Nokia 1110 User's Guide [is]

Nokia 1110 Notendahandbók

9240160

3. útgáfa

LEYFISYFIRLÝSING Við, NOKIA CORPORATION, lýsum því yfir og ábyrgjumst að framleiðsluvaran RH-70 er í samræmi við eftirfarandi samþykkt: 1999/5/EC.

Eintak af yfirlýsingu um samkvæmni er að finna á slóðinni http://www.nokia.com/phones/declaration_of_conformity/.

Merkið, sem sýnir yfirstrikaða ruslafötu, merkir að innan Evrópusambandsins verði að fara með vöruna á sérstaka staði til förgunar að líftíma hennar liðnum. Þetta á við um tækið þitt en einnig um þá aukahluti sem merktir eru með þessu merki. Hendið þessum vörum ekki með heimilisúrgangi.

Hvers konar afritun, yfirfærsla, dreifing eða varðveisla á hluta skjals þessa eða skjalsins alls er óheimil nema að fyrir fram fengnu skriflegu samþykki Nokia.

Nokia, Nokia Connecting People og Xpress-on eru vörumerki eða skrásett vörumerki Nokia Corporation. Önnur vöruheiti eða heiti fyrirtækja sem nefnd eru hér geta verið vörumerki eða vöruheiti viðkomandi eigenda.

Nokia tune er vörumerki Nokia Corporation.

Nokia framfylgir stefnu sem felur í sér stöðuga þróun. Nokia áskilur sér rétt til að gera breytingar og úrbætur á hvers konar vöru sem getið er í þessu skjali án undangenginnar tilkynningar.

Nokia ber undir engum kringumstæðum ábyrgð á tapi gagna eða tekjutapi og ekki á beinu eða óbeinu tjóni, þar á meðal útlögðum kostnaði, tekjutapi eða missi ágóða, af hvaða orsökum sem tjón kann að vera.

Inntak þessa skjals er afhent „eins og það kemur fyrir“. Umfram það, er lög áskilja, er engin ábyrgð veitt, hvorki berum orðum eða undirskilin, á nákvæmni, áreiðanleika eða inntaki þessa skjals, á það meðal annars, en ekki eingöngu, við um söluhæfni eða ábyrgð á að varan henti tiltekinni notkun. Nokia áskilur sér rétt til að endurskoða skjalið eða draga það tilbaka hvenær sem er án undangenginnar tilkynningar.

Birgðir á tilteknum vörum geta verið breytilegar eftir svæðum. Vinsamlegast kannaðu málið hjá næsta söluaðila Nokia.

TÆKI ÞETTA KANN AÐ INNIHALDA VÖRUR, TÆKNI EÐA HUGBÚNAÐ SEM LÝTUR ÚTFLUTNINGSLÖGUM OG REGLUGERÐUM Í BANDARÍKJUNUM OG ÖÐRUM LÖNDUM. BREYTINGAR Á FLUTNINGSLEIÐUM SEM EKKI SAMRÆMAST LÖGUM ERU ÓHEIMILAR.

9240160/3. útgáfa

Efnisyfirlit

Öryggisatriði ......................................................................................................................................... 6

Almennar upplýsingar .......................................................................................................................... 9

Aðgangsnúmer ........................................................................................................................................................................................ 9

Samnýtt minni......................................................................................................................................................................................... 9

1. Síminn tekinn í notkun.................................................................................................................. 10

Hvernig hefjast skal handa............................................................................................................................................................... 10

SIM-kort og rafhlaða sett í símann ............................................................................................................................................... 10

Rafhlaðan hlaðin................................................................................................................................................................................. 11

Kveikt og slökkt á símanum.............................................................................................................................................................. 12

Kynningarhamur .................................................................................................................................................................................. 12

Flýtivísar í biðham............................................................................................................................................................................... 12

Takkaborðinu læst............................................................................................................................................................................... 13

2. Hringiaðgerðir................................................................................................................................. 14

Hringt og svarað.................................................................................................................................................................................. 14

Hátalari................................................................................................................................................................................................... 14

3. Texti skrifaður................................................................................................................................. 15

4. Valmyndaraðgerðir ......................................................................................................................... 16

Skilaboð.................................................................................................................................................................................................. 16

Tengiliðir ................................................................................................................................................................................................ 17

Símtalaskrá............................................................................................................................................................................................ 18

Stillingar................................................................................................................................................................................................. 19

Klukka ..................................................................................................................................................................................................... 21

Áminningar............................................................................................................................................................................................ 22

Aukakostir.............................................................................................................................................................................................. 22

SIM-þjónusta........................................................................................................................................................................................ 23

5. Upplýsingar um rafhlöðu ............................................................................................................... 24

Hleðsla og afhleðsla ........................................................................................................................................................................... 24

Leiðbeiningar um sannprófun á rafhlöðum frá Nokia .............................................................................................................. 25

6. Aukahlutir ....................................................................................................................................... 27

Umhirða og viðhald............................................................................................................................ 28

Viðbótaröryggisupplýsingar ............................................................................................................... 29

Öryggisatriði

Lesið þessar einföldu leiðbeiningar. Sé þeim ekki fylgt getur það verið hættulegt eða varðað við lög. Lesa skal alla notendahandbókina til að fá nánari upplýsingar.

ÖRYGGI ÞEGAR KVEIKT ER Á TÆKINU

Ekki kveikja á símanum þar sem notkun þráðlausra síma er bönnuð eða þar sem hún kann að valda truflunum eða hættu.

UMFERÐARÖRYGGI GENGUR FYRIR

Fara skal að öllum staðbundnum lögum. Ætíð skal hafa hendur frjálsar til að stýra ökutækinu við akstur. Umferðaröryggi skal ganga fyrir í akstri.

TRUFLUN

Allir þráðlausir símar geta verið næmir fyrir truflunum, sem getur haft áhrif á virkni þeirra.

SLÖKKT SKAL Á SÍMANUM Á SJÚKRASTOFNUNUM

Virða skal allar takmarkanir. Slökkva skal á símanum nálægt lækningabúnaði.

HAFA SKAL SLÖKKT Á SÍMANUM Í FLUGVÉLUM

Virða skal allar takmarkanir. Þráðlaus tæki geta valdið truflunum í flugvélum.

SLÖKKT SKAL Á SÍMANUM ÁÐUR EN ELDSNEYTI ER TEKIÐ

Ekki nota símann nærri eldsneytisdælu. Notist ekki í námunda við eldsneyti eða sterk efni.

SLÖKKVA SKAL Á SÍMANUM ÞAR SEM VERIÐ ER AÐ SPRENGJA

Virða skal allar takmarkanir. Ekki nota símann þar sem verið er að sprengja.

