Nokia 1101 User's Guide [is]

Notendahandbók fyrir Nokia 1101

9238194

Útgáfa 1

LEYFISYFIRLÝSING Við, NOKIA CORPORATION lýsum því yfir og ábyrgjumst að framleiðsluvaran RH-75 er í samræmi við eftirfarandi samþykkt: 1999/5/EC.

Eintak af yfirlýsingu um samkvæmni er að finna á slóðinni http://www.nokia.com/phones/declaration_of_conformity/.

Hvers konar afritun, yfirfærsla, dreifing eða varðveisla á hluta skjals þessa eða skjalsins alls er óheimil nema að fyrir fram fengnu skriflegu samþykki Nokia.

Nokia og Nokia Connecting People eru vörumerki eða skrásett vörumerki Nokia Corporation. Önnur vöruheiti eða heiti fyrirtækja sem nefnd eru hér geta verið vörumerki eða vöruheiti viðkomandi eigenda.

Nokia tune er vörumerki Nokia Corporation.

This product is licensed under the MPEG-4 Visual Patent Portfolio License (i) for personal and noncommercial use in connection with information which has been encoded in compliance with the MPEG-4 Visual Standard by a consumer engaged in a personal and non-commercial activity and (ii) for use in connection with MPEG-4 video provided by a licensed video provider. No license is granted or shall be implied for any other use. Additional information including that relating to promotional, internal and commercial uses may be obtained from MPEG LA, LLC. See <http://www.mpegla.com>.

Nokia framfylgir stefnu sem felur í sér stöðuga þróun. Nokia áskilur sér rétt til að gera breytingar og úrbætur á hvers konar vöru sem getið er í þessu skjali án undangenginnar tilkynningar.

Nokia ber undir engum kringumstæðum ábyrgð á tapi gagna eða tekjutapi og ekki á beinu eða óbeinu tjóni, þar á meðal útlögðum kostnaði, tekjutapi eða missi ágóða, af hvaða orsökum sem tjón kann að vera.

Inntak þessa skjals er afhent "eins og það kemur fyrir“. Umfram það, er lög áskilja, er engin ábyrgð veitt, hvorki berum orðum eða undirskilin, á nákvæmni, áreiðanleika eða inntaki þessa skjals, á það meðal annars, en ekki eingöngu, við um söluhæfni eða ábyrgð á að varan hentl tiltekinni notkun. Nokia áskilur sér rétt til að endurskoða skjalið eða draga það tilbaka hvenær sem er án undangenginnar tilkynningar.

Birgðir á tilteknum vörum geta verið breytilegar eftir svæðum. Vinsamlegast kannaðu málið hjá næsta söluaðila Nokia.

9238194/Útgáfa 1

Efnisyfirlit

ÖRYGGISATRIÐI .................................................................................................... 8

Almennar upplýsingar....................................................................................... 11

Límmiðar í sölupakkningu...................................................................................................................... 11

Aðgangslyklar ............................................................................................................................................ 11

1. Fyrstu skrefin ................................................................................................. 13

SIM-kort sett í........................................................................................................................................... 13

Rafhlaðan hlaðin ...................................................................................................................................... 15

Hefðbundin notkunarstaða.................................................................................................................... 15

Takkar og tengi.......................................................................................................................................... 16

Skjár og biðstaða...................................................................................................................................... 17

Skipt um hliðar.......................................................................................................................................... 18

Úlnliðsbandi komið fyrir ......................................................................................................................... 19

Vasaljós........................................................................................................................................................ 19

2. Símtöl ............................................................................................................. 20

Hringt........................................................................................................................................................... 20

Hringt með því að nota símaskrána................................................................................................. 20

Símafundi komið á................................................................................................................................ 20

Endurval................................................................................................................................................... 21

Hraðval..................................................................................................................................................... 21

Hringingu svarað ...................................................................................................................................... 22

Aðgerðir meðan á símtali stendur....................................................................................................... 22

Hlustað á skilaboð í talhólfi .................................................................................................................. 22

Tökkum læst............................................................................................................................................... 22

3. Texti skrifaður................................................................................................ 24

Flýtiritun gerð virk eða óvirk................................................................................................................. 24

Texti skrifaður með flýtiritun................................................................................................................ 24

Samsett orð skrifuð.............................................................................................................................. 25

Texti skrifaður með hefðbundnum innslætti.................................................................................... 25

4. Valmyndaraðgerðir ........................................................................................ 27

Skilaboð (valmynd 01)............................................................................................................................. 28

Skilaboð skrifuð..................................................................................................................................... 28

Textaboð lesin (innhólf) ...................................................................................................................... 29

Sendir hlutir............................................................................................................................................ 29

Uppköst.................................................................................................................................................... 30

Spjall......................................................................................................................................................... 30

Myndsendingar...................................................................................................................................... 30

Nafnalistar .............................................................................................................................................. 31

Skjalasnið ................................................................................................................................................ 32

Broskarlar ................................................................................................................................................ 32

Eyða skilaboðum ................................................................................................................................... 32

Skilaboðastillingar ................................................................................................................................ 32

Upplýsingaþjónusta .............................................................................................................................. 33

Númer talhólfs....................................................................................................................................... 34

Þjónustuskipanir.................................................................................................................................... 34

Tengiliðir (valmynd 2).............................................................................................................................. 34

Leitað að nafni og símanúmeri......................................................................................................... 34

Stillingar fyrir tengiliði........................................................................................................................ 35

Símtalaskrá (valmynd 3)......................................................................................................................... 36

Listar yfir nýleg símtöl......................................................................................................................... 36

Teljarar ..................................................................................................................................................... 36

Tónar (valmynd 4)..................................................................................................................................... 37

Snið (valmynd 5)....................................................................................................................................... 38

Stillingar (valmynd 6).............................................................................................................................. 39

Tímastillingar.......................................................................................................................................... 39

Símtalsstillingar..................................................................................................................................... 40

Símastillingar ......................................................................................................................................... 41

Stillingar aukahluta.............................................................................................................................. 41

Stillingar fyrir takkavara ..................................................................................................................... 42

Öryggisstillingar..................................................................................................................................... 43

Velja upphafsstillingar......................................................................................................................... 44

Vekjaraklukka (valmynd 7)..................................................................................................................... 44

Áminningar (valmynd 8)......................................................................................................................... 44

Leikir (valmynd 9)..................................................................................................................................... 45

Aukakostir (valmynd 10)......................................................................................................................... 46

Reiknivél .................................................................................................................................................. 46

Skeiðklukka............................................................................................................................................. 47

Niðurteljari.............................................................................................................................................. 47

Tónsmiður................................................................................................................................................ 48

Skjávari..................................................................................................................................................... 48

Vasaljós .................................................................................................................................................... 49

SIM-þjónusta (valmynd 11)................................................................................................................... 49

WAP-þjónusta

(Þjónusta - valmynd 12)......................................................................................................................... 49

Grundvallaratriði í notkun WAP-þjónustu..................................................................................... 50

Síminn settur upp fyrir WAP-þjónustu ........................................................................................... 50

Tengingu við WAP-þjónustu komið á.............................................................................................. 53

WAP-síður skoðaðar ............................................................................................................................ 53

WAP-tenging rofin ............................................................................................................................... 55

Útlitsstillingar fyrir WAP-síður ......................................................................................................... 56

Bókamerki vistuð og þeim breytt...................................................................................................... 56

Þjónustuinnhólf..................................................................................................................................... 57

Skyndiminnið tæmt.............................................................................................................................. 58

Heimildavottorð..................................................................................................................................... 58

5. Upplýsingar um rafhlöðu .............................................................................. 60

Hleðsla og afhleðsla ................................................................................................................................ 60

Umhirða og viðhald........................................................................................... 62

Viðbótaröryggisupplýsingar.............................................................................. 64

ÖRYGGISATRIÐI

Lesið þessar einföldu leiðbeiningar. Sé þeim ekki fylgt getur það verið hættulegt eða varðað við lög. Lesa skal alla notendahandbókina til að fá nánari upplýsingar.

Ekki má kveikja á símanum þar sem notkun þráðlausra síma er bönnuð eða þar sem hún kann að valda truflunum eða hættu.

UMFERÐARÖRYGGI GENGUR FYRIR

Fara skal að öllum staðbundnum lögum. Ætíð skal hafa hendur frjálsar til að stýra ökutækinu við akstur. Umferðaröryggi skal ganga fyrir í akstri.

TRUFLUN

Allir þráðlausir símar geta verið næmir fyrir truflunum, sem getur haft áhrif á notagildi þeirra.

SLÖKKT SKAL Á SÍMANUM Á SJÚKRASTOFNUNUM

Virða skal allar takmarkanir. Slökkva skal á símanum nálægt lækningabúnaði.

HAFA SKAL SLÖKKT Á SÍMANUM Í FLUGVÉLUM

Virða skal allar takmarkanir. Þráðlaus tæki geta valdið truflunum í flugvélum.

SLÖKKT SKAL Á SÍMANUM ÁÐUR EN ELDSNEYTI ER TEKIÐ

Ekki má nota símann nærri eldsneytisdælu. Notist ekki í námunda við eldsneyti eða sterk efni.

SLÖKKVA SKAL Á SÍMANUM ÞAR SEM VERIÐ ER AÐ SPRENGJA

Virða skal allar takmarkanir. Ekki má nota símann þar sem verið er að sprengja.

NOTIST AF SKYNSEMI

Notist aðeins í hefðbundinni stöðu eins og lýst er í leiðbeiningum með vörunni. Forðast skal óþarfa snertingu við loftnetið.

VIÐURKENND ÞJÓNUSTA

Aðeins viðurkennt starfsfólk má setja upp eða gera við þessa vöru.

AUKAHLUTIR OG RAFHLÖÐUR

Aðeins má nota samþykkta aukahluti og rafhlöður. Ekki má tengja saman ósamhæf tæki.

VATNSHELDNI

Síminn er ekki vatnsheldur. Halda skal honum þurrum.

ÖRYGGISAFRIT

Muna skal að taka öryggisafrit eða halda skrá yfir allar mikilvægar upplýsingar sem geymdar eru í símanum.

TENGING VIÐ ÖNNUR TÆKI

Þegar síminn er tengdur öðru tæki skal lesa notendahandbók með því vandlega, einkum upplýsingar um öryggi. Ekki má tengja saman ósamhæf tæki.

HRINGING

Tryggja skal að kveikt sé á símanum og hann sé virkur. Símanúmerið ásamt svæðisnúmeri er fært inn og síðan er ýtt á Símtal. Stutt er á Ljúka til að ljúka símtali. Stutt er á Svara til að svara símtali.

NEYÐARHRINGINGAR

Tryggja skal að kveikt sé á símanum og hann sé virkur. Styðja skal á og halda inni hreinsitakkanum tvisvar í nokkrar sekúndur til að hreinsa skjáinn. Neyðarnúmerið er valið, síðan er ýtt á Símtal (með Navi-takkanum ). Gefa skal upp staðarákvörðun. Ekki má slíta símtali fyrr en að fengnu leyfi til þess.

■ Sérþjónusta

Ef nota á símann verður áskrift að þjónustuveitu fyrir þráðlausa síma að vera fyrir hendi. Margar aðgerðir í þessu tæki eru háðar því að aðgerðir í þráðlausa símkerfinu virki. Þessi sérþjónusta er hugsanlega ekki fyrir hendi í öllum símkerfum eða þörf getur verið á sérstökum ráðstöfunum hjá þjónustuveitunni áður en hægt er að nota sérþjónustu. Þjónustuveitan getur þurft að gefa viðbótarfyrirmæli um notkun og útskýra hvaða gjöld eiga við. Sum netkerfi geta verið með takmörkunum sem hafa áhrif á hvernig hægt er að nota sérþjónustu. Sum símkerfi styðja t.d. ekki alla séríslenska bókstafi og eða þjónustu.

Þjónustuveitan kann að hafa beðið um að tilteknar aðgerðir væru hafðar óvirkar eða ekki gerðar virkar í tækinu. Ef svo er birtast þær ekki í valmynd tækisins. Þjónustuveitan gefur nánari upplýsingar.

■ Hleðslutæki og aukahlutir

Athuga ber tegundarnúmer hleðslutækja áður en þau eru notuð með þessu símtæki. Þetta tæki er ætlað til notkunar með hleðslutækjum ACP-7, ACP-8, ACP-12, LCH-9 og LCH-12.

