Nokia 1208, 1200 User's Guide [is]

Nokia 1200/1208 notendahandbók

9202403

3. útgáfa IS

LEYFISYFIRLÝSING NOKIA CORPORATION lýsir því hér með yfir að vara RH-99/RH-105 er í samræmi við nauðsynleg skilyrði og önnur ákvæði tilskipunar 1999/5/EC. Afrit af Samræmisyfirlýsingunni má finna á http://www.nokia.com/ phones/declaration_of_conformity/.

0434

Nokia, Nokia Connecting People, og Navi eru vörumerki eða skrásett vörumerki Nokia Corporation. Nokia tune er vörumerki Nokia Corporation. Önnur vöruheiti eða heiti fyrirtækja sem nefnd eru hér geta verið vörumerki eða vöruheiti viðkomandi eigenda.

Hvers konar afritun, yfirfærsla, dreifing eða varðveisla á hluta skjals þessa eða skjalsins alls er óheimil nema að fyrir fram fengnu skriflegu samþykki Nokia.

Nokia framfylgir stefnu sem felur í sér stöðuga þróun. Nokia áskilur sér rétt til að gera breytingar og úrbætur á hvers konar vöru sem getið er í þessu skjali án undangenginnar tilkynningar.

AÐ ÞVÍ MARKI SEM VIÐEIGANDI LÖG LEYFA SKAL NOKIA, STARFSMENN ÞESS EÐA SAMSTARFSAÐILAR UNDIR ENGUM KRINGUMSTÆÐUM BERA SKAÐABÓTAÁBYRGÐ VEGNA TAPS Á GÖGNUM, TEKJUTJÓNI EÐA Á NEINU SÉRSTÖKU, TILVILJANAKENNDU, AFLEIDDU EÐA ÓBEINU TJÓNI HVERNIG SEM ÞAÐ VILL TIL.

INNTAK ÞESSA SKJALS ER AFHENT „EINS OG ÞAÐ KEMUR FYRIR“. UM FRA M ÞA Ð, ER L ÖG Á SKILJ A, E R EN GIN Á BYR GÐ V EIT T, H VOR KI BE RUM ORÐUM EÐA UNDIRSKILIN, Á NÁKVÆMNI, ÁREIÐANLEIKA EÐA INNTAKI ÞESSA SKJALS, Á ÞAÐ MEÐAL ANNARS, EN EKKI EINGÖNGU, VIÐ UM SÖLUHÆFNI EÐA ÁBYRGÐ Á AÐ VARAN HENTL TILTEKINNI NOTKUN. NOKIA ÁSKILUR SÉR RÉTT TIL AÐ ENDURSKOÐA SKJALIÐ EÐA DRAGA ÞAÐ TILBAKA HVENÆR SEM ER ÁN UNDANGENGINNAR TILKYNNINGAR.

Framboð á tilteknum vörum, forritum og þjónustu fyrir þessar vörur getur verið breytilegt eftir svæðum. Kannaðu það, ásamt tungumálavalkostum, hjá Nokia söluaðila þínum.

Útflutningstakmarkanir Tæki þetta kann að innihalda vörur, tækni eða hugbúnað sem lýtur útflutningslögum og reglugerðum í Bandaríkjunum og öðrum löndum. Breytingar á flutningsleiðum sem ekki samræmast lögum eru óheimilar.

9202403/3. útgáfa IS

Efnisyfirlit

Öryggisatriði............................................................................. 5

1. Tækið tekið í notkun........................................................... 9

SIM-kortið og rafhlaðan sett í símann.............................................................. 9

Rafhlaðan hlaðin................................................................................................... 11

Kveikt og slökkt ..................................................................................................... 12

2. Síminn................................................................................ 13

Takkar og hlutar..................................................................................................... 13

Helstu valkostir...................................................................................................... 14

Símtöl – hringt og svarað................................................................................... 15

Hátalari .................................................................................................................... 15

Textaritun................................................................................................................ 15

Skilaboð ................................................................................................................... 17

Tengiliðir.................................................................................................................. 18

Vasaljós.................................................................................................................... 18

Skipt símaskrá........................................................................................................ 19

3. Upplýsingar um rafhlöðu.................................................. 20

Hleðsla og afhleðsla............................................................................................. 20

Leiðbeiningar um sannprófun á rafhlöðum frá Nokia................................ 22

Umhirða og viðhald ............................................................... 25

Viðbótaröryggisupplýsingar .................................................. 28

Öryggisatriði

Lesið þessar einföldu leiðbeiningar. Sé þeim ekki fylgt getur það verið hættulegt eða varðað við lög. Lesa skal alla notendahandbókina til að fá nánari upplýsingar.

ÖRYGGI ÞEGAR KVEIKT ER Á TÆKINU

Ekki má kveikja á tækinu þar sem notkun þráðlausra síma er bönnuð eða þar sem hún kann að valda truflunum eða hættu.

UMFERÐARÖRYGGI GENGUR FYRIR

Fara skal að öllum staðbundnum lögum. Ætíð skal hafa hendur frjálsar til að stýra ökutækinu við akstur. Umferðaröryggi skal ganga fyrir í akstri.