NOTIST AF SKYNSEMI

Notist aðeins í hefðbundinni stöðu eins og lýst er í leiðbeiningum með vörunni. Forðast skal óþarfa snertingu við loftnetið.

VIÐURKENND ÞJÓNUSTA

Aðeins viðurkennt starfsfólk má setja upp eða gera við þessa vöru.

AUKAHLUTIR OG RAFHLÖÐUR

Aðeins má nota samþykkta aukahluti og rafhlöður. Ekki má tengja saman ósamhæf tæki.

VATNSHELDNI

Símtækið er ekki vatnshelt. Halda skal því þurru.

ÖRYGGISAFRIT

Muna skal að taka öryggisafrit eða halda skrá yfir allar mikilvægar upplýsingar sem geymdar eru í símanum.

TENGING VIÐ ÖNNUR TÆKI

Þegar tækið er tengt öðru tæki skal lesa notendahandbók með því vandlega, einkum upplýsingar um öryggi. Ekki má tengja saman ósamhæf tæki.

NEYÐARSÍMTÖL

Tryggja skal að kveikt sé á símanum og hann sé virkur. Styðja skal á hætta-takkann eins oft og þarf til að hreinsa skjáinn og fara aftur í upphafsskjáinn. Neyðarnúmerið er valið og svo er stutt á hringitakkann. Gefa skal upp staðarákvörðun. Ekki má slíta símtali fyrr en að fengnu leyfi til þess.

■ Um tækið

Þráðlausa tækið sem lýst er í handbókinni er samþykkt til notkunar í EGSM 900 og GSM 1800 símkerfunum. Þjónustuveitan gefur nánari upplýsingar um símkerfi.

Hlíta skal öllum lögum og virða einkalíf og lögbundin réttindi annarra við alla notkun þessa tækis.

Viðvörun: Við notkun allra aðgerða í þessu tæki, annarra en vekjara, þarf að vera kveikt á tækinu. Ekki skal kveikja á tækinu þegar notkun þráðlausra tækja getur valdið truflun eða hættu.

■ Sérþjónusta

Ef nota á símann verður áskrift að þjónustuveitu fyrir þráðlausa síma að vera fyrir hendi. Margar aðgerðir í þessu tæki eru háðar því að aðgerðir í þráðlausa símkerfinu virki. Þessi sérþjónusta er hugsanlega ekki fyrir hendi í öllum símkerfum eða þörf getur verið á sérstökum ráðstöfunum hjá þjónustuveitunni áður en hægt er að nota sérþjónustu. Þjónustuveitan getur þurft að gefa viðbótarfyrirmæli um notkun og útskýra hvaða gjöld eiga við. Sum símkerfi geta verið með takmörkunum sem hafa áhrif á hvernig hægt er að nota sérþjónustu. Sum símkerfi styðja t.d. ekki alla séríslenska bókstafi og þjónustu.

Þjónustuveitan kann að hafa beðið um að tilteknar aðgerðir væru hafðar óvirkar eða ekki gerðar virkar í tækinu. Ef svo er birtast þær ekki í valmynd tækisins. Tækinu kann einnig að hafa verið sérstaklega samskipað. Þessi samskipan kann að fela í sér breytingar á valmyndarheitum, röð valmynda og táknum. Þjónustuveitan gefur nánari upplýsingar.

■ Hleðslutæki og aukahlutir

Alltaf skal slökkva á tækinu og aftengja hleðslutækið áður en rafhlaðan er fjarlægð. Athuga ber tegundarnúmer hleðslutækja áður en þau eru notuð með þessu tæki. Þetta tæki er ætlað til notkunar með ACP-7

og ACP-12 hleðslutækjum.

Viðvörun: Aðeins skal nota rafhlöður, hleðslutæki og aukahluti sem Nokia hefur samþykkt til nota með þessari tilteknu tegund. Ef notaðar eru aðrar gerðir gæti öll ábyrgð og samþykki fallið niður og slíkri notkun getur fylgt hætta.

Seljandi símans veitir upplýsingar um fáanlega aukahluti sem samþykktir eru til notkunar.

Almennar upplýsingar

■ Aðgangsnúmer

• Öryggisnúmerinu, sem fylgir með símanum, er ætlað að hindra að síminn sé notaður í leyfisleysi. Forstillta númerið er 12345.

• PIN-númerinu, sem fylgir með símanum, er ætlað að hindra að kort símans sé notað í leyfisleysi.

• PIN2—númerið, sem fylgir sumum símum, er nauðsynlegt til að komast í tiltekna þjónustu.

• PUK- og PUK2-númer kunna að fylgja SIM-kortinu. Ef þú slærð inn rangt PIN- eða PIN2-númer þrisvar sinnum í röð þarftu að slá inn PUK- eða PUK2-númerið. Ef þau fylgja ekki SIM-kortinu skaltu hafa samband við þjónustuveituna.

Veldu Valm. > Stillingar > Öryggisstillingar til að velja hvernig síminn notar aðgangsnúmerin og öryggisstillingarnar.

■ Samnýtt minni

Eftirfarandi aðgerðir í þessu tæki geta samnýtt minni: Skilaboð, Tengiliðir og Tónsmiður. Notkun einnar eða fleiri þessara aðgerða getur minnkað tiltækt minni fyrir aðrar aðgerðir sem samnýta minni. Til dæmis getur vistun margra textaskilaboða notað allt tiltækt minni. Tækið getur birt boð um að minnið sé fullt þegar reynt er að nota aðgerð sem notar samnýtt minni. Þá skal eyða einhverjum upplýsingum eða færslum sem eru geymdar í aðgerðunum sem samnýta minni áður en haldið er áfram. Sumar aðgerðir, svo sem Tengiliðir, geta fengið tiltekið magn af minni úthlutað í viðbót við minni sem er samnýtt með öðrum aðgerðum.

1. Síminn tekinn í notkun

■ Hvernig hefjast skal handa

Þegar síminn er tilbúinn til notkunar og engir stafir hafa verið slegnir inn er hann í biðham.

• Merkisstyrkur símkerfis (1)

• Hleðslustig rafhlöðu (2)

• Valtakka-aðgerðir (3)

•Valtakkar(4)

• Skruntakkar (5)

• Hringitakki (6)

• Hætta-takki og rofi (7)

• Takkaborð (8)

■ SIM-kort og rafhlaða sett í símann

Öll SIM-kort skal geyma þar sem lítil börn ná ekki til. Upplýsingar um framboð og notkun SIM-korta má fá hjá seljanda SIM-kortsins. Þetta getur verið þjónustuveitan,

símafyrirtækið eða annar söluaðili.

Þessi sími er ætlaður til notkunar með BL-5C eða BL-5CA rafhlöðu.