Viðvörun: Aðeins skal nota rafhlöður, hleðslutæki og aukahluti sem framleiðandi símans hefur samþykkt til nota með þessari tilteknu tegund. Ef notaðar eru aðrar gerðir gæti öll ábyrgð og samþykki sem fylgir símanum fallið niður og slíkri notkun getur fylgt hætta.

Seljandi símans veitir upplýsingar um fáanlega aukahluti sem samþykktir eru til notkunar með símanum.

Þegar aukahlutur er tekinn úr sambandi skal taka í klóna, ekki leiðsluna.

Almennar upplýsingar

■ Límmiðar í sölupakkningu

Á límmiðunum eru mikilvægar upplýsingar um þjónustu við viðskiptavini. Geyma skal límmiðana á öruggum stað.

Festa skal límmiðann á boðskortið í Club Nokia sem fylgir pakkanum. Festa skal límmiðann á ábyrgðarskírteinið.

■ Aðgangslyklar

• Öryggisnúmer: Þetta númer, sem fylgir símanum, ver símann fyrir notkun án

heimildar. Forstillta númerið er 12345. Í Öryggisstillingar á bls. 43 er fjallað um hvernig það virkar.

• PIN-númer: Þetta númer, sem fylgir SIM-kortinu, ver kortið fyrir notkun án

heimildar. Settu Krefjast PIN-númers í valmyndinni Öryggisstillingar á

(sjá Öryggisstillingar á bls. 43), þannig að beðið sé um númerið í hvert skipti sem kveikt er á símanum.

Ef PIN-númerið er fært rangt inn þrisvar í röð er SIM-kortinu læst. Færa verður inn PUK-númer til að opna SIM-kortið og velja nýtt PIN-númer.

• PIN2-númer: Þetta númer fylgir sumum SIM-kortum og er nauðsynlegt við

vissar aðgerðir, svo sem kostnaðarteljara. Ef PIN2-númerið er fært rangt inn

þrisvar í röð birtist textinn Lokað fyrir PIN2-númer á skjánum og beðið er um PUK2-númerið.

Öryggisnúmerinu, PIN-númerinu og PIN2-númerinu er breytt í Breyta

aðgangslyklum í valmyndinni Öryggisstillingar (sjá Öryggisstillingar á bls. 43).

Haltu nýju númerunum leyndum og geymdu þau á öruggum stað fjarri símanum.

• PUK- og PUK2-númer: Þessi númer kunna að fylgja SIM-kortinu. Ef svo er

ekki skal hafa samband við þjónustuveituna.

1. Fyrstu skrefin

■ SIM-kort sett í

• Öll SIM-kort skal geyma þar sem lítil börn ná ekki til.

• SIM-kort og snertur þess geta auðveldlega skemmst ef kortið rispast eða

bognar. Því þarf að meðhöndla kortið af varkárni þegar það er sett í símann eða tekið úr.

• Á ður e n SIM- kor t er se tt í þarf a ð gæt a þess að slökkt sé á símanum og að hann

sé ekki tengdur við hleðslutæki eða önnur tæki, þá má fjarlægja rafhlöðuna.

1. Ýtt er á sleppitakkann á bakhliðinni (1),

henni rennt til (2) og lyft af símanum.

2. Rafhlöðunni er lyft upp með hakinu (3).

3. SIM-kortafestingunni er lyft með hakinu. Festingunni er snúið til að opna hana

(4). SIM-kortinu er ýtt varlega inn í raufina (5). Tryggja þarf að gylltu tengin á kortinu snúi niður og að skáhornið sé hægra megin. SIM-kortafestingunni er lokað og ýtt á hana til að læsa henni.

4. Gylltu tengin á rafhlöðunni eru látin nema

við samsvarandi tengi á símanum og ýtt á hinn endann á rafhlöðunni þar til hún smellur á sinn stað (6).

5. Neðri hluti

bakhliða-rinnar er látinn nema við neðri hluta símans (7) og þrýst á bakhliðina þar til hún smellur á sinn stað (8).

■ Rafhlaðan hlaðin

Ekki má hlaða rafhlöðuna ef önnur hvor hlið símans hefur verið fjarlægð.

1. Tengdu leiðsluna úr hleðslutækinu við

símann.

2. Stingdu hleðslutækinu í rafmagnsinnstungu.

Hleðsluvísirinn byrjar að hreyfast.

• Hleðsla BL-5C rafhlöðu með ACP-7 hleðslutækinu tekur allt að 3 klst. og 30 mínútur.

• Ef textinn Hleður sig ekki birtist skaltu bíða í smástund, taka hleðslutækið úr sambandi, stinga því aftur í samband og reyna aftur. Hafa skal samband við söluaðila ef enn er ekki hægt að hlaða.

3. Þegar rafhlaðan er fullhlaðin hættir hleðsluvísirinn að hreyfast. Taktu hleðslutækið úr sambandi við símann og innstunguna.

■ Hefðbundin notkunarstaða

Notaðu símann eingöngu í hefðbundinni stöðu. Á tækinu er utanáliggjandi loftnet. Til athugunar: Forðast skal óþarfa snertingu við loftnetið þegar

kveikt er á tækinu eins og gildir um öll önnur tæki sem senda frá sér útvarpsbylgjur. Snerting við loftnetið hefur áhrif á móttökuskilyrði og getur valdið því að tækið noti meiri sendiorku en nauðsynlegt er. Ef forðast er að snerta loftnetssvæðið þegar tækið er notað bætir það virkni loftnetsins og líftíma rafhlöðunnar.

■ Takkar og tengi

1. Vasaljós Innbyggt vasaljós er í símanum. Sjá

Vasaljós á bls. 19.

2. Navi-takkinn Virkni Nokia Navi-takkans fer eftir

textanum sem birtist fyrir ofan hann. Í þessari handbók er gert ráð fyrir að Navi-takkinn sé notaður eingöngu með tengdum leiðbeiningartexta á skjánum, t.d.

Valmynd eða Velja.

3. Rofinn Kveikir og slekkur á símanum. Þegar

takkaborðið er læst og ýtt er snöggt á rofann lýsist skjárinn upp í u.þ.b. 15 sekúndur.

4.Skruntakkar

Með tökkunum er hægt að fletta í gegnum nöfn, símanúmer, valmyndir eða stillingar. Með þeim er einnig hægt að stilla hljóðstyrk í heyrnartólinu meðan á símtali stendur. Í biðstöðu sýnir efri takkinn lista yfir þau númer sem síðast voru valin og neðri takkinn sýnir nöfn og símanúmer sem vistuð eru í tengiliðum.

5. Hreinsitakkinn

Eyðir stöfum af skjánum og lokar mismunandi aðgerðum.

6. 0 - 9 rita tölur og bókstafi. * og # gegna mismunandi hlutverki í mismunandi aðgerðum.

1. Tengi fyrir hleðslutæki

2. Tengi fyrir höfuðtól

3. Hljóðnemi

■ Skjár og biðstaða

Vísarnir sem lýst er hér að neðan sjást þegar síminn er tilbúinn til notkunar og engir stafir hafa verið færðir inn. Talað er um að skjárinn sé í ‘biðstöðu’.

1. Sýnir heiti farsímakerfisins sem verið er að nota símann í eða skjátákn netrekandans.

2. Sýnir sendistyrk farsímakerfisins á viðkomandi stað.

3. Sýnir hleðslustöðu rafhlöðunnar.

4. Sýnir hlutverk Navi-takkans hverju sinni.

■ Skipt um hliðar

Áður en skipt er um fram- og bakhlið skal alltaf slökkva á símanum og aftengja hann hleðslutækinu eða öðrum tækjum. Forðast skal að snerta rafræna íhluti þegar verið er að skipta um hulstur. Alltaf skal geyma og nota símann með áföstum fram- og bakhliðum.

1. Taktu bakhlið símans af og fjarlægðu rafhlöðuna, sjá liði 1 og 2 í SIM-kort sett

í á bls. 13.

2. Taktu framhliðina varlega af neðan frá (3).

3. Fjarlægðu takkastykkið varlega (4). Settu nýja takkastykkið í nýju framhliðina ofan frá (5). Gakktu úr skugga um að nýja takkastykkinu sé rétt fyrir komið (6).

4. Efri hluti framhliðarinnar er látinn nema við efri hluta símans og þrýst á framhliðina þar til hún smellur á sinn stað (7).

5. Settu rafhlöðuna á sinn stað og bakhliðina aftur á. Sjá liði 4 og 5 í SIM-kort sett í á bls. 13.

■ Úlnliðsbandi komið fyrir

Þræddu bandinu í gegnum götin eins og sýnt er á myndinni og hertu svo á því.

■ Vasaljós

Innbyggt vasaljós er í símanum. Þegar kveikt er á vasaljósinu birtist á skjá símans.

Eftirtaldir valkostir eru til að nota vasaljósið:

• Haltu inni hreinsitakkanum í biðstöðu. Þegar takkanum er sleppt slokknar á ljósinu.

Til að hafa áfram kveikt á vasaljósinu eftir að takkanum er sleppt er einnig hægt að ýta tvisvar á hann til að kveikja og einu sinni til að slökkva.

• Veldu Valmynd > Aukakostir > Vasaljós og síðan Virkt eða Óvirkt.

• Ýttu á hreinsitakkann meðan á símtali stendur og veldu Valkostir > Vasaljós

virkt eða Vasaljós óvirkt.

2. Símtöl

■ Hringt

1. Sláðu inn svæðis- og símanúmer. Millilandasímtöl: Tákninu "+" er bætt við með því að ýta tvisvar á * og síðan er

landsnúmerinu bætt inn framan við svæðisnúmerið (0 fremst eytt ef þarf). Ýttu á hreinsitakkann til að eyða tölustafnum sem síðast var sleginn inn.

2. Veldu Símtal til að hringja í númerið. Ýttu á efri og neðri skruntakkann til að hækka og lækka í eyrna- eða höfuðtólunum.

3. Veldu Ljúka til að leggja á (eða hætta við að hringja).

Hringt með því að nota símaskrána

Ýttu á neðri skruntakkann í biðstöðu til að finna viðkomandi nafn. Veldu Símtal til að hringja í númerið.

Símafundi komið á

Símafundur er sérþjónusta sem gerir það kleift að allt að fjórir taki þátt í sama símtali.

1. Hringdu í fyrsta þátttakandann. Sláðu inn símanúmerið eða veldu það í símaskránni og veldu Hringja.

2. Hringt er í annan þátttakanda með því að ýta á hreinsitakkann og velja

Valkostir > Ný hringing.

3. Þegar hringingunni hefur verið svarað er símtalinu bætt við fundinn með því að ýta á hreinsitakkann og velja Valkostir > Símafundur.

4. Til að bæta nýjum þátttakanda við símafundinn eru 1. til 3. liður endurteknir.

5. Til að ljúka símafundinum skaltu velja Ljúka.

Endurval

Til að velja aftur eitt af síðustu 10 símanúmerum sem hringt var í, ýtirðu einu sinni á efri skruntakkann í biðstöðu, skrunar að viðkomandi símanúmeri eða nafni og velur Símtal.

Hraðval

Veldu Valmynd > Tengiliðir > Hraðvalsnúmer. Veldu takka (takka 2 til 9) með skruntakkanum og veldu síðan Velja. Veldu hvort tengja eigi takkann við símtal eða SMS. Veldu nafn og síðan Velja.

Þegar símanúmer hefur verið tengt við tölutakka er hægt að hraðvelja númerið á eftirfarandi hátt:

• Ýtt er á viðkomandi tölutakka og síðan á Símtal, eða

•Ef Hraðval er virkt er ýtt á viðkomandi tölutakka og honum haldið inni þar til símtalið hefst (sjá Símtalsstillingar á bls. 40).

■ Hringingu svarað

Veldu Svara í biðstöðu. Ef flytja á hringinguna eða hafna henni án þess að svara er ýtt á hreinsitakkann.

■ Aðgerðir meðan á símtali stendur

Ýttu á hreinsitakkann meðan á símtali stendur og veldu Valkostir fyrir einhverja eftirtalinna aðgerða, sem sumar hverjar eru sérþjónusta: Hljóðnema af eða

Hljóðnema á, Í bið eða Úr bið, Ný hringing, Svara, Hafna, Ljúka öllum, Senda DTMF, Tengiliðir, Víxla, Valmynd og Vasaljós virkt eða Vasaljós óvirkt.