TRUFLUN

Öll þráðlaus tæki geta verið næm fyrir truflunum, sem getur haft áhrif á virkni þeirra.

SLÖKKT SKAL Á SÍMANUM Á SJÚKRASTOFNUNUM

Virða skal allar takmarkanir. Slökkva skal á tækinu nálægt lækningabúnaði.

HAFA SKAL SLÖKKT Á SÍMANUM Í FLUGVÉLUM

Virða skal allar takmarkanir. Þráðlaus tæki geta valdið truflunum í flugvélum.

SLÖKKT SKAL Á SÍMANUM ÁÐUR EN ELDSNEYTI ER TEKIÐ

Ekki nota tækið nærri eldsneytisdælu. Notist ekki í námunda við eldsneyti eða sterk efni.

SLÖKKVA SKAL Á SÍMANUM ÞAR SEM VERIÐ ER AÐ SPRENGJA

Virða skal allar takmarkanir. Ekki nota tækið þar sem verið er að sprengja.

NOTIST AF SKYNSEMI

Notist aðeins í þeirri stöðu sem lýst er í handbókinni sem fylgdi með vörunni. Forðast skal óþarfa snertingu við loftnetssvæðið.

VIÐURKENND ÞJÓNUSTA

Aðeins viðurkennt starfsfólk má setja upp eða gera við þessa vöru.

AUKAHLUTIR OG RAFHLÖÐUR

Aðeins má nota samþykkta aukahluti og rafhlöður. Ekki má tengja saman ósamhæf tæki.

VATNSHELDNI

Tækið er ekki vatnshelt. Halda skal því þurru.

ÖRYGGISAFRIT

Muna skal að taka öryggisafrit eða halda skrá yfir allar mikilvægar upplýsingar sem geymdar eru í tækinu.

TENGING VIÐ ÖNNUR TÆKI

Þegar tækið er tengt öðru tæki skal lesa notendahandbók með því vandlega, einkum upplýsingar um öryggi. Ekki má tengja saman ósamhæf tæki.

NEYÐARSÍMTÖL

Tryggja skal að kveikt sé á símaaðgerðum tækisins og þær séu virkar. Ýta skal á endatakkann eins oft og þarf til að hreinsa skjáinn og fara aftur í biðstöðu. Sláðu inn neyðarnúmerið og ýttu á hringitakkann. Gefa skal upp staðarákvörðun. Ekki má slíta símtali fyrr en að fengnu leyfi til þess.

■

Um tækið

Þráðlausa tækið sem lýst er í handbókinni er samþykkt til notkunar í GSM 900 og GSM 1800 símkerfunum. Þjónustuveitan gefur nánari upplýsingar um símkerfi.

Við notkun þessa tækis skal hlíta öllum lögum og virða staðbundnar venjur, einkalíf og lögmæt réttindi annarra, þ.m.t. höfundarrétt.

Viðvörun: Við notkun allra aðgerða í þessu tæki, annarra en vekjara, þarf að vera kveikt á tækinu. Ekki skal kveikja á tækinu þegar notkun þráðlausra tækja getur valdið truflun eða hættu.

■ Sérþjónusta

Til að hægt sé að nota símann verður áskrift að þjónustuveitu fyrir þráðlausa síma að vera fyrir hendi. Margir af valkostum símans flokkast undir sérþjónustu. Ekki er hæg t að no ta þes sa valkosti í öllum símkerfum. Í öðrum símkerfum kann jafnframt að vera farið fram á sérstaka skráningu fyrir þessari þjónustu. Leiðbeiningar ásamt upplýsingum um gjald fyrir þjónustuna fást hjá þjónustuveitu. Sum símkerfi kunna að hafa takmarkanir sem hafa áhrif á hvernig hægt er að nota sérþjónustu. Sum símkerfi styðja t.d. ekki alla séríslenska bókstafi og þjónustu.

Þjónustuveitan kann að hafa beðið um að tilteknar aðgerðir væru hafðar óvirkar eða ekki gerðar virkar í tækinu. Ef svo er birtast þær ekki í valmynd tækisins. Tækið kann einnig að hafa verið sérstillt, t.d. kann heitum, röð og táknum valmynda að hafa verið breytt. Þjónustuveitan gefur nánari upplýsingar.

■

Þjónusta Nokia á internetinu

Á www.nokia.com/support eða staðbundnu vefsetri Nokia er hægt að finna nýjustu útgáfuna af þessari handbók, viðbótarupplýsingar, efni til niðurhals og þjónustu sem tengist Nokia-vörunni.

1. Tækið tekið í notkun

■ SIM-kortið og rafhlaðan sett í símann

Alltaf skal slökkva á tækinu og aftengja hleðslutækið áður en rafhlaðan er fjarlægð.

Öll SIM-kort skal geyma þar sem lítil börn ná ekki til. Upplýsingar um framboð og notkun SIM-korta má fá hjá seljanda

SIM-kortsins. Þetta getur verið þjónustuveitan, símafyrirtækið eða annar söluaðili.

Þessi sími er ætlaður til notkunar með BL-5CA rafhlöðu.