1. Styddu á takkann sem opnar bakhliðina (1), opnaðu bakhliðina og fjarlægðu hana (2, 3). Lyftu rafhlöðunni úr stöðu sinni og fjarlægðu hana (4).

2. Lyftu SIM-kortsfestingunni varlega úr stöðu sinni (5). Settu SIM-kortið í símann. Gakktu úr skugga um að skáhorn þess snúi upp og til hægri og að gyllti flötur þess snúi niður (6). Lokaðu SIM-kortsfestingunni (7) og styddu á hana til að læsa henni. Settu rafhlöðuna í símann (8, 9).

■ Rafhlaðan hlaðin

1. Stingdu hleðslutækinu í rafmagnsinnstungu.

2. Stingdu klónni úr hleðslutækinu í tengilinn neðst á símanum. Þá byrjar hleðsluvísirinn að hreyfast.

Ef textinn Hleður sig ekki birtist skaltu bíða í stutta stund, aftengja hleðslutækið og stinga því aftur í samband. Ef síminn byrjar ekki að hlaða sig í það skiptið skaltu hafa samband við söluaðilann.

3. Þegar rafhlaðan er fullhlaðin hættir hleðsluvísirinn að hreyfast. Taktu þá hleðslutækið úr sambandi við símann og innstunguna.

■ Kveikt og slökkt á símanum

Styddu á hætta-takkann og haltu honum inni í nokkrar sekúndur. Notaðu aðeins símann í hefðbundinni stöðu.

Í tækinu er innbyggt loftnet.

Til athugunar: Forðast skal óþarfa snertingu við loftnetið þegar kveikt er á tækinu eins og gildir um öll önnur tæki sem senda frá sér útvarpsbylgjur. Snerting við loftnetið hefur áhrif á móttökuskilyrði og getur valdið því að tækið noti meiri sendiorku en nauðsynlegt er. Ef forðast er að snerta loftnetssvæðið þegar tækið er notað verður virkni loftnetsins og líftími rafhlöðunnar líkt og best verður á kosið.

Til athugunar: Forðast skal að snerta tengið þar sem það er viðkvæmt fyrir afhleðslu á stöðurafmagni.

■ Kynningarhamur

Hægt er að sjá hvernig nota á tilteknar aðgerðir símans. Ef ekki er SIM-kort í símanum skaltu velja Sýning >

Grunnaðgerðir, Meira eða Leikir.

Ef SIM-kortið er í símanum skaltu velja Valm. > Aukakostir > Sýnikennsla > Grunnaðgerðir eða Meira.

■ Flýtivísar í biðham

Skrunaðu upp til að opna Símtalaskrá. Skrunaðu niður til að fá upp nöfn og númer sem vistuð eru í Tengiliðir. Skrunaðu til vinstri til að rita skilaboð. Skrunaðu til hægri til að opna kynningarham. Styddu á * og haltu henni niðri til að gera talklukku virka.

Styddu einu sinni á hringitakka til að fá upp lista yfir númer sem hringt hefur verið í. Skrunaðu að nafninu eða númerinu sem þú vilt velja og styddu á hringitakkann til að hringja í það.

■ Takkaborðinu læst

Til að læsa takkaborðinu til að hindra að stutt sé óvart á takkana í biðham skaltu velja Valm. og styðja snöggt á *; til að taka það úr lás skaltu velja Úr lás og styðja snöggt á *.

Þegar takkalásinn er á kann að vera hægt að hringja í opinbera neyðarnúmerið sem er forritað í tækið.

Færðu inn neyðarnúmerið og styddu svo á hringitakkann. Neyðarnúmerið sem fært var inn birtist kannski ekki á skjánum.

2. Hringiaðgerðir

■ Hringt og svarað

Gera skal eftirfarandi þegar hringt er:

1. Færðu inn símanúmerið ásamt svæðisnúmerinu ef nauðsyn krefur. Færa skal inn landsnúmer ef nauðsyn krefur.

2. Styddu á hringitakkann til að hringja í númerið. Skrunaðu til hægri til að auka hljóðstyrk heyrnar- eða höfuðtólsins meðan á símtali stendur eða til vinstri til að minnka hann.

Til að svara innhringingu skaltu styðja á hringitakkann. Styddu á hætta-takkann til að hafna símtali án þess að svara.

■ Hátalari

Hægt er að velja Hátalari eða Símtól til að nota hátalara eða heyrnartól símans meðan talað er í hann, sé um slíkt að ræða.

Viðvörun: Ekki skal halda tækinu nálægt eyranu þegar hátalarinn er notaður því hljóðstyrkur getur verið mjög mikill.

3. Texti skrifaður

Hægt er að slá inn texta á tvo vegu: Með hefðbundinni textaritun sem gefin er til kynna með eða með flýtiritun(innbyggðri orðabók sem gefin er til kynna með .

Með hefðbundinni textaritun skaltu styðja endurtekið á takkann sem er merktur með þeim staf sem þú vilt fá fram þar til stafurinn birtist.

Til að stilla á flýtiritun þegar texti er sleginn inn skaltu velja Valkost. > Orðabók og viðkomandi tungumál; til að slökkva á henni skaltu velja Valkost. > Orðabók óvirk.

Nota skal flýtiritun á eftirfarandi hátt:

1. Til að slá inn orð skaltu styðja aðeins einu sinni á hvern takka fyrir hvern staf.

2. Ef orðið sem birtist er það orð sem þú ætlaðir að skrifa skaltu styðja á 0 og byrja að skrifa næsta orð. Til að velja annað orð skaltu styðja endurtekið á * þar til orðið sem þú vilt fá fram birtist. Ef ? birtist fyrir aftan orðið er það ekki að finna í orðabókinni. Orðinu er bætt inn í orðabókina með því að

velja Stafa, slá inn orðið (með hefðbundinni textaritun) og velja Í lagi.

Ábendingar um ritun texta með hefðbundinni ritun og með flýtiritun:

• Styddu á 0 til að setja inn bil.

• Til að skipta á fljótlegan hátt milli textaritunaraðferðanna skaltu styðja endurtekið á # og fylgjast með vísinum efst á skjánum.

• Til að setja inn tölustaf skaltu styðja á viðeigandi tölutakka og halda honum inni.

• Styddu á * til að fá upp lista yfir sértákn þegar hefðbundin ritun er notuð; styddu á * og haltu inni þegar flýtiritun er beitt.

4. Valmyndaraðgerðir

Veldu Valm. í biðham og síðan viðkomandi valmynd og undirvalmynd. Veldu Hætta eða Til baka til að fara út úr valmynd. Styddu á hætta—takkann til að fara beint í biðham.

Ekki er öllum aðgerðum valmyndar eða valkostum lýst hér.