■ Hlustað á skilaboð í talhólfi

Talhólf er sérþjónusta. Nánari upplýsingar og númer talhólfsins fást hjá þjónustuveitu. Hringt er í talhólfið með því að halda 1 inni í biðstöðu. Ef breyta á talhólfsnúmerinu, sjá Númer talhólfs á bls. 34.

Ef beina á símtölum í talhólfið, sjá Símtalsstillingar á bls. 40.

■ Tökkum læst

Takkalásinn kemur í veg fyrir að óvart sé ýtt á takka. Tökkum læst eða þeir opnaðir: Veldu Valmynd í biðstöðu og ýttu svo snöggt á *. Einnig er hægt að láta símann læsa tökkunum sjálfkrafa eftir tiltekinn tíma. Sjá

Stillingar fyrir takkavara á bls. 42. Þegar takkarnir eru læstir birtist vísirinn

efst á skjánum.

Til athugunar: Þegar tökkunum er læst getur samt verið hægt að hringja í opinbera neyðarnúmerið sem er forritað í símann (t.d. 112 eða önnur opinber neyðarnúmer). Sláðu inn neyðarnúmerið og veldu Símtal. Númerið birtist ekki fyrr en síðasti stafurinn í því hefur verið valinn.

3. Texti skrifaður

Hægt er að slá inn texta með tvenns konar hætti, með hefðbundnum innslætti, sem sýndur er með , eða með aðferð sem er kölluð flýtiritun og er sýnd með

■ Flýtiritun gerð virk eða óvirk

Þegar verið er að skrifa texta er valið Valkostir > Orðabók.

• Flýtiritun er gerð virk með því að velja tungumál af listanum yfir valkosti orðabókar. Flýtiritun er aðeins í boði fyrir þau tungumál sem eru á listanum.

• Skipt er aftur yfir í hefðbundinn innslátt með því að velja Orðabók óvirk.

Ábending: Fljótlegt er að gera flýtiritun virka eða óvirka með því að ýta tvisvar á #.

■ Texti skrifaður með flýtiritun

Flýtiritun er þægileg aðferð við að skrifa texta. Flýtiritun texta byggist á innbyggðri orðabók, sem hægt er að bæta orðum við.

1. Sláðu inn orð með því að ýta aðeins einu sinni á hvern takka fyrir hvern staf. Orðið breytist í hvert skipti sem þú ýtir á nýjan takka. Til þess að skrifa orðið ‘Nokia’ þegar enska orðabókin er valin ýtirðu á 6, 6, 5, 4, 2.

• Til að eyða stafnum vinstra megin við bendilinn ýtirðu á hreinsitakkann.

Skjárinn er hreinsaður með því að halda hreinsitakkanum inni.

• Til að skipta á milli há- og lágstafa, eða á milli hefðbundins innsláttar og

flýtiritunar, ýtirðu endurtekið á * og fylgist með vísinum efst á skjánum.

• Skipt er á milli bók- og tölustafa með því að halda inni #.

• Til að fá fram lista yfir sértákn heldurðu * inni, velur táknið sem þú vilt nota

og ýtir á Nota.

• Til að slá inn tölustaf er ýtt á samsvarandi takka og honum haldið inni. Til

að færa inn marga tölustafi heldurðu # inni og slærð tölurnar inn.

2. Ef orðið sem birtist er orðið sem þú vildir fá fram ýtirðu á 0 og byrjar að skrifa næsta orð.

• Ef þú vilt fá fram annað orð ýtirðu endurtekið á * þar til orðið sem þú vilt fá

fram birtist.

• Ef "?“ birtist fyrir aftan orðið er það ekki að finna í orðabókinni. Til að bæta

orðinu í orðabókina velurðu Stafa, slærð inn orðið (með hefðbundnum innslætti) og velur svo Í lagi.

Samsett orð skrifuð

Sláðu inn fyrri hluta orðsins, ýttu á neðri skruntakkann og sláðu svo inn síðari hluta orðsins.

■ Texti skrifaður með hefðbundnum innslætti

Ýttu endurtekið á takkann með stafnum sem á að skrifa þar til hann birtist.

Eftirfarandi aðgerðir eru notaðar til að færa inn textann og breyta honum:

• Ýttu á 0 til að setja inn bil.

• Til að bæta við greinarmerki eða sértákni ýtirðu endurtekið á 1, eða á *, velur táknið og ýtir á Nota.

• Til að færa bendilinn til hægri eða vinstri ýtirðu á efri eða neðri skruntakkann.

• Til að eyða stafnum vinstra megin við bendilinn ýtirðu á hreinsitakkann. Til að hreinsa skjáinn ýtirðu á takkann og heldur honum inni.

• Til að skipta á milli há- og lágstafa ýtirðu á #.

• Til að setja inn tölustaf ýtirðu á viðeigandi takka og heldur honum inni. Skipt er á milli bók- og tölustafa með því að halda inni #.

• Til að færa inn staf sem er á sama takka og stafurinn á undan ýtirðu á neðri eða efri skruntakkann (eða bíður þar til bendillinn birtist) og slærð nýja stafinn inn.

4. Valmyndaraðgerðir

Hægt er að nota helstu aðgerðir valmyndanna á eftirfarandi hátt:

Með því að skruna

1. Veldu Valmynd í biðstöðu.

2. Ýttu á efri eða neðri skruntakkann til að fara að tiltekinni aðalvalmynd og opnaðu hana með því að ýta á Velja. Ýtt er á hreinsitakkann til að loka aðalvalmynd.

3. Ef undirvalmyndir eru í valmyndinni skrunarðu að viðkomandi og opnar hana með Velja. Ýtt er á hreinsitakkann til að loka undirvalmynd.

Ef ekki á að vista breytingar á valmyndastillingum er ýtt á hreinsitakkann og honum haldið inni.

Með flýtivísi

Valmyndirnar, undirvalmyndirnar og stillingamöguleikarnir eru í númeraröð. Númerin kallast flýtivísunarnúmer.

Veldu Valmynd í biðstöðu og sláðu inn flýtivísunarnúmer valmyndarinnar sem þú vilt opna innan þriggja sekúndna. Þetta er endurtekið fyrir undirvalmyndir.

Til dæmis ef gera á Biðþjónusta fyrir símtöl virka velurðu Valmynd > 6 (fyrir

Stillingar) > 2 (fyrir Símtalsstillingar) > 4 (fyrir Biðþjónusta fyrir símtöl) > 1 (fyrir Gera virkt).

Athugaðu að flýtivísunarnúmerið fyrir Skilaboð er 01.

■ Skilaboð (valmynd 01)

Skilaboð skrifuð

Hægt er að skrifa og senda samsett skilaboð sem samanstanda af nokkrum venjulegum textaboðum (sérþjónusta). Kostnaðurinn getur farið eftir þeim fjölda venjulegra skilaboða sem þarf í ein samsett skilaboð. Fjöldi tákna sem hægt er að nota/númer hluta samsettra skilaboða birtast í efra horninu hægra megin á skjánum, til dæmis 120/2. Ef sértákn (Unicode) eru notuð, eins og kýrillískt letur, getur þurft að skipta boðunum í fleiri hluta en ella. Athugaðu að flýtiritun getur notað Unicode-tákn.

Svo hægt sé að senda skilaboð verður númer skilaboðamiðstöðvarinnar að vera vistað í símanum. Sjá Skilaboðastillingar á bls. 32.

1. Í biðstöðu velurðu Valmynd > Skilaboð > Búa til skilaboð.

2. Sláðu inn skilaboðin. Fjöldi tákna sem hægt er að nota og númer hlutans birtist efst í hægra horninu á skjánum.

3. Þegar öll skilaboðin hafa verið slegin inn velurðu Valkostir > Senda, slærð inn símanúmer viðtakanda og velur Í lagi.

Ef senda á skilaboðin til fleiri en eins viðtakanda velurðu Sendingarkost. >

Senda á marga, skrunar að fyrsta viðtakanda og velur Senda. Þetta er

endurtekið fyrir hvern viðtakanda. Til að senda skilaboð á fyrirfram skilgreindan nafnalista velurðu

Sendingarkost. > Senda á lista. Um nafnalista er fjallað í Nafnalistar á bls. 31.

Aðrir valkostir eru: Innsetn.mögul., Nota skjalasnið Smátt letur eða Stórt letur,

Hreinsa texta, Orðabók, Leiðbeiningar, Hætta í ritli, Sendi snið

(sjá Skilaboðastillingar á bls. 32), Vista skilaboð, Eyða og Orðabók.

Til athugunar: Þegar skilaboð eru send með SMS getur verið að orðin "Skilaboð

send" birtist á skjánum. Það gefur til kynna að skilaboðin hafi verið send úr

símanum í skilaboðamiðstöðvarnúmerið sem skráð er í símanum. Þetta er ekki sönnun þess að skilaboðin hafi komist á áfangastað. Nánari upplýsingar um SMSþjónustu fást hjá þjónustuveitunni.

Textaboð lesin (innhólf)

Þegar textaboð berast í biðstöðu sést fjöldi nýrra skilaboða og á skjánum.

1. Veldu Lesa til að skoða skilaboðin strax. Til að skoða skilaboðin síðar ýtirðu á hreinsitakkann. Farið er í valmyndina

Innhólf (valmynd 01-2) þegar lesa á skilaboðin.

2. Skruntakkarnir eru notaðir til að fletta gegnum skilaboðin.

3. Á meðan þú lest skilaboðin geturðu valið Valkostir fyrir eftirfarandi: Eyða,

Svara, Spjalla, Breyta, Nota uppl., Framsenda, Sem áminningu, Smátt letur og Uppl. um skilab..

Sendir hlutir

Í valmyndinni Sendir hlutir er hægt að skoða afrit af skilaboðum sem hafa verið send. Veldu Valkostir fyrir eftirfarandi: Eyða, Breyta, Nota uppl., Framsenda, Sem

áminningu, Smátt letur og Uppl. um skilab..

Uppköst

Í valmyndinni Uppköst er hægt að skoða skilaboð sem hafa verið vistuð í valmyndinni Búa til skilaboð.

Spjall

Hægt er að spjalla við fólk með þessari skilaboðaþjónustu. Hver spjallskilaboð eru send sem sérstök textaboð. Skilaboð sem eru send og tekið við í spjalli eru ekki vistuð.

Til að hefja spjall velurðu Valmynd > Skilaboð > Spjalla, eða Valkostir > Spjalla þegar þú lest móttekin textaboð.

1. Sláðu inn símanúmer viðmælandans eða sæktu það í símaskrána og veldu Í

lagi.

2. Sláðu inn gælunafn þitt fyrir spjallið og veldu Í lagi.

3. Sláðu inn skilaboðin og veldu Valkostir > Senda.

4. Svarið frá viðmælandanum kemur fyrir ofan skilaboðin sem voru send. Til að svara skilaboðunum velurðu Í lagi og endurtekur lið 3 hér að ofan.

Þegar þú skrifar skilaboð geturðu valið Valkostir > Spjallnafn til að breyta gælunafni þínu eða > Spjallsaga til að skoða fyrri skilaboð.

Myndsendingar

Hægt er að taka við og senda skilaboð með myndum (sérþjónusta). Myndskilaboð eru vistuð í símanum. Athugið að myndskilaboð eru sett saman úr nokkrum textaboðum. Þess vegna getur verið dýrara að senda myndboð en textaboð.

Til athugunar: Þennan möguleika er aðeins hægt að nota ef símafyrirtækið eða þjónustuveitan býður upp á hann. Aðeins símar með möguleika á myndskilaboðum geta tekið á móti og birt myndskilaboð.

Tekið á móti myndskilaboðum

Til að skoða skilaboðin strax ýtirðu á Sýna. Með því að ýta á Valkostir færðu eftirfarandi valkosti fyrir myndskilaboðin: Eyða, Svara, Spjalla, Breyta texta, Vista

mynd, Sem skjávari, Taka númer, Sem áminningu og Uppl. um skilab..

Nafnalistar

Ef oft þarf að senda skilaboð til sama hóps viðtakenda er hægt að skilgreina nafnalista og nota við sendingu skilaboða. Hægt er að skilgreina allt að 6 nafnalista með 10 viðtakendum hvern. Síminn sendir textaboð til hvers viðtakanda fyrir sig.