1. Renndu bakhliðinni til að fjarlægja hana (1). Taktu rafhlöðuna úr (2).

2. Lyftu SIM-kortsfestingunni varlega úr stöðu sinni (3). Settu SIM-kortið í festinguna þannig að skáhornið sé í efra hægra horninu og gylltu tengin snúi niður (4). Lokaðu SIM-kortsfestingunni og ýttu henni á sinn stað (5).

3. Settu rafhlöðuna í og hlífina á (6, 7).

Til athugunar: Alltaf skal slökkva á tækinu og aftengja hleðslutækið og önnur tæki áður en fram- og bakhlið eru fjarlægðar. Forðast skal að snerta rafræna íhluti þegar verið er að skipta um fram- og bakhliðar. Alltaf skal geyma og nota tækið með áföstum fram- og bakhliðum.

■ Rafhlaðan hlaðin

Viðvörun: Aðeins skal nota rafhlöður, hleðslutæki og aukahluti sem Nokia hefur samþykkt til nota með þessari tilteknu tegund. Ef notaðar eru aðrar gerðir gæti öll ábyrgð og samþykki fallið niður og slíkri notkun getur fylgt hætta.

Athuga ber tegundarnúmer hleðslutækja áður en þau eru notuð með þessu tæki. Þetta tæki er ætlað til notkunar þegar það er hlaðið orku frá AC-3 hleðslutækjunum.

Seljandi símans veitir upplýsingar um fáanlega aukahluti sem samþykktir eru til notkunar. Þegar aukahlutur er tekinn úr sambandi skal taka í klóna, ekki leiðsluna.

1. Stingdu hleðslutækinu í samband í innstungu.

2. Tengdu hleðslutækið við símann. Hleðsluvísirinn byrjar að hreyfast. Vísirinn hættir að hreyfast þegar rafhlaðan er fullhlaðin.

Tip: Aftengdu hleðslutækið þegar rafhlaðan er fullhlaðin til að spara orku.

Ef rafhlaðan er alveg tóm geta liðið nokkrar mínútur þar til hleðsluvísirinn birtist á skjánum eða þar til hægt er að hringja.

■ Kveikt og slökkt

Haltu inni hætta-takkanum. Notaðu símann aðeins

í hefðbundinni stöðu.

Í tækinu er innbyggt loftnet.

Til athugunar: Líkt og gildir um öll tæki sem taka við eða senda útvarpsbylgjur ætti að forðast að snerta loftnet tækisins að óþörfu þegar það er í notkun. T.d. ætti að forðast að snerta farsímaloftnetið meðan á símtali stendur. Snerting við sendi- eða móttökuloftnet hefur áhrif á sendigæði, getur valdið því að tækið noti meiri orku en annars er nauðsynlegt og getur minnkað líftíma rafhlöðu þess.

Til athugunar: Ekki snerta tengið þar sem það er eingöngu ætlað til notkunar hjá viðurkenndum þjónustuaðilum.

2. Síminn

■ Takkar og hlutar

• Heiti farsímakerfis eða skjátákn símafyrirtækis (1)

• Sendistyrkur símkerfis (2)

• Hleðsla rafhlöðu (3)

•Hlust (4)

• Hátalari (5)

•Vasaljós (6)

• Virkni valtakka (7)

• Valtakkar (8)

• Navi™ takki (9), hér eftir kallaður skruntakki

• Hringitakki (10)

• Hætta-takki/rofi (11)

• Takkaborð (12)

• Tengi fyrir hleðslutæki (13)

• Tengi fyrir höfuðtól (14)

■ Helstu valkostir

Veldu Valm. til að nota eftirfarandi valkosti: Skilaboð — til að búa til, senda, opna og skipuleggja

skilaboð Tengiliðir — til að vista nöfn og símanúmer á SIM-kortinu

og í minni símans Símtalaskrá — til að skoða símanúmer ósvaraðra,

móttekinna og hringdra símtala

Stillingar — til að setja upp ýmsa valkosti símans Vekjaraklukka — til að stilla tíma vekjaraklukku Áminningar — til að skipuleggja áminningar Leikir — til að setja upp leikjastillingar eða spila leiki sem

settir eru upp í símanum

Aukakostir — til að opna Reiknivél, Umreiknari, Niðurteljari, Dagbók, Skeiðklukka, Tónsmiður, Sýnikennsla og Vasaljós

SIM-þjónusta — til að nota viðbótarþjónustu, ef SIM-

kortið styður slíkt

■ Símtöl – hringt og svarað

Til að hringja slærðu inn símanúmerið, ásamt lands- og svæðisnúmeri, ef þess þarf með. Ýttu á hringitakkann til að hringja í númerið. Flettu til hægri til að auka hljóðstyrk heyrnar- eða höfuðtólsins meðan á símtali stendur eða til vinstri til að minnka hann.

Ýtt er á hringitakkann til að svara símtali. Ýtt er á hættatakkann til að hafna símtali án þess að svara.

■ Hátalari

Ef það er í boði getur þú valið Hátalari eða Símtól til að nota hátalara eða hlust símans í símtali.