■ Skilaboð

Skilaboðastillingar

Til að breyta skilaboðastillingum skaltu velja Valm. > Skilaboð > Skilaboðastillingar. Veldu Sendisnið > Númer skilaboðamiðstöðvar til að vista símanúmer sem þarf til að geta sent texta- og

myndboð. Númerið fæst hjá þjónustuveitunni. Veldu Leturstuðningur (sérþjónusta) til að stilla hvort kóðunin Fullur stuðn. eða Minni stuðn. er notuð þegar

textaboð eru send Veldu Skimuð númer til að skoða eða breyta lista yfir síuð númer.

Skrifa skilaboð

Tækið styður sendingu á textaboðum sem eru lengri en sem nemur lengdartakmörkunum á stökum skilaboðum. Lengri textaboð verða send í röð í tveimur eða fleiri boðum. Þjónustuveitan tekur hugsanlega gjald í samræmi við það. Stafir sem nota kommur eða önnur tákn og stafir úr sumum tungumálakostum, eins og kínversku, taka meira pláss sem takmarkar þann fjölda stafa sem hægt er að senda í einum skilaboðum.

Fjöldi tiltækra stafa og númer boða í samsettum skilaboðum sést efst til hægri á skjánum, t.d. 917/1.

1. Í biðham skaltu velja Valm. > Skilaboð > Skrifa skilaboð.

2. Skrifaðu skilaboðin.

3. Til að senda skilaboðin skaltu velja Valkost. > Senda, slá inn símanúmer móttakanda og velja Í lagi.

Til athugunar: Þegar skilaboð eru send kann Skilaboð send að birtast á skjánum. Þetta er merki um að skilaboðin hafi verið send úr tækinu í þjónustuversnúmerið sem forritað er í tækið. Þetta er ekki sönnun þess að skilaboðin hafi komist á áfangastað. Þjónustuveitan veitir nánari upplýsingar um skilaboðaþjónustu.

Textaboð lesin

Þegar þú móttekur textaboð sést fjöldi nýrra skilaboða ásamt teikninu á skjánum í biðham. Veldu Sýna til að skoða skilaboðin strax eða Hætta til að skoða þau seinna í Valm. > Skilaboð > Innhólf.

Drög og Sendir hlutir

Í valmyndinni Drög getur þú skoðað þau skilaboð sem þú vistaðir með valmyndinni Vista skilaboð. Í valmyndinni Sendir hlutir getur þú skoðað afrit af þeim skilaboðum sem þú hefur sent.

Myndskilaboð (sérþjónusta)

Þú getur móttekið og sent skilaboð sem innihalda myndir. Móttekin myndboð eru vistuð í Innhólf. Athugaðu að hver myndboð eru samsett úr nokkrum textaboðum. Þess vegna kann að vera dýrara að senda ein myndboð en ein textaboð.

Til athugunar: Myndboð er eingöngu hægt að nota ef símafyrirtækið eða þjónustuveitan styðja aðgerðina. Aðeins samhæf tæki með möguleika á myndboðum geta tekið á móti og birt myndboð. Útlit skilaboða getur verið breytilegt eftir móttökutækinu.

Eyða skilaboðum

Til að eyða öllum skilaboðum sem lesin hafa verið eða öllum skilaboðum í möppu skaltu velja Valm. >

Skilaboð > Eyða skilaboðum > Öllum lesnum eða viðkomandi möppu.

■ Tengiliðir

Hægt er að vista nöfn og símanúmer í minni símans og í minni SIM-kortsins. Í innbyggðu símaskránni er hægt að vista allt að 200 nöfn.

Leitað að nafni og símanúmeri

Skrunaðu niður í biðham og sláðu inn fyrstu stafina í nafninu. Skrunaðu að nafninu sem þú vilt velja. Þú getur einnig notað eftirfarandi valkosti í valmyndinni Tengiliðir.

Bæta við tengilið—Til að vista nöfn og símanúmer í símaskránni Eyða—Til að eyða nöfnum og símanúmerum úr símaskránni, annaðhvort öllum í einu eða einu í einu Afrita—Til að afrita nöfn og símanúmer, annaðhvort öll í einu eða eitt í einu, úr innbyggðu símaskránni yfir í

símaskrá SIM-kortsins, eða öfugt.

Stillingar fyrir tengiliði

Veldu Valm. > Tengiliðir > Stillingar og úr tiltækum valkostum:

Minni í notkun—Til að velja hvort nöfn og símanúmer eru vistuð í Sími eða SIM-kort Þegar þú skiptir um

SIM-kort er SIM-kort minnið valið sjálfkrafa.

Sýna tengiliði—Til að velja hvernig nöfn og símanúmer birtast. Þegar þú skoðar Upplýs. um tengilið með Sýna tengiliði og stillingunni Nafnalisti eða Eitt nafn í einu er nafnið eða símanúmerið sem vistað er í minni

SIM-kortsins merkt með og nafnið eða símanúmerið sem vistað er í minni símans með .

Staða minnis—Til að sjá hversu mörg nöfn og símanúmer eru vistuð í símaskránum og hvað hægt er að vista

mörg nöfn og símanúmer til viðbótar

■ Símtalaskrá

Síminn þinn skráir símanúmer ósvaraðra, móttekinna og hringdra símtala, áætlaða lengd þeirra og fjölda sendra og móttekinna skilaboða.

Síminn skráir aðeins símtöl og hringingar sem ekki er svarað ef kveikt er á honum, ef hann er innan þjónustusvæðis og ef símkerfið styður þessar aðgerðir.

Teljarar símtala

Veldu Valm. > Símtalaskrá > Lengd símtals til að skoða áætlaða lengd síðasta símtals, allra móttekinna símtala, allra hringdra símtala eða áætlaðan heildartíma allra símtala.

Til að núlstilla teljarana skaltu velja Núllstilla teljara, slá inn öryggisnúmerið og velja Í lagi.

Til athugunar: Reikningar þjónustuveitunnar fyrir símtöl og þjónustu kunna að vera breytilegir eftir eiginleikum símkerfisins, sléttun fjárhæða við gerð reikninga, sköttum og öðru slíku.

■ Stillingar

Í þessari valmynd geturðu breytt ýmsum stillingum í símanum. Til að gera sumar valmyndarstillingar aftur sjálfgefnar skaltu velja Velja upphafsstillingar

Tónastillingar

Veldu Valm. > Stillingar > Tónastillingar og úr tiltækum valkostum:

Hringitónn—Til að velja tón fyrir innhringingar Hringistyrkur—Til að stilla hljóðstyrk hringitóna og skilaboðatóna. Ef Hringistyrkur er stilltur á stig 2 eða hærra,

þá hringir síminn með hljóðstyrk sem hækkar frá stigi 1 upp í það stig sem valið var fyrir innhringingar.