Til að bæta við nýjum nafnalista velurðu Valmynd > Skilaboð > Nafnalistar. Veldu

Valkostir > Bæta við lista. Gefðu nafnalistanum heiti og veldu Valkostir > Skoða lista. Til að bæta tengilið við listann velurðu Valkostir > Bæta við nafni. Hægt er

að setja allt að 10 viðtakendur á einn nafnalista. Til að skoða og breyta nafnalistum velurðu Valmynd > Skilaboð > Nafnalistar. Ef sending mistekst í einhverju tilviki birtist yfirlit yfir fjölda villna, sendingar sem

tókust og nöfn sem ekki fundust. Hægt er að velja hvern flokk með Velja.

• Nöfn sem ekki hafa fundist eru nöfn í nafnalistanum sem hefur verið eytt úr símaskránni. Hægt er að fjarlægja þau úr listanum með því að velja Færa.

• Endursenda til að senda skilaboðin aftur til þeirra sem ekki tókst að senda til.

• Skoða til að skoða listann yfir sendingar sem mistókust.

Skjalasnið

Hægt er að skoða eða breyta forstilltu skilaboðunum (sniðmátunum) sem hægt er að nota til að skrifa skilaboð.

Broskarlar

Hægt er að breyta og geyma broskarla eins og ":-)" og nota þá í skilaboðum.

Eyða skilaboðum

Veldu Valmynd > Skilaboð > Eyða skilaboðum. Til að eyða öllum lesnum skilaboðum úr öllum möppum velurðu Öllum lesnum >

Ílagi. Veldu Í lagi þegar Eyða lesnum skilaboðum úr öllum möppum? birtist.

Til að eyða öllum lesnum skilaboðum í möppu skrunarðu að möppunni og velur

Ílagi. Veldu Í lagi þegar Eyða öllum lesnum skilab. úr möppu? birtist.

Skilaboðastillingar

Tvenns konar skilaboðastillingar eru í símanum: stillingar sem eiga við hvern stillingahóp og stillingar sem eiga við öll textaboð.

Snið 1 (valmynd 1-11-1)

Snið er safn stillinga sem þarf fyrir sendingu texta og myndskilaboða. Hver stillingahópur hefur eftirfarandi stillingar: Númer miðstöðvar, Skilaboð send

sem, Gildistími skilaboða og Endurskíra sendingarsnið. Miðstöðvarnúmerið er

1. Fjöldi stillingahópa fer eftir því hve marga hópa SIM-kortið styður.

nauðsynlegt til að senda SMS og myndskilaboð. Hægt er að fá númerið hjá þjónustuveitunni.

Almennt (valmynd 1-11-2)

Stillingar í þessari undirvalmynd eiga við um öll textaboð sem send eru, án tillits til valins stillingahóps. Tiltækar stillingar eru: Tilkynningar um skil, Svar í gegnum

sömu miðstöð og Stuðningur við stafi.

Veldu Stuðningur við stafi til að skilgreina hvernig síminn eigi að fara með Unicode-tákn í textaboðum.

Ef kosturinn Sjálfvalið er valinn sendir síminn öll Unicode-tákn í textaboðum, eins og ’á’ og kýrillíska stafi, í samhæfan síma, ef símafyrirtækið styður það.

Ef kosturinn Smækkað er valinn reynir síminn að breyta Unicode-stöfum í samsvarandi venjulega stafi, t.d.’á’ í ’a’, og breytir grískum lágstöfum í hástafi. Ef engir samsvarandi venjulegir stafir eru til eru stafirnir sendir sem Unicodestafir.

Upplýsingaþjónusta

Með þessari sérþjónustu er hægt að taka á móti skilaboðum um ýmis efni frá símakerfinu. Nánari upplýsingar fást hjá þjónustuveitunni.

1. Flýtivísunarnúmer þessarar valmyndar fer eftir fjölda tiltækra stillingahópa. Hér er gert ráð fyrir að aðeins einn stillingahópur sé tiltækur.

2. Það fer eftir þjónustuveitunni hvort valmyndin er tiltæk eða ekki.

Númer talhólfs

Hægt er að vista og breyta símanúmeri talhólfsins (sérþjónusta).

Þjónustuskipanir

Hægt er að senda þjónustubeiðnir til þjónustuveitunnar. Sláðu inn viðeigandi tákn. Haltu # inni til að skipta milli bókstafa og tölustafa. Veldu Senda til að senda beiðnina.

■ Tengiliðir (valmynd 2)

Hægt er að vista nöfn og símanúmer í minni símans (símaskrá) og í minni SIM-kortsins (SIM-símaskrá). Símaskráin í símanum getur geymt allt að 50 nöfn.

Leitað að nafni og símanúmeri

Í biðstöðu velurðu Valmynd > Tengiliðir > Leita. Sláðu inn fyrstu stafina í nafninu og veldu Leita. Ýttu á efri eða neðri skruntakkann til að finna nafnið sem leitað er að.

Ef nafnið eða númerið er vistað í minni SIM-kortsins sést efst til hægri á skjánum; ef það er vistað í minni símans sést .

HRAÐLEIT: Ýttu á neðri skruntakkann í biðstöðu og sláðu inn fyrsta stafinn í nafninu. Ýttu á efri eða neðri skruntakkann til að finna nafnið sem leitað er að.

Einnig er hægt að nota eftirfarandi valkosti:

• Þjónustunúmer til að hringja í þjónustunúmer þjónustuveitunnar ef þau fylgja með á SIM-kortinu (sérþjónusta).

• Upplýs.númer til að hringja í upplýsinganúmer þjónustuveitunnar ef þau fylgja með á SIM-kortinu (sérþjónusta).

• Bæta tengil. við til að vista nöfn og símanúmer í símaskránni.

• Eyða til að eyða nöfnum og númerum úr símaskránni, einu í einu eða öllum.

• Breyta til að breyta nöfnum og númerum í Tengiliðir.

• Afrita til að afrita nöfn og símanúmer öll í einu eða eitt og eitt úr minni símans yfir á SIM-kortið eða öfugt.

• Tengitónn til að stilla símann þannig að hann spili tiltekinn hringitón þegar hringt er úr tilteknu númeri. Veldu símanúmer eða nafn og svo Velja. Athugaðu að þessi aðgerð virkar ekki nema bæði símafyrirtækið og síminn geti borið kennsl á þann sem hringir og sent um hann upplýsingar.

• Senda símanr. til að senda upplýsingar um tengilið með OTA-skilaboðum, ef það er stutt í símakerfinu.

Stillingar fyrir tengiliði

Í biðstöðu velurðu Valmynd > Tengiliðir > Stillingar. Síðan velurðu:

• Minni í notkun: til að velja hvort vista eigi nöfn og númer undir Sími eða SIM-

kort. Athugaðu að þegar skipt er um SIM-kort er SIM-kort sjálfkrafa valið.

• Sýna tengiliði: til að velja hvernig nöfn og símanúmer eru birt, annað hvort

Nafn og númer. (eitt nafn og númer í einu), eða Listi yfir tengil. (þrjú nöfn

í einu).

• Staða minnis: til að sjá hversu mörg nöfn og símanúmer eru þegar vistuð og hversu mörg til viðbótar er hægt að vista í hvorri símaskrá.

■ Símtalaskrá (valmynd 3)

Símanúmer móttekinna símtala, símtala sem ekki er svarað og númera sem hringt er í eru skráð í símanum ásamt áætlaðri lengd þeirra og kostnaði við þau. Einnig er hægt að skoða og breyta stillingum á fyrirframgreiddu SIM-korti (sérþjónusta).

Síminn skráir móttekin símtöl og símtöl sem var ekki svarað ef kveikt er á honum, hann innan þjónustusvæðis og símstöðin styður þessar aðgerðir.

Listar yfir nýleg símtöl

Með því að velja Valkostir í valmyndinni Hringingum ekki svarað, Hringingum

svarað eða Hringt var í geturðu séð tíma símtalsins, skoðað eða hringt í skráða

símanúmerið, breytt því, bætt því við Tengiliðir eða eytt því úr listanum. Einnig er hægt að senda textaboð (Senda skilaboð).

Teljarar

Til athugunar: Reikningar þjónustuveitunnar fyrir hringingar og þjónustu geta

verið breytilegir eftir eiginleikum símkerfisins, námundun við gerð reikninga, sköttum og öðru slíku.

• Lengd símtals: Sýnir lengd símtala í og úr símanum. Hægt er að núllstilla teljarana með því að velja Núllstilla teljara.

• Kostnaður við símtöl: Sýnir áætlaðan kostnað við síðasta símtal eða símtöl í skrefum sem tilgreind eru í aðgerðinni Sýna kostnað í.

• Stillingar fyrir kostnað við símtöl: Með Kostnaðarhámark er hægt að takmarka kostnað vegna símtala við tiltekinn skrefafjölda eða fjárhæð (sérþjónusta). Með Sýna kostnað í er hægt að velja einingarnar sem síminn á að sýna eftirstöðvar taltíma í (þjónustuveitan veitir upplýsingar um skrefaverð).

• Inneign: Þegar fyrirframgreitt SIM-kort er notað er aðeins hægt að hringja þegar næg innistæða er á SIM-kortinu (sérþjónusta). Valkostir: Birtir inneign (sýna eða fela inneign í biðstöðu), Inneign (upphæð inneignar), Kostnaður

síðustu notkunar og Innborgunarstaða (staða endurhleðslu).

Til athugunar: Þegar inneign á hleðslukorti eða öðru sambærilegu er búin gæti aðeins verið hægt að hringja í opinbera neyðarnúmerið sem er forritað í tækið.

■ Tónar (valmynd 4)

Í þessari valmynd er hægt að breyta stillingum sniðsins sem er valið og búa til nýja hringitóna. Sjá Snið (valmynd 5) á bls. 38.

• Hringitónn: Stillir tóninn sem heyrist þegar hringt er í símann.

• Styrkur hringingar: Stillir hljóðstyrk hringitóna og skilaboðatóna.

• Hringing: Skilgreinir hvernig síminn lætur vita um hringingar sem berast. Til dæmis þegar Slökkt er valið er síminn hljóður þegar hringt er í hann og birtist í biðstöðu.

• Hringing fyrir skilaboð: Stillir tóninn sem heyrist þegar textaboð berast.

• Takkatónar: Stillir hljóðstyrk takkatóna.

• Aðvörunarhljóð: Stillir símann á að gefa frá sér hljóðmerki, til dæmis þegar rafhlaðan er að tæmast.

• Titringur: Stillir símann á að titra þegar hringt er í hann eða skilaboð berast.

• Taktf. bakljósa áminning: Stillir baklýsingu símans þannig að hún blikki í takt við valinn hringitón eða viðvörunartón skilaboða. Titrarinn virkar ekki þegar síminn er tengdur við hleðslutæki eða borðstand.

■ Snið (valmynd 5)

Hægt er að sérsníða tóna símans fyrir mismunandi tilefni og aðstæður. Byrjað er á að laga stillingarnar og sniðin að eigin óskum og síðan þarf aðeins að gera snið virkt til að geta notað það.

Snið gert virkt og stillingum þess breytt

Í valmyndinni Snið velurðu sniðið og svo Gera virkt. Til að breyta stillingum valins sniðs velurðu Eigið val > Hringitónn, Styrkur

hringingar, Hringing, Hringing fyrir skilaboð, Takkatónar, Aðvörunarhljóð, Titringur, Taktf. bakljósa áminning, Skjávari eða Endurskíra (ekki tiltækt undir Almennt). Veldu viðkomandi valkost og svo Í lagi.

Einnig er hægt að breyta stillingum sniðsins sem hefur verið valið undir

Tónastillingar, sjá Tónar (valmynd 4) á bls. 37.

Ábending: Til að gera snið virkt með fljótlegum hætti í biðstöðu eða meðan á símtali stendur: Ýttu snöggt á rofann, skrunaðu að viðkomandi

sniði og veldu Í lagi.

■ Stillingar (valmynd 6)

Í þessari valmynd er hægt að breyta ýmsum stillingum símans. Einnig er hægt að færa einhverjar valmyndarstillingar í upprunalegt horf með Velja upphafsstillingar.

Tímastillingar

Klukka

Til að láta símann sýna tímann í biðstöðu, stilla tímann og velja 12 eða 24 stunda klukku. Ef rafhlaðan er fjarlægð úr símanum gæti þurft að stilla klukkuna aftur.

Stilla dagsetningu

Til að stilla rétta dagsetningu. Ef rafhlaðan er fjarlægð úr símanum gæti þurft að stilla dagsetninguna aftur.