Viðvörun: Ekki skal halda tækinu nálægt eyranu þegar hátalarinn er notaður því hljóðstyrkur getur verið mjög mikill.

■ Textaritun

Þú getur slegið inn texta með því að nota hefðbundna

textaritun eða flýtiritun . Með hefðbundinni

ritun er endurtekið ýtt á takka þar til rétti stafurinn birtist. Til að nota flýtiritun velurðu Valkost. > Orðabók og

viðeigandi tungumál. Slökkt er á henni með því að velja Valkost. > Orðabók > Orðabók óvirk.

Ýtt er einu sinni á takka til að fá upp staf þegar flýtiritun er notuð. Ef orðið sem birtist er það orð sem þú ætlaðir að skrifa skaltu ýta á 0 og byrja að skrifa næsta orð. Til að velja annað orð ýtirðu endurtekið á * þar til orðið sem þú vilt fá fram birtist. Ef ? birtist fyrir aftan orðið er það ekki að finna í orðabókinni. Til að bæta orði í orðabókina velurðu Stafa, slærð inn orðið (með hefðbundinni ritun) og velur svo Í lagi.

Ábendingar um textaritun: ýttu á 0 til að setja inn bil. Hægt er að skipta fljótlega á milli textaritunaraðferðanna með því að ýta endurtekið á # og fylgjast með vísinum efst á skjánum. Til að setja inn tölustaf skaltu halda viðeigandi tölutakka inni. Til að opna lista yfir sértákn í hefðbundinni ritun velurðu *. Haltu * inni þegar flýtiritun er notuð. Veldu Valkost. > Hætta v. hreins. til að endurheimta eydd skilaboð í ritunarskjánum.

■ Skilaboð

Aðeins er hægt að nota skilaboðaþjónustu ef símafyrirtækið eða þjónustuveitan styðja hana.

Tækið styður sendingu textaskilaboða sem eru lengri en sem nemur lengdartakmörkunum á stökum skilaboðum. Lengri skilaboð verða send sem röð tveggja eða fleiri skilaboða. Þjónustuveitan tekur hugsanlega gjald í samræmi við það. Stafir sem nota kommur eða önnur tákn og stafir úr sumum tungumálakostum, eins og kínversku, taka meira pláss sem takmarkar þann fjölda stafa sem hægt er að senda í einum skilaboðum.

1. Veldu Valm. > Skilaboð > Skrifa skilaboð.

2. Skrifaðu skilaboðin.

3. Til að senda skilaboðin velurðu Valkost. > Senda, slærð inn símanúmer viðtakandans og velur svo Í lagi.

Til athugunar: Tækið kann að staðfesta að skilaboð hafi verið send á númer skilaboðamiðstöðvar sem hefur verið vistað í tækinu. Ekki er víst að tækið staðfesti að skilaboðin hafi borist viðtakanda. Þjónustuveitan veitir nánari upplýsingar um skilaboðaþjónustu.

Til að eyða öllum lesnum skilaboðum eða öllum skilaboðum í möppu velurðu Valm. > Skilaboð > Eyða skilaboðum > Öllum lesnum eða viðeigandi möppu.

■ Tengiliðir

Hægt er að vista nöfn og símanúmer í minni símans og í minni SIM-kortsins. Í innbyggðu símaskránni er hægt að vista allt að 200 nöfn.

Flettu niður í biðstöðu og sláðu inn fyrstu stafina í nafni tengiliðs til að leita að honum. Flettu að nafninu sem þú vilt velja.

Þú getur líka valið Valm. > Tengiliðir og úr eftirfarandi valkostum:

Bæta við tengilið—til að vista nöfn og símanúmer í símaskránni

Afrita—til að afrita öll nöfn og símanúmer í einu eða eitt í einu úr innbyggðu símaskránni yfir á SIM-símaskrána og öfugt.

■ Vasaljós

Veldu Valm. > Aukakostir > Vasaljós > Virkt eða Óvirkt til að kveikja eða slökkva á vasaljósinu.

■ Skipt símaskrá

Síminn styður allt að fimm símaskrár fyrir fleiri en einn notanda. Þegar skipt símaskrá er ræst sjást eingöngu tengiliðir virku símaskrárinnar.

Til að velja skipta símaskrá velurðu Valm. > Tengiliðir >

Stillingar > Skipt símaskrá > Gerð símaskrár > Skipt símaskrá. Til að virkja símaskrá velurðu Valm. > Tengiliðir > Stillingar > Skipt símaskrá > Opin símaskrá

og viðeigandi símaskrá eða Samn. tengilið.. Tengiliður getur tilheyrt fleiri en einni símaskrá. Tengiliðir

Samn. tengilið. eru aðgengilegir í öllum símaskránum. Veldu Valm. > Tengiliðir > Stillingar > Skipt símaskrá > Skipuleggja tengiliði til að vista tengilið í einni eða fleiri símaskrám. Flettu að tengiliðnum og veldu hann. Merktu við þær símaskrár sem þú vilt vista tengiliðinn í og veldu Lokið > Já.