Titringur—Til að láta símann titra þegar einhver hringir í þig eða sendir þér textaboð Skilaboðatónn—Til að stilla tóninn sem hljómar þegar textaboð berast Aðvörunartónar—Til að velja ýmsa tóna, t.d. til að láta símann gefa frá sér hljóðmerki þegar rafhlaðan er að

tæmast

Skjástillingar

Veldu Valm. > Stillingar > Skjástillingar. Veldu Sparnaðarklukka til að sýna stafrænu eða venjulegu klukkuna og öll aðalskjáteiknin sem skjávara.

Snið

Þú getur breytt sniðum, t.d. látið snið innihalda hringitóna og skjávara. Veldu Valm. > Stillingar > Snið, sniðið sem þú vilt breyta og Sérsníða.

Tímastillingar

Veldu Valm. > Stillingar > Tímastillingar. Veldu Klukka til að fela eða sýna klukkuna, stilla tímann eða breyta tímsniðinu. Ef rafhlaðan er fjarlægð úr símanum þarf ef til vill að slá aftur inn tíma og dagsetningu.

Símtalsstillingar

Veldu Valm. > Stillingar > Símtalsstillingar og eftirfarandi valkosti: Veldu Símtalsflutningur (sérþjónusta) til að flytja innhringingar í talhólfið þitt eða í annað símanúmer.

Skrunaðu að þeim flutningsvalkosti sem þú vilt og veldu Virkja til að stilla á þann valkost og Hætta við til að slökkva á honum; til að athuga hvort sá valkostur sem valinn var sé virkur skaltu velja Ath. stillingar; til að tilgreina biðtíma tiltekins flutnings skaltu velja Velja biðtíma (ekki fyrir hendi fyrir alla flutningsvalkosti). Hægt er að hafa marga flutningsvalkosti virka samtímis. Þegar Flytja öll símtöl er virkt birtist á skjánum í biðham. Til að slökkva á öllum símtalaflutningi skaltu velja Hætta við alla símtalsflutninga.

Veldu Birta uppl. um mig (sérþjónusta) til að velja hvort símanúmerið þitt birtist eða birtist ekki á skjá þess síma sem þú hringir í.

Veldu Sjálfvirkt endurval til að láta símann reyna að hringja allt að tíu sinnum í símanúmer sem ekki tókst að ná sambandi við.

Biðþjónusta símtala (sérþjónusta) til að símkerfið láti þig vita ef einhver reynir að hringja í þig á meðan þú ert

að tala í símann.

Símastillingar

Veldu Valm. > Stillingar > Símastillingar. Veldu Tungumál til að velja tungumál fyrir skjátexta símans.

Stillingar kostnaðar

Til athugunar: Reikningar þjónustuveitunnar fyrir símtöl og þjónustu kunna að vera breytilegir eftir eiginleikum

símkerfisins, sléttun fjárhæða við gerð reikninga, sköttum og öðru slíku.

Veldu Valm. > Stillingar > Stillingar kostnaðar og Fyrirfram greidd inneign (sérþjónusta) til að sjá upplýsingar um inneign; Lengd símtals til að ákvarða hvort tímasetning símtals birtist; Samantekt símtals til að ákvarða hvort lengd símtals birtist; Kostnaður við símtöl (sérþjónusta) til að sjá áætlaðan kostnað vegna síðasta símtals eða allra símtala þinna út frá þeim einingum sem hafa verið tilgreindar í aðgerðinni Sýna kostnað í.

Til athugunar: Þegar inneign á hleðslukorti eða öðru sambærilegu er búin gæti aðeins verið hægt að hringja í opinbera neyðarnúmerið sem er forritað í tækið.

Stillingar fyrir aukahluti

Veldu Valm. > Stillingar > Stillingar fyrir aukahluti > Höfuðtól eða Hljóðmöskvi. Veldu Sjálfvirkt svar til að láta símann svara innhringingu sjálfkrafa eftir fimm sekúndur. Teiknið fyrir aukahluti verður aðeins sýnilegt eftir að aukahlutur hefur verið tengdur við símann.

Stilling hægri valtakka

Í biðham er hægt að velja Opna til að fá upp lista yfir flýtivísa. Til að skilgreina eða raða flýtivísum skaltu velja

Valm. > Stillingar > Stillingar hægri valtakka. Skrunaðu að Valmöguleikar til að velja hvaða aðgerðir fá

flýtivísa; skrunaðu að Skipuleggja til að raða upp aðgerðum á flýtivísalistanum.

■ Klukka

Í biðham skaltu velja Valm. > Klukka > Stilla klukku til að stilla vekjarahringingu. Skrunaðu að

Hringing klukku til að velja tón vekjarahringingarinnar, Endurtekin hrin. til að stilla vekjarann

þannig að hann hringi aðeins einu sinni eða endurtekið á tilteknum vikudögum Talandi klukka til að láta símann segja til um tímann. Þegar vekjarinn hringir skaltu velja Stöðva til að stöðva hann eða Blunda til að stöðva hann og láta hringja aftur eftir 10 mínútur.

Ef vekjaraklukkan hefur verið stillt og tíminn rennur upp á meðan slökkt er á tækinu kveikir það á sér og hringir. Ef þú velur

Stöðva er spurt hvort opna eigi tækið fyrir símtölum. Veldu Nei til að slökkva á tækinu eða Já til að hringja og svara

símtölum. Ekki velja Já þegar notkun þráðlausra síma getur valdið truflun eða hættu.

■ Áminningar

Til að vista stutta minnispunkta með áminningartóni skaltu velja Valm. > Áminningar > Bæta við

nýrri. Þegar tími áminningar rennur upp skaltu velja Hætta til að stöðva áminningartóninn eða Fresta til að hringt sé aftur eftir 10 mínútur.

■ Aukakostir

Reiknivél

Til athugunar: Nákvæmni reiknivélarinnar er takmörkuð og hún er ætluð til einfaldra útreikninga.

Veldu Valm. > Aukakostir > Reiknivél.

1. Styddu á takka 0 til 9 til að setja inn tölur og # til að setja inn tugabrotskommu. Til að breyta tákni innsleginnar tölu skaltu styðja á *.

2. Skrunaðu upp eða niður til að auðkenna +, -, x, or /.

3. Endurtaktu lið 1 og 2 ef þarf.

4. Til að fá fram niðurstöðuna skaltu velja Samtals.

Umreiknari

Þú getur umreiknað mismunandi mælieiningar. Í biðham skaltu velja Valm. > Aukakostir > Umreiknari. Til að opna síðustu fimm umreikninga skaltu velja Síð.

5umreik. Þú getur einnig notað þær fimm einingar sem er að finna í símanum: Hitastig, Þyngd, Lengd, Flatarmál, Rúmmál og Gjaldmiðill.