Tími og dagur uppf. sjálfir

Þessi sérþjónusta sér til þess að tími og dagsetning uppfærist sjálfkrafa samkvæmt tímabelti hverju sinni. Sjálfvirk uppfærsla á degi og tíma breytir ekki tímanum sem valinn er fyrir vekjaraklukkuna eða áminningar. Þar gildir staðartími. Uppfærsla getur valdið því að sumar áminningar sem þú hefur stillt renni út.

Símtalsstillingar

• Símtalsflutningur: Til að flytja símtöl í talhólf eða annað símanúmer (sérþjónusta).

Veldu flutningsvalkost, t.d. Flytja þegar síminn er á tali ef flytja á símtöl þegar síminn er á tali eða hringingu ekki svarað.

Margir flutningsvalkostir geta verið virkir samtímis. Þegar Flytja öll símtöl er virkt sést á skjánum í biðstöðu.

Gerðu valkostinn virkann (Gera virkt) eða óvirkan (Fella úr gildi), athugaðu hvort valkosturinn sé virkur með því að velja Ath. stillingar eða tilgreindu biðtíma fyrir tiltekinn flutning Stilla biðtíma (ekki í boði fyrir alla flutningsvalkosti).

• Sjálfvirkt endurval: Til að láta símann reyna að hringja aftur allt að tíu sinnum þegar ekki hefur náðst samband.

• Hraðval: Þegar hraðval er á er hægt að hringja í nöfn og símanúmer sem tengd eru tökkunum 2 til 9 með því að halda inni viðkomandi takka.

• Biðþjónusta fyrir símtöl: Þegar þessi sérþjónusta er virk lætur símafyrirtækið vita ef hringt er meðan talað er í símann. Veldu Svara til að svara símtalinu sem sett var í bið. Fyrra símtalið er sett í bið. Veldu Ljúka til að ljúka símtalinu sem stendur yfir.

• Birta upplýsingar um mig: Til að stilla símann þannig að númerið birtist (Já) eða birtist ekki (Nei) á síma þess sem hringt er í (sérþjónusta). Ef þú velur Skv.

áskrift er sú stilling notuð sem samið hefur verið um við þjónustuveituna.

• Lína til að hringja: Með þessari sérþjónustu er hægt að velja línu 1 eða 2 til að hringja eða hindra val á línu, ef SIM-kortið styður það.

Hægt er að svara símtölum óháð vali á línu. Ekki er þó hægt að hringja á línu 2 án þess að vera áskrifandi að þessari þjónustu. Þegar lína 2 er valin sést "2" á skjánum í biðstöðu.

Símastillingar

Tungumál: Til að velja tungumál fyrir skjátexta símans. Upplýsingar um endurvarpa: Til að síminn gefi til kynna ef hann er notaður

á farsímakerfi sem byggist á MCN-tækni (Micro Cellular Network, sérþjónusta). Þjónustuveitan gefur nánari upplýsingar.

Opnunarkveðja: Hægt er að færa inn skilaboð sem birtast stutt á skjánum þegar

kveikt er á símanum.

Val á neti: Til að stilla símann þannig að hann velji sjálfkrafa farsímakerfi sem er

tiltækt á svæðinu, eða að það sé valið handvirkt. Símkerfið sem er valið verður að vera með reikisamning við heimasímkerfi notandans.

Staðfesta SIM-þjónustuaðg.: Til að láta símann sýna eða fela staðfestingarboð

þegar SIM-þjónusta er notuð (sjá SIM-þjónusta (valmynd 11) á bls. 49).

Stillingar aukahluta

Valmyndin með stillingum fyrir aukahluti er aðeins sýnd ef síminn er eða hefur verið tengdur við aukahlut eins og höfuðtól.

Veldu Valmynd > Stillingar > Stillingar fyrir aukahluti > Höfuðtól eða Handfrjálst .

• Valið er Sjálfvalið snið til að velja sniðið sem síminn notar þegar aukahluturinn er tengdur.

• Veldu Sjálfvirkt svar til að stilla símann þannig að hringingu sé svarað sjálfkrafa eftir fimm sekúndur. Ef Hringing er stillt á Eitt bíp eða Slökkt, er sjálfvirk svörun ekki notuð.

• Veldu Ljós til að stilla ljósin varanlega á Kveikja. Veldu Sjálfvirkt til að láta ljósin loga í 15 sekúndur eftir að stutt hefur verið á takka. Valkosturinn Ljós er aðeins í boði þegar Handfrjálst hefur verið valið.

Stillingar fyrir takkavara

Hægt er að stilla takkana á símanum þannig að þeir læsist sjálfkrafa, Sjálfvirkur

takkavari, eftir forstilltan biðtíma þegar síminn er í biðstöðu og engin aðgerð í

símanum hefur verið notuð. Einnig er hægt að nota öryggistakkavara til að læsa tökkunum á símanum með öryggisnúmeri: Lykilorð fyrir takkavara.

• Veldu Valmynd > Stillingar > Stillingar fyrir takkavara. Til að virkja Sjálfvirkur

takkavari velurðu Virkur og þá birtist Stilla biðtíma:. Sláðu inn tímann og veldu

Í lagi. Hægt er að stilla tíma á bilinu 10 sekúndur upp í 60 mínútur. Til að gera

sjálfvirka takkavarann óvirkan velurðu Óvirkur.

• Veldu Valmynd > Stillingar > Stillingar fyrir takkavara > Lykilorð fyrir

takkavara. Til að gera öryggistakkavarann virkan slærðu inn öryggisnúmerið og

velur Í lagi. Sjá Aðgangslyklar á bls. 11. Þegar búið er að velja Virk, biður síminn um öryggisnúmerið í hvert skipti sem þú velur Úr lás. Til að taka öryggistakkalásinn af velurðu Óvirk.

Sjá einnig Tökkum læst á bls. 22.

Öryggisstillingar

Til athugunar: Þegar öryggiseiginleikar sem takmarka hringingar eru í notkun

(hringilokun, lokaður notendahópur og fastir valkostir við númeraval), gæti eftir sem áður verið hægt að hringja í tiltekin neyðarnúmer í sumum símkerfum (t.d. 112 eða annað opinbert neyðarnúmer).

• Krefjast PIN-númers: Stilla má símann þannig að hann krefjist PIN-númers SIM-kortsins þegar kveikt er á símanum. Á sumum SIM-kortum er ekki hægt að slökkva á þessum eiginleika.

• Útilokunarþjónusta: Með þessari sérþjónustu er hægt að takmarka hringingar úr símanum og í hann. Valdu einn útilokunarvalkostanna og settu hann á (Gera

virkt) eða af (Fella úr gildi) eða athugaðu hvort þjónusta hafi verið gerð virk

(Athuga stöðu).

• Fast númeraval: Hægt er að takmarka símtöl úr símanum við tiltekin númer (sérþjónusta).

• Lokaður notendahópur: Með þessari sérþjónustu er hægt að tilgreina hóp fólks sem hægt er að hringja í og taka við símtölum frá.

• Öryggisstig: Til að láta símann biðja um öryggisnúmer þegar nýtt SIM-kort er sett í símann, Sími, eða þegar valin er símaskráin í símanum, Minni.

Athugaðu að þegar öryggisstiginu er breytt eru hreinsaðir allir listar yfir nýjustu hringingar, þær sem ekki var svarað og númer sem hringt hefur verið í.

• Breyta aðgangslyklum: Hægt er að breyta öryggisnúmerinu, PIN- og PIN2númerinu eða lykilorðinu vegna útilokunar. Þessi númer geta aðeins innihaldið tölur á bilinu 0-9.

Athugaðu að nota helst ekki aðgangsnúmer sem líkist neyðarnúmeri, t.d. 112, til að komast hjá því að neyðarnúmer sé valið fyrir slysni.

Velja upphafsstillingar

Til að færa einhverjar af valmyndarstillingunum í upprunalegt horf velurðu

Valmynd, og síðan Stillingar > Velja upphafsstillingar. Sláðu inn öryggisnúmerið

og veldu Í lagi. Nöfnum og símanúmerum í símaskránni er ekki eytt.

■ Vekjaraklukka (valmynd 7)

Hægt er að stilla vekjaraklukkuna þannig að hún hringi á tilsettum tíma einu sinni eða endurtekið, t.d. alla virka daga.

Veldu Valmynd > Vekjaraklukka. Sláðu inn hvenær vekjaraklukkan á að hringja. Hægt er að stöðva hringinguna með því að ýta á hreinsitakkann. Ef þú velur Blund stöðvast hringingin og fer aftur í gang að 6 mínútum liðnum.

Ef vekjaraklukkan hefur verið stillt og hringingartíminn rennur upp á meðan slökkt er á símanum kveikir síminn á sér og hringir. Ef ýtt er á hreinsitakkann er spurt hvort opna eigi símann fyrir símtölum. Ýttu á hreinsitakkann til að slökkva á símanum og veldu Já til að hringja og taka á móti símtölum.

Til athugunar: Veldu ekki Já þar sem notkun þráðlausra síma er bönnuð eða þar sem hún kann að valda truflunum eða hættu.

■ Áminningar (valmynd 8)

Til athugunar: Til þess að hægt sé að nota þessa aðgerð

verður að vera kveikt á símanum. Ekki má kveikja á símanum þar sem notkun þráðlausra síma er bönnuð eða þar sem hún kann að valda truflunum eða hættu.

Með áminningum er hægt að vista stutta minnispunkta með hljóðmerki. Hljóðmerkið fer í gang þegar viðkomandi dagsetning og tími rennur upp.

Þú getur valið úr eftirfarandi valmöguleikum: Bæta við nýrri, Skoða allar, Eyða,

Breyta eða Í dagbók til að bæta við nýjum áminningum, skoða, breyta eða senda

þær eða eyða þeim einni í einu eða öllum. Þegar áminningartíminn rennur upp er hægt að stöðva hljóðmerkið með því að

ýta á hreinsitakkann. Ef þú velur Blund gefur síminn aftur frá sér hljóðmerki að 10 mínútum liðnum.

■ Leikir (valmynd 9)

Í símanum eru nokkrir leikir. Hverjum leik fylgir stuttur hjálpartexti.

Til athugunar: Til þess að hægt sé að nota þessa aðgerð verður að vera kveikt á símanum. Ekki má kveikja á símanum þar sem notkun þráðlausra síma er bönnuð eða þar sem hún kann að valda truflunum eða hættu.

Algengum leikjastillingum breytt

Veldu Stillingar. Hægt er að stilla hljóð, ljós og titring (Titringur) fyrir leikinn. Athugaðu að þegar Aðvörunarhljóð er ekki á getur verið að engin hljóð heyrist, jafnvel þótt Hljóð sé á, og þegar Titringur er ekki á titrar síminn ekki, jafnvel þótt

Titringur sé á.

■ Aukakostir (valmynd 10)

Til athugunar: Til þess að hægt sé að nota þessa aðgerð

verður að vera kveikt á símanum. Ekki má kveikja á símanum þar sem notkun þráðlausra síma er bönnuð eða þar sem hún kann að valda truflunum eða hættu.

Reiknivél

Í símanum er reiknivél sem einnig er hægt að nota til að umreikna gjaldmiðla.

Nákvæmni reiknivélarinnar er takmörkuð og villur geta komið upp við námundun, einkum í deilingu með margra stafa tölum.

Í biðstöðu velurðu Valmynd > Aukakostir > Reiknivél.

Útreikningur

• Tölustafir eru slegnir inn með tökkum 0 til 9. Komma er sett inn með #. Ýttu á hreinsitakkann til að eyða síðasta tölustaf. Til að breyta formerkinu velurðu

Valkostir > Breyta merki.

• Ýttu einu sinni á * fyrir "+", tvisvar fyrir "-", þrisvar fyrir "*" og fjórum sinnum fyrir "/".

• Til að fá niðurstöðuna velurðu Valkostir > Jafnt og. Ýttu á hreinsitakkann og haltu honum inni til að hreinsa skjáinn fyrir nýjan útreikning.

Umreikningur gjaldmiðla

Til að vista gengið velurðu Valkostir > Gengi > Erlendur gjaldmiðill í eigin mynt eða Eigin gjaldmiðill í erlendri mynt, slærð inn gildið (ýttu á # fyrir kommu) og velur Í lagi.

Til að umreikna: Sláðu inn upphæðina sem á að umreikna, veldu Valkostir >

Í innlendum eða Í erlendum.

Skeiðklukka

Hægt er að nota skeiðklukkuna við tímamælingar, til dæmis í íþróttum. Veldu

Valmynd > Aukakostir > Skeiðklukka.