Til að endurnefna símaskrá velurðu Valm. > Tengiliðir > Stillingar > Skipt símaskrá > Endurnefna símaskrár og þá símaskrá sem á að endurnefna.

3. Upplýsingar um rafhlöðu

■ Hleðsla og afhleðsla

Tækið gengur fyrir rafhlöðu sem hægt er að endurhlaða. Hægt er að hlaða og afhlaða rafhlöðu nokkur hundruð sinnum en að því kemur að hún gengur úr sér. Þegar tal- og biðtími er orðinn mun styttri en eðlilegt er skal skipta um rafhlöðu. Aðeins skal nota rafhlöður sem samþykktar eru af Nokia og aðeins skal endurhlaða rafhlöðu með hleðslutækjum sem Nokia hefur samþykkt til notkunar með þessu tæki.

Ef verið er að nota vararafhlöðu í fyrsta skipti, eða ef rafhlaðan hefur ekki verið notuð í langan tíma, kann að vera nauðsynlegt að tengja hleðslutækið og aftengja það síðan og tengja aftur til að hefja hleðsluna.

Taka skal hleðslutækið úr sambandi við rafmagnsinnstungu og tækið þegar það er ekki í notkun. Ekki má hafa fullhlaðna rafhlöðnu í sambandi við hleðslutæki þar sem ofhleðsla getur stytt líftíma hennar. Fullhlaðin rafhlaða tapar hleðslunni smátt og smátt ef hún er ekki í notkun.

Ef rafhlaðan er alveg tóm geta liðið nokkrar mínútur þar til hleðsluvísirinn birtist á skjánum eða þar til hægt er að hringja.

Aðeins skal nota rafhlöðuna til þess sem hún er ætluð. Aldrei skal nota skemmt hleðslutæki eða rafhlöðu.

Gæta skal þess að valda ekki skammhlaupi í rafhlöðunni. Skammhlaup getur orðið fyrir slysni þegar málmhlutur, svo sem mynt, bréfaklemma eða penni veldur beinni tengingu milli + og skautanna á rafhlöðunni. (Þau líta út eins og málmrendur á rafhlöðunni.) Til dæmis getur þetta gerst þegar vararafhlaða er höfð í vasa eða tösku. Skammhlaup milli skautanna getur valdið skemmdum á rafhlöðunni eða hlutnum sem veldur tengingunni.

Ef rafhlaðan er skilin eftir í miklum hitum eða kuldum, til dæmis í lokuðum bíl að sumar- eða vetrarlagi, dregur það úr afkastagetu hennar og endingu. Æskilegast er að rafhlaðan sé alltaf höfð í hita á bilinu frá 15°C að 25°C (frá 59°F að 77°F). Tæki með of heitri eða of kaldri rafhlöðu getur orðið óvirkt um tíma, þó svo að rafhlaðan sé fullhlaðin. Einkum hefur mikið frost takmarkandi áhrif á rafhlöður.

Ekki má fleygja rafhlöðum í eld þar sem þær geta sprungið. Rafhlöður geta einnig sprungið ef þær skemmast. Farga skal rafhlöðum í samræmi við staðbundin lög og reglugerðir. Skila skal þeim í endurvinnslu þegar mögulegt er. Ekki skal fleygja þeim með heimilisúrgangi.

Ekki skal taka sundur eða tæta rafhlöður. Ef rafhlaða lekur má vökvi hennar ekki komast í snertingu við húð eða augu. Ef slíkt kemur fyrir skal skola húð eða augu umsvifalaust með vatni, eða leita til læknis.

■ Leiðbeiningar um sannprófun á

rafhlöðum frá Nokia

Notaðu alltaf rafhlöður frá Nokia til að tryggja öryggi þitt. Til að tryggja að þú fáir rafhlöður frá Nokia skaltu kaupa þær hjá viðurkenndum söluaðila Nokia, ganga úr skugga um að 'Nokia Original Enhancements' táknið sé á umbúðunum og skoða heilmyndarmiðann á eftirfarandi hátt:

Þó svo að þessum fjórum skrefum sé fylgt nákvæmlega er það ekki fullkomin trygging fyrir því að rafhlaðan sé sannvottuð. Ef þú hefur minnstu ástæðu til að ætla að rafhlaðan þín sé ekki ósvikin Nokia rafhlaða skaltu ekki nota hana heldur fara með hana til viðurkennds þjónustu- eða söluaðila Nokia. Viðurkenndir þjónustu- og söluaðilar Nokia kanna sannvottun rafhlöðunnar. Ef ekki er hægt að staðfesta sannvottunina skaltu skila rafhlöðunni til verslunarinnar þar sem þú keyptir hana.

Sannvottun heilmyndar

1. Þegar þú horfir á heilmyndina á miðanum ættirðu að sjá Nokia-handabandstáknið frá einu sjónarhorni og 'Nokia Original Enhancements' táknið frá öðru.

2. Þegar þú snýrð heilmyndinni til vinstri, hægri, upp eða niður ættirðu að sjá 1, 2, 3, eða 4 punkta, allt eftir staðsetningu hennar.

