riparojë vetëm një personel i kualifikuar.

PAJISJET NDIHMËSE DHE BATERITË

Përdorni vetëm pajisje ndihmëse dhe bateri të aprovuara. Mos lidhni produkte që nuk përputhen.

REZISTENCA NDAJ UJIT

Telefoni juaj nuk i reziston ujit. Mbajeni të thatë.

KOPJET REZERVË

Mos harroni të bëni kopje rezervë ose të mbani një shënim me shkrim, për të gjithë informacionin e rëndësishëm të ruajtur në telefonin tuaj.

LIDHJA ME PAJISJE TË TJERA

Gjatë lidhjes me një pajisje tjetër, lexoni udhëzuesin e përdorimit të asaj pajisjeje për udhëzime të hollësishme për sigurinë. Mos lidhni produkte që nuk përputhen.

THIRRJET E URGJENCËS

Sigurohuni që telefoni është i hapur dhe në shërbim. Shtypni butonin e përfundimit sa herë të jetë e nevojshme, për të pastruar hapësirën e shfaqjes dhe për t’u kthyer në ekranin fillestar. Fusni numrin e urgjencës dhe më pas shtypni butonin e thirrjes. Jepni vendndodhjen tuaj. Mos e përfundoni thirrjen derisa t’ju jepet leja për ta përfunduar.

■ Rreth pajisjes tuaj

Pajisja celulare e përshkruar në këtë udhëzues, është aprovuar për përdorim në rrjetet EGSM 900 dhe GSM 1800. Për më tepër informacion rreth rrjeteve, kontaktoni me ofruesin tuaj të shërbimit.

Kur të përdorni veçoritë e kësaj pajisjeje, zbatoni të gjitha ligjet dhe respektoni të drejtat private dhe të ligjshme të të tjerëve.

Paralajmërim: Për të përdorur çfarëdolloj veçorie të kësaj pajisjeje, përveç ziles së orës, pajisja duhet të jetë e hapur. Mos e hapni pajisjen kur përdorimi i pajisjeve celulare mund të shkaktojë ndërhyrje ose rrezik.

■ Shërbimet e rrjetit

Për të përdorur telefonin, ju duhet të keni shërbim nga një ofrues i shërbimit celular. Funksionimi i shumë prej veçorive të kësaj pajisjeje, varet nga veçoritë e rrjetit celular. Këto shërbime të rrjetit mund të mos disponohen në të gjitha rrjetet ose do t’ju duhet të bëni marrëveshje specifike me ofruesin tuaj të shërbimit, përpara se të shfrytëzoni shërbimet e rrjetit. Ofruesi juaj i shërbimit, mund t’ju japë udhëzime shtesë për përdorimin e tyre dhe t’ju shpjegojë çmimet që do të përdorë. Disa rrjete mund të kenë kufizime, që ndikojnë në mënyrën me të cilën mund të përdorni shërbimet e rrjetit. Për shembull, disa rrjete mund të mos mbështesin të gjitha shërbimet dhe shenjat që varen nga gjuhët.

Ofruesi juaj i shërbimit mund të ketë bërë kërkesë, që në pajisjen tuaj të nxjerrë jashtë përdorimit ose të mos aktivizojë disa veçori të caktuara. Në këtë rast, ato nuk do të shfaqen në menynë e pajisjes suaj. Pajisja juaj mund të ketë qenë gjithashtu e konfiguruar posaçërisht. Ky konfigurim mund të përfshijë ndryshime në emrat e menysë, në renditjen e menysë dhe të ikonave. Për informacion të mëtejshëm, kontaktoni me ofruesin tuaj të shërbimit.

Informacioni i përgjithshëm

■ Kodet e përdorimit

Kodi i sigurisë që jepet bashkë me telefonin, ndihmon për të mbrojtur telefonin tuaj ndaj përdorimit të paautorizuar. Kodi i paracilësuar është 12345.

Kodi PIN që jepet bashkë me kartën SIM, ndihmon për të mbrojtur kartën ndaj përdorimit të paautorizuar. Kodi PIN2 që jepet me disa karta SIM, kërkohet për të përdorur disa shërbime. Nëse fusni gabim tre herë me radhë kodet PIN ose PIN 2, do t'ju kërkohet kodi PUK ose PUK 2. Nëse nuk i keni, kontaktoni me ofruesin tuaj vendor të shërbimit.

Zgjidhni Menyja > Cilësimet > Cilësimet e sigurimit për të cilësuar mënyrën se si telefoni juaj përdor kodet e përdorimit dhe cilësimet e sigurimit.

■ Kujtesa e përbashkët

Veçoritë e mëposhtme të kësaj pajisjeje mund të kenë kujtesë të përbashkët: Mesazhet dhe Kompozimi. Përdorimi i një ose i disa prej këtyre veçorive, mund të reduktojë kujtesën që disponohet për kujtesën e përbashkët të veçorive që mbeten. Për shembull, ruajtja e shumë mesazheve me tekst mund të përdorë të gjithë kujtesën e disponueshme. Pajisja juaj mund të shfaqë një mesazh që kujtesa është plot, kur ju përpiqeni të përdorni një veçori të kujtesës së përbashkët. Në këtë rast, përpara se të vazhdoni, fshini disa nga informacionet ose nga kartelat e ruajtura në veçoritë e kujtesës së përbashkët. Disa prej veçorive, të tilla si Kontaktet mund të kenë një sasi kujtese të përcaktuar posaçërisht për to, përveç kujtesës së përbashkët me veçoritë e tjera.