Veldu Byrja til að hefja tímatöku. Til að stöðva tímatökuna velurðu Hætta. Þegar tímatakan hefur verið stöðvuð geturðu valið Valkostir til að Byrja, Núllstilla eða

Hætta. Ef þú velur Byrja heldur teljarinn áfram frá þeim stað sem hann var

stöðvaður. Núllstilla stöðvar teljarann og núllstillir hann. Til að stilla tímatökuna þannig að hún haldi áfram í bakgrunni er ýtt

á hreinsitakkann og honum haldið inni tvisvar. Á meðan tímatakan gengur blikkar

í biðstöðu.

Notkun skeiðklukkunnar dregur úr endingu rafhlöðunnar hverju sinni og þarf því oftar að hlaða hana. Gæta skal þess að hún gangi ekki á meðan aðrar aðgerðir eru framkvæmdar í símanum.

Niðurteljari

Hægt er að láta símann hringja eftir tiltekinn mældan tíma.

Veldu Valmynd > Aukakostir > Niðurteljari. Sláðu inn tímann fyrir hringinguna og veldu Í lagi. Þú getur einnig slegið inn punkt fyrir hringinguna, endurstillt tímann og stöðvað teljarann.

Þegar teljarinn er í gangi birtist í biðstöðu. Þegar tími hringingarinnar er runninn upp gefur síminn frá sér tón og birtir

textann. Ýttu á hvaða takka sem er til að slökkva á hringingunni.

Tónsmiður

Þú getur búið til þína eigin hringitóna. Veldu tóninn sem á að breyta og sláðu nóturnar inn. Til dæmis ýtirðu á 4 fyrir nótuna f.

8 styttir (-) og 9 lengir (+) tíma nótunnar eða þagnarmerkisins. 0 setur inn þagnarmerki. * stillir áttundina. # hækkar nótuna (ekki tiltækt fyrir nóturnar e og h). Bendillinn er færður til vinstri eða hægri með efri og neðri skruntakkanum. Ýttu á hreinsitakkann til að eyða nótu eða þagnarmerki vinstra megin við bendilinn.

Þegar tónninn er tilbúinn velurðu Valkostir > Spila, Vista, Taktur, Hreinsa skjá eða

Hætta.

Skjávari

Hægt er að velja mynd sem kemur á skjáinn að tilteknum tíma liðnum: Tími rennur

út. Veldu Valmynd > Aukakostir > Skjávari. Veldu myndina og biðtímann sem líður

áður en skjávarinn er gerður virkur. Athugaðu að skjávarinn kemur í stað hverskyns mynda og texta á skjánum í biðstöðu.

Vasaljós

Sjá Vasaljós á bls. 19.

■ SIM-þjónusta (valmynd 11)

Þessi valmynd birtist aðeins ef SIM-kortið býður viðbótarþjónustu. Heiti og efni valmyndarinnar fara eftir þeirri þjónustu sem er í boði.

Til athugunar: Upplýsingar um notkun, verð og framboð á SIM-þjónustu fást hjá söluaðila SIM-kortsins, til dæmis símafyrirtæki, þjónustuveitu eða öðrum söluaðilum.

■ WAP-þjónusta (Þjónusta - valmynd 12)

Í þessari valmynd geturðu notað WAP-þjónustu (Wireless Application Protocol), t.d. netleiki sem eru sérhannaðir fyrir farsíma og er haldið úti af WAP-þjónustuveitum.

Til að opna þessa valmynd: Veldu Valmynd (í biðstöðu) > Þjónusta.

Til athugunar: Til þess að hægt sé að nota þessa aðgerð verður að vera kveikt á

símanum. Ekki kveikja á símanum þar sem notkun þráðlausra síma er bönnuð eða þar sem hún kann að valda truflunum eða hættu.

Athugaðu að WAP-síður nota WML (Wireless Mark-up Language). Ekki er hægt að skoða vefsíður sem nota HTML (HyperText Mark-up Language) í símanum.

Símafyrirtækið og/eða viðkomandi WAP-þjónustuveita veitir upplýsingar um WAP-þjónustu, verð og gjaldskrár. Þjónustuveitur gefa líka upplýsingar um hvernig þjónustan er notuð.

Grundvallaratriði í notkun WAP-þjónustu

1. Nálgastu og vistaðu stillingar fyrir tengingu við WAP-þjónustuna sem þú vilt nota. Sjá Síminn settur upp fyrir WAP-þjónustu.

2. Komdu á tengingu við WAP-þjónustuna, sjá bls. 53.

3. Skoðaðu síður WAP-þjónustunnar, sjá bls. 53.

4. Rjúfðu tenginguna við WAP-þjónustuna, sjá bls. 55.

Síminn settur upp fyrir WAP-þjónustu

Hægt er að fá stillingar fyrir tengingu í textaboðum frá símafyrirtækinu eða þjónustuveitunni sem býður upp á WAP-þjónustuna sem á að nota. Hafðu samband við símafyrirtækið eða þjónustuveituna, eða farðu á Club Nokia á www.nokia.com/clubnokia.

Þú getur einnig fært stillingarnar inn handvirkt.

Stillingar í textaboðum vistaðar

Þegar þú færð tengistillingar í textaboðum birtist Þjónustustillingar mótteknar.

• Til að vista stillingarnar velurðu Valkostir > Vista.

• Til að skoða stillingarnar áður en þær eru vistaðar velurðu Valkostir > Sýna. Veldu Vista til að vista stillingarnar eða Til baka til að fara aftur í vallistann.

Tengistillingar færðar inn

Símafyrirtækið eða þjónustuveitan veita upplýsingar um réttar stillingar fyrir WAP. Hugsanlega er hægt að nálgast þessar upplýsingar á vefsvæði þeirra.

1. Veldu Þjónusta > Stillingar > Tengistillingar.

2. Skrunaðu að tengistillingum sem á að breyta.

3. Veldu Valkostir > Breyta.

4. Breyttu eftirfarandi stillingum koll af kolli. Færðu inn allar réttu stillingarnar.

• Heimasíða: Sláðu inn veffang WAP-þjónustunnar sem á að nota (ýttu á

1 fyrir punkt) og veldu Í lagi.

• Tenging: Veldu Varanleg eða Tímabundin.

• Öryggi tengingar: Veldu Kveikt eða Slökkt.

Þegar tengiöryggið er virkt reynir síminn að tengjast WAP-þjónustunni um örugga tengingu. Ef örugg tenging er ekki tiltæk er tengingu ekki komið á. Viljir þú samt sem áður tengjast, um óörugga tengingu, stillirðu tengiöryggið á Slökkt.

• Gagnaflutningsmáti: Athugaðu hvort GSM-gögn hafi verið valið.

Símafyrirtækið eða þjónustuveitan veitir upplýsingar um verðlagningu, hraða tengingar og fleira.

• Innhringinúmer: Sláðu inn númerið og veldu Í lagi.

• IP-tala: sláðu inn töluna (ýttu á * fyrir punkt) og veldu Í lagi.

• Gerð sannvottunar: Veldu Venjuleg eða Örugg.

• Gerð gagnasímtals: Veldu Hliðræn eða ISDN.

• Notandanafn: Sláðu inn notandanafnið (ýttu á 1 fyrir punkt) og ýttu á

Ílagi.

• Lykilorð: Sláðu inn lykilorðið og veldu Í lagi. Endurtaktu þetta til að

staðfesta lykilorðið.

5. Þegar allar réttu stillingarnar hafa verið færðar inn geturðu breytt heiti stillingahópsins. Ýttu á hreinsitakkann og veldu svo Valkostir > Endurnefna. Sláðu inn heitið og veldu Í lagi.

Stillingarnar eru nú vistaðar og hægt er að tengjast WAP-þjónustunni, sjá bls. 53.

WAP-stillingar sendar

Hægt er að senda WAP-stillingar í samhæfan síma.

1. Í valmyndinni Þjónusta velurðu Stillingar > Tengistillingar.

2. Skrunaðu að tengistillingunum sem á að senda.

3. Veldu Valkostir > Senda stillingar.

4. Sláðu inn símanúmer viðtakanda og veldu Í lagi.

Notandanafnið og lykilorðið eru ekki send.

Tengingu við WAP-þjónustu komið á

1. Gerðu stillingar WAP-þjónustunnar sem á að nota virkar: Veldu Þjónusta > Stillingar > Tengistillingar. Skrunaðu að stillingahópnum

sem á að nota og veldu Valkostir > Virkja. Ef nota á sömu WAP-þjónustu og síðast er hægt að sleppa þessu þrepi.

2. Tengingu við WAP-þjónustuna er komið á með einhverri eftirfarandi aðferða:

• Opnaðu heimasíðu WAP-þjónustunnar. Veldu Þjónusta > Heimasíða.

• Komdu á tengingu í biðstöðu. Þegar ekki hafa verið slegnir inn neinir stafir

á skjánum ýtirðu á 0 og heldur honum inni.

• Veldu bókamerki WAP-þjónustunnar. Veldu Þjónusta > Bókamerki,

skrunaðu að viðkomandi bókamerki og veldu Valkostir > Opna. Ef bókamerkið virkar ekki (Athugaðu þjónustustillingar birtist hugsanlega),

skaltu breyta virku tengistillingunum og reyna aftur.

• Sláðu inn veffang WAP-þjónustunnar. Veldu Þjónusta > Opna veffang,

sláðu inn veffangið (ýttu á * fyrir sértákn) og veldu Í lagi. Athugaðu að ekki þarf að bæta http:// framan við slóðina þar sem því er

sjálfkrafa bætt við. Ef notaðar eru aðrar samskiptareglur en http, þarf að bæta viðeigandi forskeyti við.

WAP-síður skoðaðar

Þegar þú hefur komið á tengingu við WAP-þjónustu geturðu vafrað um WAPsíður hennar.

Virkni takkanna á símanum getur verið mismunandi eftir WAP-þjónustum. Fylgdu textaleiðbeiningum á skjánum. Nánari upplýsingar fást hjá WAPþjónustuveitunni.

Almennar leiðbeiningar um notkun takkanna

• Notaðu efri og neðri skruntakkann til að fletta í gegnum WAP-síðuna og merkja viðkomandi atriði. Atriðið getur til dæmis verið undirstrikaður texti (’tengill’).

• Ýttu á Navi-takkann til að velja merkt atriði.

• Ýttu á hreinsitakkann til að fara aftur á WAP-síðuna sem var skoðuð á undan.

• Ýttu á 0 til 9 til að slá inn stafi og tölur og á * til að slá inn sértákn.

• Veldu Valkostir fyrir eftirfarandi valkosti. Ef til vill eru ekki allir valkostirnir í boði samtímis. Þjónustuveitan kann að bjóða upp á fleiri valkosti.

Heimasíða: Til að fara aftur á heimasíðu WAP-þjónustunnar. Hlaða aftur: Uppfærir WAP-síðuna. Opna tengil: Velur tengil eða annað merkt atriði á WAP-síðunni. Skoða mynd: Hægt er að skruna um mynd eða hreyfimynd sem ekki er hægt að

birta í heild sinni. Ýttu á efri eða neðri skruntakkann (eða 2 og 8) til að skruna upp eða niður í myndinni. Ýttu á 4 eða 6 til að skruna til vinstri eða hægri í myndinni.

Ýttu á Valkostir til að Skoða næstu, Skoða fyrri eða Vista mynd. Með Vista mynd er hægt að vista myndir til að nota í myndskilaboðum eða sem

skjávara, og hreyfimyndir sem hægt er að nota sem skjávara. Ef myndin er of

stór til að hægt sé að nota hana í myndskilaboðum eða sem skjávara skaltu færa kassann yfir myndinni á svæðið sem á að vista og ýta á Velja.

Útlitsstillingar: Hægt er að skipta textanum sjálfkrafa á milli lína og fela

myndir á WAP-síðunni. Sjá einnig bls. 56.

Bókamerki: Hægt er að vinna með bókamerki, til dæmis vista WAP-síðuna sem

verið er að skoða sem bókamerki. Sjá bls. 56.

Þjónustuinnhólf: Sýnir lista yfir þjónustuboð, sjá Þjónustuinnhólf á bls. 57. Nota númer: Afritar númer af WAP-síðunni til að vista eða hringja í og lýkur

símtalinu.

Opna veffang: Hægt er að tengjast við WAP-síðu. Sláðu inn veffang WAP-

síðunnar (ýttu á 1 fyrir punkt) og veldu Í lagi.