3. Skafðu hliðina á miðanum og þá á að koma í ljós 20-stafa tala, t.d.

12345678919876543210. Snúðu rafhlöðunni þannig að tölurnar vísi upp. 20-stafa talan byrjar í efri röðinni og heldur áfram í neðri röðinni.

4. Fáðu staðfestingu á því að 20-stafa talan sé gild með því að fylgja leiðbeiningunum á www.nokia.com/batterycheck.

Hægt er að senda staðfestingarbeiðni í textaboðum með því að slá inn 20-stafa töluna, t.d 12345678919876543210, og senda á númerið +44 7786 200276.

Gjaldskrá innlendra og erlendra símafyrirtækja gildir. Þá áttu að fá skilaboð sem segja til um hvort hægt er að

sannvotta töluna eða ekki.

Hvað ef rafhlaðan er ekki ósvikin?

Ef þú getur ekki staðfest að Nokia-rafhlaðan með heilmyndinni á miðanum sé ósvikin Nokia-rafhlaða skaltu ekki nota rafhlöðuna. Farðu með hana til næsta viðurkennda þjónustuaðila eða sölustaðar Nokia til að fá aðstoð. Notkun rafhlaða sem eru ekki samþykktar af framleiðanda getur verið hættuleg. Hún getur jafnframt leitt til þess að tækið og aukahlutir þess virki ekki sem skyldi eða skemmist. Notkun þeirra kann jafnframt að ógilda allar þær samþykktir eða ábyrgðir sem eiga við tækið.

Nánari upplýsingar um ósviknar Nokia rafhlöður er að finna á www.nokia.com/battery.

Umhirða og viðhald

Í tækinu fer saman frábær hönnun og flókin tækni sem fara þarf gætilega með. Eftirfarandi leiðbeiningar hjálpa til við að halda tækinu í ábyrgð.

• Halda skal tækinu þurru. Úrkoma, raki og hvers kyns vökvar geta innihaldið steinefni sem tæra rafrásirnar. Ef tækið blotnar skal fjarlægja rafhlöðuna og leyfa því að þorna alveg áður en rafhlaða er sett í aftur.

• Ekki skal nota tækið á rykugum og óhreinum stöðum né geyma það þar. Færanlegu hlutirnir og rafrænir hlutar þess geta skemmst.

• Ekki skal geyma tækið á heitum stað. Hátt hitastig getur dregið úr endingu rafeindatækja, skemmt rafhlöður og undið eða brætt sum plastefni.

• Ekki skal geyma tækið á köldum stað. Þegar tækið hitnar upp að eðlilegu hitastigi getur raki myndast innan í því og hann getur skemmt rafrásaspjöld.

• Ekki skal reyna að opna símann öðruvísi en tilgreint er í þessari handbók.

• Tækinu skal ekki henda, ekki skal banka í það eða hrista það. Óvarleg meðferð getur skemmt innri rafrásarspjöld og fíngerðan búnað.

• Ekki skal nota sterk efni, leysiefni til hreingerninga eða sterk hreinsiefni til þess að þrífa tækið.

• Ekki skal mála tækið. Málningin getur fest hreyfanlega hluti tækisins og komið í veg fyrir að þeir vinni rétt.

• Aðeins skal nota loftnetið sem fylgir með símanum eða samþykkt varaloftnet. Ósamþykkt loftnet, breytingar á þeim eða viðbætur, gætu skemmt tækið og kunna að brjóta í bága við ákvæði laga og reglugerða um senditæki.

• Nota skal hleðslutæki innandyra.

• Alltaf skal taka öryggisafrit af gögnum sem ætlunin er að halda, t.d. tengiliðum og dagbókaratriðum.

• Hægt er að endurstilla tækið af og til og tryggja þannig hámarksafköst með því að slökkva á tækinu og fjarlægja rafhlöðu þess.

Þessar ábendingar eiga jafnt við um tækið, rafhlöðuna, hleðslutækið eða aðra aukahluti. Ef tæki vinnur ekki rétt skal fara með það til næsta viðurkennda þjónustuaðila til lagfæringar.

Losun

Merkið sem sýnir yfirstrikaða ruslafötu og er á vörunni, bæklingnum eða umbúðunum táknar að innan Evrópusambandsins verði að fara með allan rafbúnað og rafeindabúnað, rafhlöður og rafgeyma á sérstaka staði til förgunar að líftíma vörunnar liðnum. Hendið þessum vörum ekki með heimilisúrgangi.

Fara skal með vörurnar á förgunarstaði til að valda hvorki umhverfistjóni eða heilsutjóni vegna eftirlitslausrar losunar og til að stuðla að endurvinnslu á efni. Upplýsingar um förgunarstaði eru veittar hjá söluaðilum, viðkomandi yfirvöldum á staðnum, framleiðslueftirliti í viðkomandi landi eða umboðsaðila Nokia á staðnum. Nánari upplýsingar er að finna í Eco-yfirlýsingu vörunnar eða í landaupplýsingum á www.nokia.com.

Viðbótaröryggisupplýsingar

■ Lítil börn

Í tækinu og aukahlutum þess geta verið litlir hlutir. Þá skal geyma þar sem lítil börn ná ekki til.