Þú getur bætt við þínum eigin umreikningi með Mínir umreikn.. Hægt er að skruna upp og niður til að skipta um einingar við umreikning.

Tónsmiður

Veldu Valm. > Aukakostir > Tónsmiður og tón. Þú getur búið til þína eigin hringitóna með því að slá inn nótur. Styddu t.d. á 4 fyrir nótuna f. Styddu á 8 til að stytta (-) og 9 til að lengja (+) nótuna eða hlé. Styddu á 0 til að setja inn hlé, * til að tilgreina áttund og # til að gera nótuna skarpari(ekki í boði fyrir nóturnar e og b).

Þegar tóni er lokið skaltu velja Valkost. >Spila, Vista, Taktur, Senda, Hreinsa skjá eða Hætta. Keyrsla forrita í bakgrunni krefst aukinnar rafhlöðuorku og minnkar líftíma rafhlöðunnar.

■ SIM-þjónusta

Vera kann að SIM-kortið bjóði upp á annars konar þjónustu sem þú getur notað. Þessi valmynd birtist eingöngu ef SIM-kortið styður hana. Heiti og efni valmyndarinnar fer eftir SIM-kortinu.

Nánari upplýsingar fást hjá þjónustuveitunni.

5. Upplýsingar um rafhlöðu

■ Hleðsla og afhleðsla

Tækið gengur fyrir rafhlöðu sem hægt er að endurhlaða. Rafhlaða nær ekki fullum afköstum fyrr en hún hefur verið hlaðin og afhlaðin tvisvar til þrisvar sinnum. Hægt er að hlaða og afhlaða rafhlöðu nokkur hundruð sinnum en að því kemur að hún gengur úr sér. Þegar tal- og biðtími er orðinn mun styttri en eðlilegt er skal skipta um rafhlöðu. Aðeins skal nota rafhlöður sem samþykktar eru af Nokia og aðeins skal endurhlaða rafhlöðu með hleðslutækjum sem Nokia hefur samþykkt til notkunar með þessu tæki.

Ef verið er að nota vararafhlöðu í fyrsta skipti eða ef rafhlaðan hefur ekki verið notuð í langan tíma kann að vera nauðsynlegt að tengja hleðslutækið og aftengja það síðan og tengja aftur til að hefja hleðsluna.

Taka skal hleðslutækið úr sambandi við rafmagnsinnstungu og tækið þegar það er ekki í notkun. Ekki má hafa fullhlaðna rafhlöðnu í sambandi við hleðslutæki þar sem ofhleðsla getur stytt líftíma hennar. Fullhlaðin rafhlaða tapar hleðslunni smátt og smátt ef hún er ekki í notkun.

Ef rafhlaðan er alveg tæmd geta liðið nokkrar mínútur þar til hleðsluvísirinn birtist á skjánum eða þar til hægt er að hringja. Aðeins skal nota rafhlöðuna til þess sem hún er ætluð. Aldrei skal nota skemmt hleðslutæki eða rafhlöðu. Gæta skal þess að valda ekki skammhlaupi í rafhlöðunni. Skammhlaup getur orðið fyrir slysni þegar málmhlutur, svo

sem mynt, bréfaklemma eða penni veldur beinni tengingu milli + og - skautanna á rafhlöðunni. (Þau líta út eins og málmrendur á rafhlöðunni.) Til dæmis getur þetta gerst þegar vararafhlaða er höfð í vasa eða tösku. Skammhlaup milli skautanna getur valdið skemmdum á rafhlöðunni eða hlutnum sem veldur tengingunni.

Ef rafhlaðan er skilin eftir í miklum hitum eða kuldum, til dæmis í lokuðum bíl að sumar- eða vetrarlagi, dregur það úr afkastagetu hennar og endingu. Æskilegast er að rafhlaðan sé alltaf höfð í hita á bilinu frá 15°C til 25°C (frá 59°F til 77°F). Tæki með of heitri eða of kaldri rafhlöðu getur orðið óvirkt um tíma, þó svo að rafhlaðan sé fullhlaðin. Einkum hefur mikið frost takmarkandi áhrif á rafhlöður.

Ekki má fleygja rafhlöðum í eld þar sem þær geta sprungið. Rafhlöður geta einnig sprungið ef þær skemmast. Farga skal rafhlöðum í samræmi við staðbundin lög og reglugerðir. Skila skal þeim í endurvinnslu þegar mögulegt er. Ekki skal fleygja þeim með heimilisúrgangi.

■ Leiðbeiningar um sannprófun á rafhlöðum frá Nokia

Notaðu alltaf rafhlöður frá Nokia til að tryggja öryggi þitt. Til að tryggja að þú fáir rafhlöður frá Nokia skaltu kaupa þær hjá viðurkenndum söluaðila Nokia, ganga úr skugga um að 'Nokia Original Enhancements' táknið sé á umbúðunum og skoða heilmyndarmiðann á eftirfarandi hátt:

Þó svo að þessum fjórum skrefum sé fylgt nákvæmlega er það ekki fullkomin trygging fyrir því að rafhlaðan sé sannvottuð. Ef þú hefur minnstu ástæðu til að ætla að rafhlaðan þín sé ekki ósvikin Nokia-rafhlaða skaltu ekki nota hana heldur fara með hana til viðurkennds þjónustu- eða söluaðila Nokia. Viðurkenndir þjónustu- og söluaðilar Nokia kanna sannvottun rafhlöðunnar. Ef ekki er hægt að staðfesta sannvottunina skaltu skila rafhlöðunni til verslunarinnar þar sem þú keyptir hana.

Sannvottun heilmyndar

1. Þegar þú horfir á heilmyndina á miðanum ættirðu að sjá Nokia-handabandstáknið frá einu sjónarhorni og 'Nokia Original Enhancements' táknið frá öðru.

2. Þegar þú snýrð heilmyndinni til vinstri, hægri, upp eða niður ættirðu að sjá 1, 2, 3, eða 4 punkta, allt eftir staðsetningu hennar.

3. Skafðu hliðina á miðanum og þá á að koma í ljós 20 stafa tala, t.d.

12345678919876543210. Snúðu rafhlöðunni þannig að tölurnar vísi upp. 20 stafa talan byrjar í efri röðinni og heldur áfram í neðri röðinni.

4. Fáðu staðfestingu á því að 20 stafa talan sé gild með því að fylgja leiðbeiningunum á www.nokia.com/batterycheck.

Til að búa til textaskilaboð skaltu slá inn 20 stafa töluna, t.d 12345678919876543210, og senda hana á +44 7786 200276. Gjaldskrá innlendra og erlendra símafyrirtækja gildir. Þá áttu að fá skilaboð sem segja til um hvort hægt er að sannvotta töluna eða ekki.

Hvað ef rafhlaðan er ekki ósvikin?