Tæma skyndim.: Tæmir skyndiminni símans (sjá einnig bls. 58). Öryggisuppl.: Sýnir hvort tengingin sé örugg. Hætta: Lýkur vefskoðun og slítur símtalinu.

WAP-tenging rofin

Þegar WAP-þjónusta er notuð velurðu Valkostir > Hætta. Þegar Hætta vafri? birtist velurðu Já.

Síminn slítur símtalinu og lokar WAP-tengingunni.

Útlitsstillingar fyrir WAP-síður

1. Þegar engin WAP-tenging er virk

• Veldu Valmynd (í biðstöðu) > Þjónusta, Stillingar og Útlitsstillingar.

Þegar WAP-tenging er virk

• Veldu Valkostir > Útlitsstillingar.

2. Veldu Línuskiptingar eða Sýna myndir.

3. Veldu Kveikt eða Slökkt fyrir Línuskiptingar og Já eða Nei fyrir Sýna myndir. Þegar Línuskiptingar eru stilltar á Kveikt heldur textinn áfram í næstu línu ef

hann kemst ekki fyrir í einni línu. Þegar Sýna myndir er stillt á Nei eru myndir á WAP-síðunni ekki birtar. Það

getur flýtt fyrir vafri á WAP-síðum þar sem mikið er af myndum.

Bókamerki vistuð og þeim breytt

1. Þegar engin WAP-tenging er virk

• Veldu Valmynd (í biðstöðu) > Þjónusta > Bókamerki.

Þegar WAP-tenging er virk

• Veldu Valkostir > Bókamerki.

2. Skrunaðu að bókamerki og veldu Valkostir. Ef þú vilt vista nýtt bókamerki geturðu valið hvaða bókamerki sem er.

3. Veldu Opna, Breyta, Eyða, Senda bókam. eða Vista bókam. eða Vista bókam. (í boði þegar WAP-tenging er virk).

• Veldu Opna til að opna WAP-síðuna sem bókamerkið vísar í.

• Veldu Senda bókam. til að senda bókamerkið í samhæfan síma.

• Veldu Vista bókam. til að slá inn og vista bókamerki eða Vista bókam. til að

vista WAP-síðuna sem verið er að skoða sem bókamerki.

Í símanum gætu þegar verið bókamerki sem vísa í vefsvæði sem tengjast ekki Nokia. Nokia hvorki ábyrgist né hvetur til notkunar þessara vefsvæða. Ef þú ákveður að skoða þær ættir þú að viðhafa sömu varúðarráðstafanir með tilliti til öryggis og efnis og þú myndir viðhafa þegar þú opnar aðrar síður.

Þjónustuinnhólf

Síminn getur móttekið þjónustuboð (auglýsingar) frá þjónustuveitunni. Þessi skilaboð geta til dæmis innihaldið lista yfir fréttafyrirsagnir og veffang WAPþjónustunnar þar sem hægt er að skoða fréttirnar.

Síminn stilltur til að taka á móti þjónustuboðum

Veldu Valmynd (í biðstöðu) > Þjónusta, Stillingar, Stillingar þjónustuinnhólfs,

Þjónustuskilaboð eða Kveikt.

Móttekin þjónustuboð skoðuð

1. Þegar engin WAP-tenging er virk Þegar þjónustuboð berast birtist 1 þjónustuskilaboð móttekin á skjánum. Til að

skoða skilaboðin strax velurðu Skoða. Til að skoða skilaboðin síðar velurðu Hætta. Þegar þú vilt skoða skilaboðin

velurðu Valmynd (í biðstöðu) > Þjónusta > Þjónustuinnhólf.

Þegar WAP-tenging er virk

Veldu Valkostir > Þjónustuinnhólf.

2. Skrunaðu að viðkomandi skilaboðum, ýttu á Valkostir og veldu Sækja,

Upplýsingar eða Eyða.

• Veldu Sækja til að hlaða niður efninu sem þjónustuboðin vísa í.

Skyndiminnið tæmt

Til athugunar: Upplýsingarnar eða þjónustan sem aðgangur fékkst að eru vistaðar

í skyndiminni símans. Skyndiminnið er biðminni sem er notað til að vista gögn til skamms tíma. Ef reynt hefur verið að fá aðgang að eða aðgangur fenginn að trúnaðarupplýsingum sem þarf lykilorð fyrir (til dæmis bankareikningsnúmer) skal tæma skyndiminnið í símanum eftir að það er notað.

Til að tæma skyndiminnið:

• Þegar engin WAP-tenging er virk: Veldu Valmynd > Þjónusta > Tæma

skyndim..

• Þegar WAP-tenging er virk: Veldu Valkostir > Tæma skyndim..

Heimildavottorð

Heimildavottorð þarf til að geta notað tiltekna WAP-þjónustu, til dæmis bankaþjónustu. Með því að nota vottorðið getur þú aukið öryggi tenginga á milli símans og WAP-gáttar eða WAP-miðlara, ef valkosturinn Öryggi tengingar er stilltur á Kveikt.

Hægt er að hlaða vottorðinu niður af WAP-síðu ef WAP-þjónustan styður notkun öryggisvottorða. Eftir að vottorðið er sótt er hægt að skoða það, vista eða eyða því. Ef það er vistað er því bætt á listann yfir vottorð í símanum.

Þú getur ekki verið viss um að WAP-gátt eða WAP-þjónn sé ekki að villa á sér heimildir fyrr en borin hafa verið kennsl á hann með því að bera hann saman við samsvarandi vottorð í símanum.

Tilkynning birtist á skjá símans ef ekki er hægt að sannprófa kenni WAP-þjóns eða WAP-gáttar, ef vottorð þjónsins eða gáttarinnar eru ekki sannvottuð eða ef rangt heimildarvottorð er í símanum.

Til að skoða listann yfir öryggisvottorð:

Veldu Þjónusta > Stillingar > Heimildavottorð.

Öryggistákn

Ef öryggistáknið birtist meðan WAP-tenging er virk, er gagnaflutningurinn milli símans og WAP-gáttarinnar eða WAP-þjónsins, auðkenndur með stillingu IP-

tala í Tengistillingar, dulkóðaður og öruggur.

Öryggistáknið gefur þó ekki til kynna að gagnaflutningurinn á milli gáttarinnar og efnismiðlarans (staðurinn þar sem umbeðin gögn eru geymd) sé öruggur. Það er undir þjónustuveitunni komið tryggja öryggi gagnaflutningsins milli gáttarinnar og efnismiðlarans.

5. Upplýsingar um rafhlöðu

■ Hleðsla og afhleðsla

Tækið gengur fyrir rafhlöðu sem hægt er að endurhlaða. Rafhlaða nær ekki fullum afköstum fyrr en hún hefur verið hlaðin og afhlaðin tvisvar til þrisvar sinnum. Hægt er að hlaða og afhlaða rafhlöðu nokkur hundruð sinnum en að því kemur að hún gengur úr sér. Þegar talog biðtími er orðinn mun styttri en eðlilegt er skal kaupa nýja rafhlöðu. Aðeins má nota rafhlöður sem samþykktar eru af Nokia og aðeins má endurhlaða rafhlöðu með hleðslutækjum sem Nokia hefur samþykkt til notkunar með þessu tæki.

Taka skal hleðslutækið úr sambandi við rafmagnsinnstungu og tækið þegar það er ekki í notkun. Ekki skal láta rafhlöðuna vera of lengi tengda hleðslutækinu. Ofhleðsla getur minnkað endingu rafhlöðunnar. Fullhlaðin rafhlaða tapar hleðslunni smátt og smátt ef hún er ekki í notkun. Sveiflur í hitastigi geta haft áhrif á hleðslugetu rafhlöðunnar.

Aðeins má nota rafhlöðuna til þess sem hún er ætluð. Aldrei skal nota skemmt hleðslutæki eða rafhlöðu.

Gæta skal þess að valda ekki skammhlaupi í rafhlöðunni. Skammhlaup getur orðið fyrir slysni þegar málmhlutur, svo sem mynt, bréfaklemma eða penni veldur beinni tengingu milli + og skautanna á rafhlöðunni. (Þau líta út eins og málmrendur á rafhlöðunni.) Til dæmis getur þetta gerst þegar vararafhlaða er höfð í vasa eða tösku. Skammhlaup milli skautanna getur valdið skemmdum á rafhlöðunni eða hlutnum sem veldur tengingunni.

Ef rafhlaðan er skilin eftir í miklum hitum eða kuldum, til dæmis í lokuðum bíl að sumar- eða vetrarlagi, dregur það úr afkastagetu hennar og endingu. Æskilegast er að rafhlaðan sé alltaf höfð í hita á bilinu frá 15°C til 25°C (frá 59°F til 77°F). Tæki með of heitri eða of kaldri rafhlöðu getur orðið óvirkt um tíma, þó svo að rafhlaðan sé fullhlaðin. Einkum hefur mikið frost áhrif á rafhlöður.

Ekki má fleygja rafhlöðum í eld! Farga skal rafhlöðum í samræmi við staðbundnar reglugerðir. Skila skal þeim í endurvinnslu þegar mögulegt er. Ekki má fleygja þeim með heimilisúrgangi.

Umhirða og viðhald

Í tækinu fer saman frábær hönnun og flókin tækni sem fara þarf gætilega með. Eftirfarandi leiðbeiningar hjálpa til við að halda tækinu í ábyrgð.

• Geyma skal símann og alla fylgihluti hans þar sem börn ná ekki til.

• Halda skal símanum þurrum. Úrkoma, raki og hvers kyns vökvar geta innihaldið steinefni sem tæra rafrásirnar.

• Ekki skal nota tækið á rykugum og óhreinum stöðum né geyma það þar. Færanlegir hlutir og rafrænir íhlutir í því geta skemmst.

• Ekki má geyma tækið á heitum stað. Hátt hitastig getur dregið úr endingu rafeindatækja, skemmt rafhlöður og undið eða brætt sum plastefni.

• Ekki má geyma tækið á köldum stað. Þegar tækið hitnar upp að eðlilegu hitastigi getur raki myndast innan í því og hann getur skemmt rafrásaspjöld.

• Ekki skal reyna að opna símann öðruvísi en tilgreint er í þessari handbók.

• Tækinu má ekki henda, ekki má banka í það eða hrista það. Óvarleg meðferð getur skemmt innri rafrásarspjöld og fíngerðan búnað.

• Ekki má nota sterk efni, leysiefni til hreingerninga eða sterk hreinsiefni til þess að þrífa tækið.

• Ekki má mála tækið. Málningin getur fest hreyfanlega hluti tækisins og komið í veg fyrir að þeir vinni rétt.

• Nota skal mjúkan, hreinan, þurran klút til að hreinsa linsur (svo sem myndavélar-, fjarlægðarnema- og ljósnemalinsur).

• Aðeins má nota loftnetið sem fylgir með símanum eða samþykkt varaloftnet. Ósamþykkt loftnet, breytingar á þeim eða viðbætur, gætu skemmt tækið og kunna að brjóta í bága við ákvæði laga um senditæki.

Allar ofangreindar ábendingar eiga jafnt við símann, rafhlöðuna, hleðslutækið eða aðra aukahluti. Ef einhver þessara hluta vinnur ekki rétt skal leita til næsta viðurkennda þjónustuaðila og starfsfólk þar aðstoðar og sér um viðgerð ef þörf krefur.

Viðbótaröryggisupplýsingar

■ Umferðaröryggi

Ekki má nota handsíma við akstur ökutækis. Alltaf skal festa símann í þar til gert hald, ekki má leggja símann í farþegasæti eða þar sem hann getur kastast til við árekstur eða skyndilega stöðvun.

Hafa ber í huga að umferðaröryggi gengur fyrir!

■ Vinnuumhverfi

Hafa ber í huga að farið sé að öllum sérstökum reglugerðum sem gilda á hverju svæði og að slökkva alltaf á tækinu þar sem notkun þess er bönnuð, eða þar sem hún kann að valda truflun eða hættu. Tækið notist aðeins í hefðbundinni stöðu. Svo að farið sé að leiðbeiningum um leyfileg mörk útvarpsbylgna skal aðeins nota aukahluti sem Nokia viðurkennir með þessu tæki. Þegar kveikt er á tækinu og það borið á líkamanum skal ávallt nota hulstur eða hald sem viðurkennt er af Nokia.