■

Vinnuumhverfi

Hafa ber í huga að farið sé að öllum sérstökum reglugerðum sem gilda á hverju svæði og að slökkva alltaf á tækinu þar sem notkun þess er bönnuð, eða þar sem hún kann að valda truflun eða hættu. Tækið notist aðeins í hefðbundinni stöðu. Þetta tæki uppfyllir skilyrði um leyfileg mörk útvarpsbylgna (RF) við notkun annaðhvort í hefðbundinni stöðu við eyrað eða þegar það er haft að minnsta kosti 2,2 sentímetra (7/8 tommur) frá líkamanum. Ef taska, beltisklemma eða hald er notað þegar tækið er borið á líkamanum við notkun ætti slíkur búnaður ekki að innihalda málm og halda ætti tækinu að minnsta kosti í þeirri fjarlægð frá líkamanum sem nefnd var hér á undan.

Til að hægt sé að senda gagnaskrár eða skilaboð þarf þetta tæki góða tengingu við símkerfið. Í sumum tilvikum getur sending gagna eða boða tafist þar til slík tenging er tiltæk. Tryggja skal að ofangreindum fjarlægðarfyrirmælum sé fylgt þar til sendingu er lokið.

Hlutar tækisins eru segulmagnaðir. Málmefni gætu dregist að tækinu. Ekki má geyma kreditkort eða aðra segulmagnaða hluti með geymsluminni nálægt tækinu því upplýsingar sem þar eru geymdar gætu þurrkast út.

■

Lækningatæki

Notkun búnaðar sem sendir frá sér útvarpsbylgjur, þar með talin notkun þráðlausra síma, kann að trufla virkni lækningatækja sem ekki eru nægilega vel varin. Hafa skal samband við lækni eða framleiðanda lækningatækisins til þess að komast að því hvort það sé nægilega vel varið fyrir utanaðkomandi útvarpsbylgjum eða til að afla nánari upplýsinga. Slökkva skal á tækinu í námunda við heilsugæslustöðvar ef auglýstar reglur þess efnis kveða á um að það sé gert. Sjúkrastofnanir eða heilsugæslustöðvar kunna að nota búnað sem getur verið næmur fyrir utanaðkomandi útvarpsbylgjum.

Ígrædd lækningatæki

Framleiðendur lækningatækja mæla með því að 15,3 sm (6 tommu) lágmarksbil sé haft á milli þráðlauss tækis og ígrædds lækningabúnaðar, eins og gangráðs eða ígrædds hjartarafstuðstækis til þess að komist sé hjá hugsanlegri truflun í lækningabúnaðinum. Einstaklingar með slíkan búnað ættu:

• Alltaf að halda þráðlausa tækinu í meira en 15,3 sm (6 tommu) fjarlægð frá lækningabúnaðinu þegar kveikt er áþráðlausa tækinu.

• Ekki að ganga með þráðlausa tækið í brjóstvasa

• Hafa þráðlausa tækið við eyrað sem er fjær lækningabúnaðinum til að draga úr líkum á truflunum.

• Ef grunur leikur á að truflun sé að verða skal slökkva á þráðlausa tækinu tafarlaust.

• Lesið og fylgið leiðbeiningum frá framleiðanda ígrædda lækningabúnaðarins.

Ef þú hefur spurningar um notkun þráðlausa tækisins með ígræddum lækningabúnaði skaltu hafa samband við heilbrigðisstarfsfólk.

Heyrnartæki

Tiltekin stafræn þráðlaus tæki geta truflað sum heyrnartæki. Ef truflun verður skal leita til þjónustuaðila.

■

Ökutæki

Útvarpsbylgjur kunna að hafa áhrif á rafeindakerfi í vélknúnum ökutækjum, séu þau ekki rétt upp sett eða ekki nægilega varin, svo sem rafeindastýrða eldsneytisgjöf, rafeindastýrð hemlakerfi (með læsivörn), rafeindastýrð hraðakerfi og loftpúðakerfi. Nánari

upplýsingar má fá hjá framleiðanda bílsins eða búnaðarins sem bætt hefur verið við eða fulltrúa hans.

Aðeins á að fela fagmönnum að gera við tækið eða setja tækið upp í ökutæki. Gölluð uppsetning eða viðgerð kann að valda hættu og ógilda hvers kyns ábyrgð sem kann að vera á tækinu. Ganga skal reglulega úr skugga um að allur þráðlaus tækjabúnaður í ökutækinu sé rétt uppsettur og vinni rétt. Ekki má geyma eða flytja eldfima vökva, lofttegundir eða sprengifim efni í sama rými og tækið, hluta úr því eða aukahluti með því. Ef ökutæki er búið loftpúða skal hafa hugfast að loftpúðar blásast út af miklum krafti. Ekki má setja hluti, þar með talinn uppsettan eða færanlegan þráðlausan búnað, á svæðið yfir loftpúðanum eða á útþenslusvið loftpúðans. Ef þráðlaus búnaður í bíl er illa settur upp og loftpúðinn þenst út getur slíkt orsakað alvarleg meiðsl.