Ef þú getur ekki staðfest að Nokia-rafhlaðan með heilmyndinni á miðanum sé ósvikin Nokia-rafhlaða skaltu ekki nota rafhlöðuna. Farðu með hana til næsta viðurkennda þjónustuaðila eða sölustaðar Nokia til að fá aðstoð. Notkun rafhlaða sem eru ekki samþykktar af framleiðanda getur verið hættuleg. Hún getur jafnframt leitt til þess að tækið og aukahlutir þess virki ekki sem skyldi eða skemmist. Notkun þeirra kann jafnframt að ógilda allar þær samþykktir eða ábyrgðir sem eiga við tækið.

Nánari upplýsingar um ósviknar Nokia-rafhlöður er að finna á www.nokia.com/battery.

6. Aukahlutir

Nokkur holl ráð varðandi fylgibúnað og aukahluti:

• Alla aukahluti og fylgibúnað skal geyma þar sem lítil börn ná ekki til.

• Þegar aukahlutur eða fylgibúnaður er tekinn úr sambandi skal taka í klóna, ekki leiðsluna.

• Athuga skal reglulega hvort aukahlutir fyrir bíla séu vel festir og vinni rétt.

• Uppsetningu flókinna aukahluta í bíla skal fela fagmönnum.

Umhirða og viðhald

Í tækinu fer saman frábær hönnun og flókin tækni sem fara þarf gætilega með. Eftirfarandi leiðbeiningar hjálpa til við að halda tækinu í ábyrgð.

• Halda skal tækinu þurru. Úrkoma, raki og hvers kyns vökvar geta innihaldið steinefni sem tæra rafrásirnar. Ef tækið blotnar skal fjarlægja rafhlöðuna og leyfa því að þorna alveg áður en rafhlaða er sett í aftur.

• Ekki skal nota tækið á rykugum og óhreinum stöðum né geyma það þar. Færanlegu hlutirnir og rafrænir hlutar þess geta skemmst.

• Ekki skal geyma tækið á heitum stað. Hátt hitastig getur dregið úr endingu rafeindatækja, skemmt rafhlöður og undið eða brætt sum plastefni.

• Ekki skal geyma tækið á köldum stað. Þegar tækið hitnar upp að eðlilegu hitastigi getur raki myndast innan í því og hann getur skemmt rafrásaspjöld.

• Ekki skal reyna að opna símann öðruvísi en tilgreint er í þessari handbók.

• Tækinu skal ekki henda, ekki skal banka í það eða hrista það. Óvarleg meðferð getur skemmt innri rafrásarspjöld og fíngerðan búnað.

• Ekki skal nota sterk efni, leysiefni til hreingerninga eða sterk hreinsiefni til þess að þrífa tækið.

• Ekki skal mála tækið. Málningin getur fest hreyfanlega hluti tækisins og komið í veg fyrir að þeir vinni rétt.

• Aðeins skal nota loftnetið sem fylgir með símanum eða samþykkt varaloftnet. Ósamþykkt loftnet, breytingar á þeim eða viðbætur, gætu skemmt tækið og kunna að brjóta í bága við ákvæði laga og reglugerða um senditæki.

• Nota skal hleðslutæki innandyra.

• Alltaf skal taka öryggisafrit af gögnum sem á að geyma (eins og tengiliðum og dagbókaratriðum) áður en tækið er sent til þjónustuaðila.

Allar ofangreindar ábendingar eiga jafnt við tækið, rafhlöðuna, hleðslutækið eða aðra aukahluti. Ef tæki vinnur ekki rétt skal fara með það til næsta viðurkennda þjónustuaðila til lagfæringar.

Viðbótaröryggisupplýsingar

Í tækinu og aukahlutum þess geta verið litlir hlutir. Þá skal geyma þar sem lítil börn ná ekki til.

■ Vinnuumhverfi

Hafa ber í huga að farið sé að öllum sérstökum reglugerðum sem gilda á hverju svæði og að slökkva alltaf á tækinu þar sem notkun þess er bönnuð eða þar sem hún kann að valda truflun eða hættu. Tækið notist aðeins í hefðbundinni stöðu. Þetta tæki uppfyllir skilyrði um leyfileg mörk útvarpsbylgna (RF) við notkun annaðhvort í hefðbundinni stöðu við eyrað eða þegar það er haft að minnsta kosti 1,5 sentímetra (3/5 tommur) frá líkamanum. Ef taska, beltisklemma eða hald er notað þegar tækið er borið á líkamanum við notkun ætti slíkur búnaður ekki að innihalda málm og halda ætti tækinu að minnsta kosti í þeirri fjarlægð frá líkamanum sem nefnd var hér á undan.

Hlutar tækisins eru segulmagnaðir. Málmefni geta dregist að tækinu. Ekki má geyma kreditkort eða aðra segulmagnaða hluti með geymsluminni nálægt tækinu því upplýsingar sem þar eru geymdar gætu þurrkast út.

■ Lækningatæki

Notkun búnaðar sem sendir frá sér útvarpsbylgjur, þar með talin notkun þráðlausra síma, kann að trufla virkni lækningatækja sem ekki eru nægilega vel varin. Hafa skal samband við lækni eða framleiðanda lækningatækisins til þess að komast að því hvort það sé nægilega vel varið fyrir utanaðkomandi útvarpsbylgjum eða til að afla nánari upplýsinga. Slökkva skal á tækinu í námunda við heilsugæslustöðvar ef auglýstar reglur þess efnis kveða á um að það sé gert. Sjúkrastofnanir eða heilsugæslustöðvar kunna að nota búnað sem getur verið næmur fyrir utanaðkomandi útvarpsbylgjum.

Gangráðar

Framleiðendur gangráða mæla með því að 15,3 sm (6 tommu) lágmarksbil sé haft á milli þráðlauss síma og gangráðs til þess að komist sé hjá hugsanlegri truflun í gangráðinum. Þessi tilmæli eru í samræmi við sjálfstæða rannsókn og tilmæli frá Wireless Technology Research. Notendur gangráða ættu:

• alltaf að halda tækinu í meira en 15,3 sm (6 tommu) fjarlægð frá gangráðinum

• ekki bera tækið í brjóstvasa

• að hafa tækið við eyrað sem er fjær gangráðinum til að draga úr líkum á truflunum.

Ef grunur leikur á að tækið trufli gangráðinn skal slökkva á því og færa það í burtu.

Heyrnartæki

Tiltekin stafræn þráðlaus tæki geta truflað sum heyrnartæki. Ef truflun verður skal leita til þjónustuaðila.