Hlutar tækisins eru segulmagnaðir. Málmefni geta dregist að tækinu og fólk með heyrnartæki ætti ekki að halda tækinu upp að eyranu með heyrnartækinu. Alltaf skal festa tækið í haldinu því málmefni gætu dregist að heyrnartólinu. Ekki má geyma kreditkort eða aðra segulmagnaða hluti með geymsluminni nálægt tækinu því upplýsingar sem þar eru geymdar gætu þurrkast út.

■ Lækningatæki

Notkun búnaðar sem sendir frá sér útvarpsbylgjur, þar með talin notkun þráðlausra síma, kann að trufla virkni lækningatækja sem ekki eru nægilega vel varin. Hafa skal samband við lækni eða framleiðanda lækningatækisins til þess að komast að því hvort það sé nægilega vel

varið fyrir utanaðkomandi útvarpsbylgjum eða til að afla nánari upplýsinga. Slökkva skal á tækinu í námunda við heilsugæslustöðvar ef auglýstar reglugerðir þess efnis kveða á um að það sé gert. Sjúkrastofnanir eða heilsugæslustöðvar kunna að nota búnað sem getur verið næmur fyrir utanaðkomandi útvarpsbylgjum.

Gangráðar

Framleiðendur gangráða mæla með því að 15,3 sm (6 tommu) lágmarksbil sé haft á milli þráðlauss síma og gangráðs til þess að komist sé hjá hugsanlegri truflun í gangráðinum. Þessi tilmæli eru í samræmi við sjálfstæða rannsókn og tilmæli frá Wireless Technology Research. Notendur gangráða:

• skyldu alltaf halda tækinu í meira en 15,3 sm (6 tommu) fjarlægð frá gangráðinum þegar kveikt er á tækinu;

• skyldu ekki bera tækið í brjóstvasa; og

• skyldu hafa tækið við eyrað sem er fjær gangráðinum til að draga úr líkum á truflunum.

Ef grunur leikur á að truflun sé að verða skal slökkva á tækinu tafarlaust.

Heyrnartæki

Tiltekin stafræn þráðlaus tæki geta truflað sum heyrnartæki. Ef truflun verður skal leita til þjónustuaðila.

■ Sprengifimt umhverfi

Slökkva skal á tækinu á svæðum þar sem hætta er á sprengingum og fara að öllum tilmælum sem sjást á skiltum og leiðbeiningum. Sprengifimt andrúmsloft telst vera á svæðum þar sem yfirleitt er beðið um að drepið sé á vél bifreiðar. Neistaflug á slíkum svæðum getur valdið sprengingu eða eldi og haft í för með sér slys og jafnvel dauðsföll. Slökkva skal á símanum á eldsneytisstöðvum, svo sem við eldsneytisdælur á bensínstöðvum. Virða skal takmarkanir á notkun útvarpsbúnaðar í eldsneytisgeymslum, svæðum þar sem geymsla og dreifing

eldsneytis fer fram, efnaverksmiðjum eða þar sem verið er að sprengja. Svæði þar sem sprengihætta er mikil eru oftast auðkennd en þó ekki alltaf. Þar á meðal eru svæði undir þilfari á bátum; svæði þar sem sterk efni eru geymd eða búin til flutnings; ökutæki sem nýta fljótandi svartolíugas (própan eða bútan) og svæði þar sem í lofti eru efni eða agnir, til dæmis korn, ryk eða málmduft.

■ Ökutæki

Útvarpsbylgjur kunna að hafa áhrif á rafeindakerfi í vélknúnum ökutækjum, séu þau ekki rétt upp sett eða ekki nægilega varin, svo sem rafeindastýrða eldsneytisgjöf, rafeindastýrð hemlakerfi (með læsivörn), rafeindastýrð hraðakerfi og loftpúðakerfi. Nánari upplýsingar má fá hjá framleiðanda bílsins eða búnaðarins sem bætt hefur verið við eða fulltrúa hans.

Aðeins á að fela fagmönnum að gera við tækið eða setja tækið upp í ökutæki. Gölluð uppsetning eða viðgerð kann að valda hættu og ógilda hvers kyns ábyrgð sem kann að vera á tækinu. Ganga skal reglulega úr skugga um að allur þráðlaus tækjabúnaður í ökutækinu sé rétt uppsettur og vinni rétt. Ekki má geyma eða flytja eldfima vökva, lofttegundir eða sprengifim efni í sama rými og tækið, hluta úr því eða aukahluti með því. Ef ökutæki er búið loftpúða skal hafa hugfast að loftpúðar blásast út af miklum krafti. Ekki má setja hluti, þar með talinn uppsettan eða færanlegan þráðlausan búnað, á svæðið yfir loftpúðanum eða á útþenslusvið loftpúðans. Ef þráðlaus búnaður í bíl er illa settur upp og loftpúðinn þenst út getur slíkt orsakað alvarleg meiðsl.

Notkun tækisins meðan á flugi stendur er bönnuð. Slökkva skal á tækinu áður en gengið er um borð í flugvél. Notkun þráðlausra fjarskiptatækja í flugvél getur skapað hættu við stjórn flugvélarinnar, rofið þráðlaust símasamband og verið brot á lögum.

■ Neyðarhringingar

Mikilvægt:

Þráðlausir símar, þar á meðal þetta tæki, nota útvarpsmerki, þráðlaus kerfi, kapalkerfi og notendaforritaðar aðgerðir. Því er ekki hægt að tryggja tengingar við hvaða skilyrði sem er. Því skyldi aldrei treysta eingöngu á þráðlaust tæki ef um er að ræða bráðnauðsynleg fjarskipti, t.d. í bráðatilvikum.

Neyðarhringing:

1. Ef slökkt er á tækinu skal kveikja á því. Athuga skal hvort nægilegur sendistyrkur sé fyrir hendi.

Í tilteknum símkerfum kann að vera farið fram á að gilt SIM-kort sé rétt sett í tækið.

2. Velja skal Ljúka eins oft og þarf til að hreinsa skjáinn og gera tækið tilbúið fyrir símtöl.

3. Opinbera neyðarnúmerið fyrir viðkomandi svæði er fært inn. Neyðarnúmer eru breytileg eftir stöðum.

4. Valið er Símtal.

Ef ákveðnar aðgerðir eru í notkun þarf ef til vill að gera þær óvirkar áður en neyðarhringing er möguleg. Ef tækið er með ótengdu sniði eða flugsniði þarf að skipta um snið til að gera símaaðgerðina virka áður en hægt er að hringja neyðarhringingu. Nánari upplýsingar má fá í þessari handbók eða hjá þjónustuveitunni.

Við neyðarhringingu þarf að gefa upp allar nauðsynlegar upplýsingar eins nákvæmlega og kostur er. Þráðlausa tækið getur verið eina samskiptatækið á slysstað. Ekki má slíta símtali fyrr en að fengnu leyfi til þess.

■ Upplýsingar um vottun (SAR)

ÞETTA TÆKI ER Í SAMRÆMI VIÐ ALÞJÓÐLEGAR LEIÐBEININGAR UM ÁHRIF AF ÚTVARPSBYLGJUM.

Þráðlausa tækið er útvarpssendir og móttökutæki. Það er hannað og framleitt með tilliti til leyfilegra marka um áhrif af útvarpsbylgjum (RF) sem alþjóðlegar leiðbeiningar (ICNIRP) mæla með. Þessar takmarkanir eru hluti ítarlegra leiðbeininga og eru viðmiðunarreglur um leyfileg mörk útvarpsmerkja sem almenningur getur komist í snertingu við. Þessar leiðbeiningar voru settar af sjálfstæðum vísindastofnunum með reglubundnu og ítarlegu mati á viðeigandi vísindarannsóknum. Í stöðlunum eru öryggisfrávik talsverð til að tryggja öryggi allra, burtséð frá aldri eða heilsufari.

Í staðli um útvarpsbylgjur úr þráðlausum tækjum er notuð mælieiningin SAR (Specific Absorption Rate). Efri mörk SAR samkvæmt alþjóðlegu leiðbeiningunum eru 2,0 W/kg*. Mælingar á SAR eru gerðar í hefðbundnum stöðum þegar tækið sendir af mesta leyfða styrk á öllum mældum tíðnisviðum. Þó að magn SAR sé mælt á hæsta sendistyrk getur SARstyrkur tækisins í notkun verið mun lægri en hámarksgildið. Það er vegna þess að tækið er hannað til að vinna á mörgum styrkstigum en notar hverju sinni aðeins þann styrk sem til þarf til að ná sambandi við símkerfið. Almennt gildir að því nær sem notandinn er grunnstöð, þeim mun minni styrk notar tækið.

Hæstu mörk SAR fyrir þetta tæki þegar þau voru mæld við notkun við eyrað eru 0,67 W/kg. Þetta tæki uppfyllir skilyrði um leyfileg mörk útvarpsbylgna (RF) við notkun annaðhvort í

hefðbundinni stöðu við eyrað eða þegar það er haft að minnsta kosti 1,5 sm frá líkamanum. Ef taska, beltisklemma eða hald er notað þegar tækið er borið á líkamanum við notkun ætti slíkur búnaður ekki að innihalda málm og halda ætti tækinu að minnsta kosti 1,5 sm frá líkamanum.

Svo að hægt sé að senda gagnaskrár eða boð þarf þetta tæki góða tengingu við símkerfið. Í sumum tilvikum getur sending gagna eða boða tafist þar til slík tenging er tiltæk. Tryggja skal að ofangreindum fjarlægðarfyrirmælum sé fylgt þar til sendingu er lokið.

*Efri mörk SAR fyrir almenna notkun þráðlausra tækja eru 2,0 wött/kílógramm (W/kg) að meðaltali á hver 10 grömm af líkamsvefjum. Í leiðbeiningunum eru talsverð öryggisfrávik til að auka vernd almennings og taka tillit til frávika í mælingum. SAR-gildi kunna að vera breytileg milli landa sökum mismunandi upplýsingaskyldu og tíðnisviðs. Upplýsingar um SAR í öðrum löndum má finna í upplýsingum um vörur á www.nokia.com.

Nokia 1101 User's Guide [is]

Specifications and Main Features

Frequently Asked Questions

User Manual

Efnisyfirlit

ÖRYGGISATRIÐI

Almennar upplýsingar

■ Límmiðar í sölupakkningu

■ Aðgangslyklar

1. Fyrstu skrefin

■ SIM-kort sett í

■ Rafhlaðan hlaðin

■ Hefðbundin notkunarstaða

■ Takkar og tengi

■ Skjár og biðstaða

■ Skipt um hliðar

■ Úlnliðsbandi komið fyrir

■ Vasaljós

2. Símtöl

■ Hringt

Hringt með því að nota símaskrána

Símafundi komið á

Endurval

Hraðval

■ Hringingu svarað

■ Aðgerðir meðan á símtali stendur

■ Hlustað á skilaboð í talhólfi

■ Tökkum læst

3. Texti skrifaður

■ Flýtiritun gerð virk eða óvirk

■ Texti skrifaður með flýtiritun

Samsett orð skrifuð

■ Texti skrifaður með hefðbundnum innslætti

4. Valmyndaraðgerðir

■ Skilaboð (valmynd 01)

Skilaboð skrifuð

Textaboð lesin (innhólf)

Sendir hlutir

Uppköst

Spjall

Myndsendingar

Nafnalistar

Skjalasnið

Broskarlar

Eyða skilaboðum

Skilaboðastillingar

Upplýsingaþjónusta

Númer talhólfs

Þjónustuskipanir

■ Tengiliðir (valmynd 2)

Leitað að nafni og símanúmeri

Stillingar fyrir tengiliði

■ Símtalaskrá (valmynd 3)

Listar yfir nýleg símtöl

Teljarar

■ Tónar (valmynd 4)

■ Snið (valmynd 5)

■ Stillingar (valmynd 6)

Tímastillingar

Símtalsstillingar

Símastillingar

Stillingar aukahluta

Stillingar fyrir takkavara

Öryggisstillingar

Velja upphafsstillingar

■ Vekjaraklukka (valmynd 7)

■ Áminningar (valmynd 8)

■ Leikir (valmynd 9)

■ Aukakostir (valmynd 10)

Reiknivél

Skeiðklukka

Niðurteljari

Tónsmiður

Skjávari

Vasaljós

■ SIM-þjónusta (valmynd 11)

■ WAP-þjónusta (Þjónusta - valmynd 12)

Grundvallaratriði í notkun WAP-þjónustu

Síminn settur upp fyrir WAP-þjónustu

Tengingu við WAP-þjónustu komið á