Notkun tækisins meðan á flugi stendur er bönnuð. Slökkva skal á tækinu áður en gengið er um borð í flugvél. Notkun þráðlausra fjarskiptatækja í flugvél getur skapað hættu við stjórn flugvélarinnar, rofið þráðlaust símasamband og verið ólöglegt.

■

Sprengifimt umhverfi

Slökkva skal á tækinu á svæðum þar sem hætta er á sprengingum og fara að öllum tilmælum sem sjást á skiltum og leiðbeiningum. Sprengifimt andrúmsloft telst vera á svæðum þar sem yfirleitt er beðið um að drepið sé á vél bifreiðar. Neistaflug á slíkum svæðum

getur valdið sprengingu eða eldi og haft í för með sér slys og jafnvel dauðsföll. Slökkva skal á símanum á eldsneytisstöðvum, svo sem við eldsneytisdælur á bensínstöðvum. Virða skal takmarkanir á notkun útvarpsbúnaðar í eldsneytisgeymslum, svæðum þar sem geymsla og dreifing eldsneytis fer fram, efnaverksmiðjum eða þar sem verið er að sprengja. Svæði þar sem sprengihætta er mikil eru oftast auðkennd en þó ekki alltaf. Þar á meðal eru svæði undir þilfari á bátum; svæði þar sem sterk efni eru geymd eða búin til flutnings; ökutæki sem nýta fljótandi svartolíugas (própan eða bútan) og svæði þar sem í lofti eru efni eða agnir, til dæmis korn, ryk eða málmduft.

■

Neyðarhringingar

Mikilvægt: Þráðlausir símar, þar á meðal þetta tæki,

nota útvarpsmerki, þráðlaus kerfi, kapalkerfi og notendaforritaðar aðgerðir. Því er ekki hægt að tryggja tengingar við hvaða skilyrði sem er. Því skyldi aldrei treysta eingöngu á þráðlaust tæki ef um er að ræða bráðnauðsynleg fjarskipti, t.d. í bráðatilvikum.

Neyðarsímtal:

1. Ef slökkt er á tækinu skal kveikja á því. Athuga skal hvort nægilegur sendistyrkur sé fyrir hendi.

Í tilteknum símkerfum kann að vera farið fram á að gilt SIM-kort sé rétt sett í tækið.

2. Ýttu eins oft á endatakkann til að hreinsa skjáinn og gera tækið reiðubúið fyrir símtöl.

3. Opinbera neyðarnúmerið fyrir viðkomandi svæði er valið. Neyðarnúmer eru breytileg eftir stöðum.

4. Styddu á hringitakkann.

Ef ákveðnar aðgerðir eru í notkun þarf ef til vill að gera þær óvirkar áður en neyðarsímtal er mögulegt. Nánari upplýsingar má fá í þessari handbók eða hjá þjónustuveitunni.

Í neyðarsímtali þarf að gefa upp allar nauðsynlegar upplýsingar eins nákvæmlega og kostur er. Þráðlausa tækið getur verið eina samskiptatækið á slysstað. Ekki má slíta símtali fyrr en að fengnu leyfi til þess.

■

Upplýsingar um vottun (SAR)

Þetta tæki uppfyllir skilyrði um áhrif af útvarpsbylgjum.

Þráðlausa tækið er útvarpssendir og móttökutæki. Það er hannað með tilliti til leyfilegra marka um áhrif af útvarpsbylgjum sem alþjóðlegar viðmiðunarreglur mæla með. Þessar viðmiðunarreglur voru þróaðar af óháðu vísindastofnuninni ICNIRP og innihalda öryggismörk sem ætlað er að tryggja öryggi allra, óháð aldri og heilsufari.

Í viðmiðunarreglum um útvarpsbylgjur þráðlausra tækja er notuð mælieiningin SAR (Specific Absorption Rate). Efri mörk SAR, samkvæmt viðmiðunarreglum ICNIRP, eru 2,0 vött/kílógramm

(W/kg) að meðaltali á hver 10 grömm af líkamsvef. Mælingar á SAR eru gerðar í hefðbundnum notkunarstöðum þegar tækið sendir af mesta leyfða styrk á öllum mældum tíðnisviðum. Raunverulegur SAR-styrkur tækis í notkun getur verið lægri en hámarksgildið, þar sem tækið er hannað til að nota aðeins þann styrk sem þarf til að ná sambandi við símkerfið. Fjöldi þátta hafa áhrif á styrkinn, t.d. hversu langt notandinn er frá grunnstöð. Samkvæmt viðmiðunarreglum ICNIRP er hæsta SAR-gildi fyrir notkun tækisins við eyra 0,91 W/kg (RH-99) / 0,81 W/kg (RH-105).

Notkun aukabúnaðar getur valdið því að SAR-gildið sé annað. SAR-gildi kunna að vera breytileg milli landa sökum mismunandi upplýsingaskyldu, krafna og tíðnisviðs. Viðbótarupplýsingar um SAR má finna í upplýsingum um vörur á www.nokia.com

Nokia 1208, 1200 User's Guide [is]

Specifications and Main Features

Frequently Asked Questions

User Manual