■ Ndihmë nga Nokia në Web

Kontrolloni www.nokia.com/support ose sajtin vendor të Nokia-s në ueb për versionin më të fundit të këtij udhëzuesi, për informacion shtesë, për shkarkime dhe për shërbime që kanë të bëjnë me produktin tuaj Nokia.

1. Fillimi

■ Vendosja e kartës SIM dhe e baterisë

Gjithmonë mbylleni pajisjen dhe shkëputeni ngarkuesin përpara se të hiqni baterinë. Mbajini të gjitha kartat SIM larg nga fëmijët e vegjël. Për disponueshmërinë dhe për informacion rreth përdorimit të shërbimeve të kartës SIM, kontaktoni me shitësin e kartës suaj

SIM. Ai mund të jetë ofruesi i shërbimit, operatori i rrjetit, ose ndonjë shitës tjetër.

Ky telefon është krijuar për t'u përdorur me baterinë BL-5C.

1. Shtypni butonin e lirimit dhe shtyjeni mbulesën e pasme për ta hequr (1). Ngrijeni dhe hiqeni baterinë (2).

2. Me kujdes ngrini mbajtësin e kartës SIM nga pjesëza me gisht e telefonit (3). Vendosni kartën SIM në mbajtës, në mënyrë të tillë që cepi i prerë të jetë në qoshen e sipërme djathtas dhe sipërfaqja e kontaktit ngjyrë ari të jetë duke parë nga poshtë (4). Mbylleni mbajtësin e kartës SIM (7) dhe shtypeni atë për ta kyçur në vendin e tij.

3. Vendosni përsëri në vend baterinë dhe mbulesën e pasme (6, 7).

Shënim: Gjithmonë, para se të hiqni mbulesën, mbyllni fuqinë dhe shkëpusni ngarkuesin si dhe çfarëdolloj pajisje tjetër. Gjatë ndërrimit të mbulesave, shmangni prekjen e përbërësve elektronikë. Pajisjen mbajeni dhe përdoreni gjithmonë me mbulesa të puthitura.

■ Ngarkimi i baterisë

Paralajmërim: Me këtë model të veçantë përdorni vetëm bateri, ngarkues dhe pajisje ndihmëse të

aprovuara nga Nokia. Përdorimi i çdo lloji tjetër mund të zhvlerësojë çdo aprovim ose garanci dhe mund të jetë i rrezikshëm.

Kontrolloni numrin e modelit të çdo ngarkuesi para se ta përdorni me këtë pajisje. Kjo pajisje është planifikuar të përdoret kur furnizohet me fuqi nga një ngarkues AC-2.

Për disponueshmërinë e pajisjeve ndihmëse të aprovuara, kontaktoni me shitësin tuaj.

1. Lidheni ngarkuesin me një prizë korrenti në mur.

2. Lidheni ngarkuesin me telefonin. Shiriti i treguesit të baterisë fillon të lëvizë. Kur bateria është plotësisht e ngarkuar, shiriti nuk lëviz më.

Nëse bateria është shkarkuar plotësisht, mund të kalojnë pak minuta para se të shfaqet në ekran treguesi i ngarkimit ose para se të bëhet ndonjë thirrje.

■ Hapja dhe mbyllja

Shtypni dhe mbani të shtypur butonin e përfundimit. Përdoreni telefonin vetëm në pozicionin e tij normal të funksionimit.

Pajisja juaj ka një antenë të brendshme.

Shënim: Ashtu si dhe me çdo pajisje tjetër radiotransmetuese, mos e prekni antenën pa qenë nevoja, kur pajisja është e hapur. Kontakti me antenën ndikon në cilësinë e thirrjes dhe mund të bëjë që pajisja të funksionojë me një fuqi me nivel më të lartë se sa ai që nevojitet zakonisht. Shmangia e kontaktit me zonën e antenës gjatë përdorimit të pajisjes, bën që funksionimi i antenës si dhe jetëgjatësia e baterisë të jenë optimale.

Shënim: Mos e prekni këtë lidhës sepse është planifikuar të përdoret vetëm nga personeli i shërbimit të autorizuar.

■ Butonat dhe pjesët përbërëse

Kur telefoni është gati për përdorim, përpara se të shkruani çfarëdolloj shenje, telefoni është në gjendjen e gatishmërisë.

Emri i rrjetit ose stema e operatorit (1) Fuqia e sinjalit të rrjetit (2) Niveli i ngarkimit të baterisë (3) Receptori (4) Altoparlanti (5) Funksionet e butonave të zgjedhjes (6) Butonat e zgjedhjes (7) Butoni i lëvizjes (8) Butoni i thirrjes (9) Butoni i përfundimit dhe i fuqisë (10) Tastiera (11) Lidhësi i ngarkuesit (12) Lidhësi i kufjeve (13)

+ 24 hidden pages