■ Ökutæki

Útvarpsbylgjur kunna að hafa áhrif á rafeindakerfi í vélknúnum ökutækjum, séu þau ekki rétt upp sett eða ekki nægilega varin, svo sem rafeindastýrða eldsneytisgjöf, rafeindastýrð hemlakerfi (með læsivörn), rafeindastýrð hraðakerfi og loftpúðakerfi. Nánari upplýsingar má fá hjá framleiðanda bílsins eða búnaðarins sem bætt hefur verið við eða fulltrúa hans.

Aðeins á að fela fagmönnum að gera við tækið eða setja tækið upp í ökutæki. Gölluð uppsetning eða viðgerð kann að valda hættu og ógilda hvers kyns ábyrgð sem kann að vera á tækinu. Ganga skal reglulega úr skugga um að allur þráðlaus tækjabúnaður í ökutækinu sé rétt uppsettur og vinni rétt. Ekki má geyma eða flytja eldfima vökva, lofttegundir eða sprengifim efni í sama rými og tækið, hluta úr því eða aukahluti með því. Ef ökutæki er búið loftpúða skal hafa hugfast að loftpúðar blásast út af miklum krafti. Ekki má setja hluti, þar með talinn uppsettan eða færanlegan þráðlausan búnað, á svæðið yfir loftpúðanum eða á útþenslusvið loftpúðans. Ef þráðlaus búnaður í bíl er illa settur upp og loftpúðinn þenst út getur slíkt orsakað alvarleg meiðsl.

Notkun tækisins meðan á flugi stendur er bönnuð. Slökkva skal á tækinu áður en gengið er um borð í flugvél. Notkun þráðlausra fjarskiptatækja í flugvél getur skapað hættu við stjórn flugvélarinnar, rofið þráðlaust símasamband og verið ólöglegt.

■ Sprengifimt umhverfi

Slökkva skal á tækinu á svæðum þar sem hætta er á sprengingum og fara að öllum tilmælum sem sjást á skiltum og leiðbeiningum. Sprengifimt andrúmsloft telst vera á svæðum þar sem yfirleitt er beðið um að drepið sé á vél bifreiðar. Neistaflug á slíkum svæðum getur valdið sprengingu eða eldi og haft í för með sér slys og jafnvel dauðsföll. Slökkva skal á símanum á eldsneytisstöðvum, svo sem við eldsneytisdælur á bensínstöðvum. Virða skal takmarkanir á notkun útvarpsbúnaðar í eldsneytisgeymslum, svæðum þar sem geymsla og dreifing eldsneytis fer fram, efnaverksmiðjum eða þar sem verið er að sprengja. Svæði þar sem sprengihætta er mikil eru oftast auðkennd en þó ekki alltaf. Þar á meðal eru svæði undir þilfari á bátum; svæði þar sem sterk efni eru geymd eða búin til flutnings; ökutæki sem nýta fljótandi svartolíugas (própan eða bútan) og svæði þar sem í lofti eru efni eða agnir, til dæmis korn, ryk eða málmduft.

■ Neyðarhringingar

Mikilvægt: Þráðlausir símar, þar á meðal þetta tæki, nota útvarpsmerki, þráðlaus kerfi, kapalkerfi og

notendaforritaðar aðgerðir. Því er ekki hægt að tryggja tengingar við hvaða skilyrði sem er. Því skyldi aldrei treysta eingöngu á þráðlaust tæki ef um er að ræða bráðnauðsynleg fjarskipti, t.d. í bráðatilvikum.

Neyðarsímtal:

1. Ef slökkt er á tækinu skal kveikja á því. Athuga skal hvort nægilegur sendistyrkur sé fyrir hendi. Í tilteknum símkerfum kann að vera farið fram á að gilt SIM-kort sé rétt sett í tækið.

2. Styðja skal á hætta-takkann eins oft og þarf til að hreinsa skjáinn og gera tækið tilbúið fyrir símtöl.

3. Opinbera neyðarnúmerið fyrir viðkomandi svæði er valið. Neyðarnúmer eru breytileg eftir stöðum.

4. Stutt er á takkann.

Ef ákveðnar aðgerðir eru í notkun þarf ef til vill að gera þær óvirkar áður en neyðarsímtal er mögulegt. Ef tækið er með ótengdu sniði eða flugsniði þarf að skipta um snið til að gera símaaðgerðina virka áður en hægt er að hringja neyðarsímtal. Nánari upplýsingar má fá í þessari handbók eða hjá þjónustuveitunni.

Ef ákveðnar aðgerðir eru í notkun þarf ef til vill að gera þær óvirkar áður en neyðarsímtal er mögulegt. Nánari upplýsingar má fá í þessari handbók eða hjá þjónustuveitunni.

Í neyðarsímtali þarf að gefa upp allar nauðsynlegar upplýsingar eins nákvæmlega og kostur er. Þráðlausa tækið getur verið eina samskiptatækið á slysstað. Ekki má slíta símtali fyrr en að fengnu leyfi til þess.

■ Upplýsingar um vottun (SAR)

ÞETTA TÆKI UPPFYLLIR ALÞJÓÐLEGAR LEIÐBEININGAR UM ÁHRIF AF ÚTVARPSBYLGJUM. Þráðlausa tækið er útvarpssendir og móttökutæki. Það er hannað með tilliti til leyfilegra marka um áhrif af útvarpsbylgjum

sem alþjóðlegar leiðbeiningar mæla með. Þessar leiðbeiningar voru þróaðar af hinni sjálfstæðu vísindastofnun ICNIRP og innihalda öryggisfrávik til að tryggja öryggi allra, burtséð frá aldri eða heilsufari.

Í leiðbeiningum um útvarpsbylgjur úr þráðlausum tækjum er notuð mælieiningin SAR (Specific Absorption Rate). Efri mörk SAR, samkvæmt leiðbeiningunum ICNIRP, eru 2,0 vött/kílógramm (W/kg)* að meðaltali á hver 10 grömm af líkamsvef. Mælingar á SAR eru gerðar í hefðbundnum stöðum þegar tækið sendir af mesta leyfða styrk á öllum mældum tíðnisviðum. SAR-styrkur tækisins í notkun getur verið lægri en hámarksgildið því að tækið er hannað til að nota aðeins þann styrk sem til þarf til að ná sambandi við símkerfið. Ýmsir þættir valda því að styrkurinn breytist, svo sem hve nálægt grunnstöð notandinn er. Samkvæmt viðmiðunarreglum ICNIRP er hæsta SAR-gildi fyrir notkun tækisins við eyra 0,78 W/kg.

Notkun aukabúnaðar getur valdið því að SAR-gildið verði annað. SAR-gildi kunna að vera breytileg milli landa sökum mismunandi upplýsingaskyldu, krafna og tíðnisviðs. Viðbótarupplýsingar um SAR má finna í upplýsingum um vörur á www.nokia.com

Nokia 1110 User's Guide [is]

Specifications and Main Features

Frequently Asked Questions

User Manual